Daniel 1:2 - Tedim Bible Revision 2017

² Topa in kumpi Jehoiakim le biakinnpi na manphate kumpi Nebukhadnezzar a mansak hi. Amah in a mi matte Babylon gam ama pasian biakinn ah paipih a, na manpha a matte sumkoihna inn ah a koih hi.

Tedim Bible

² Topa in, Jehoiakim kumpipa leh biakinnpi’ na manphate Nebukhadnezzar kumpipa a mansak hi. Amah in a mi matte Babilon gam ama pasian biakinnah paipih a, na manpha a matte sum koihna innah a koih hi.

Daniel 1:2 Iomraidhean Croise

Piancilna 10:10

Ama kumpi gam kipatna Babel, Erek le Akkad hi a, tuate khempeuh Shinar gam sungah om hi.

Piancilna 11:2

Amaute nisuahna lamah lal uh a, Shinar gam sungah zanglei mun khat mu-in tua lai ah a teeng uh hi.

2 KUMPI NIHNATE 24:1

Ama hun sungin Babylon kumpipa Nebukhadnezzar hong kuan to a, Jehoiakim kum thum sung ama nasem a suak hi. Tua ciangin Jehoiakim in amah lehdo hi.

2 KHANG TANGTHU NIHNATE 36:5

Jehoiakim in uk ding a kipatin kum sawm nih le nga pha a, amah in Jerusalem ah kum sawm le kum khat sung uk hi. Topa a Pasian mai ah amah a sia gamta hi.

2 KHANG TANGTHU NIHNATE 36:7

Nebukhadnezzar in Topaʼ biakinn-a umlebeel pawl khatte zong Babylon ah pua-in Babylon-a a kumpi inn ah tuate a koih hi.

Ezra 1:7

Tua tham loin, Nebukhadnezzar in Jerusalem panin pua khia-in ama pasian-teʼ biakinn sungah a koih sa ahi Topaʼ biakinn-a omngei umlebeelte zong kumpipa Sairas in pusuah hi.

Isaiah 11:11

Tua ni ciangin Topa in Assiria gam, Egypt gam, Pathros gam, Ethiopia gam, Elam gam, Shinar gam, Hamath gam le tuipi gei-a gamte panin ama mi a omlaite a ngahkik nadingin a vangliatna zangkik ding hi.

Isaiah 42:24

Kua in a sut gawp pa tungah Jakob pia a, a luh gawpte tungah Israel pia ahi hiam? Topa mahmah in a piak hi lo ahi hiam? Ama tungah eite i khial hi. Ama hong deih bangin i nungta kei a, ama hong thuhilhnate i mang kei hi.

Jeremiah 25:1

Josiahʼ tapa Jehoiakim, Judah gamah kumpi a suah zawh kum sawm li a cin kumin Judah mite tawh kisai-in Topa in Jeremiah a hopih hi. (Hih hun pen Babylon ah Nebukhadnezzar kumpi a suah kum ahi hi.)

Jeremiah 27:16

Tua ciangin siampite le hih mi khempeuhteʼ kiangah, “Topa in hong genin ah, ‘En un, Babylon khua panin Topaʼ biakinn beelte kilakik baih ta ding hi,’ ci-in noteʼ kiangah na kamsangte uhʼ hong thugente um kei un. Bang hang hiam cih leh note kiangah hong gen uh thu pen zuau thu ahi hi.

Jeremiah 28:3

Kum nih sungin Babylon kumpipa Nebukhadnezzar in hih mun pan la khia-in Babylon khua ah a puak, Topaʼ biakinnpi sunga beelte hih munah ka lakik ding hi.

Jeremiah 35:11

Ahih hangin Babylon kumpipa Nebukhadnezzar in hih gam hong sim ciangin kote in, ‘Hong pai un. Khaldea galkapte le Syria galkapte kihta ihih manin Jerusalem khua ah pai ni,’ ka kici uh a, tua mah bangin tu-in Jerusalem khua ah ka teng uh hi,” a hong ci uh hi.

Jeremiah 50:2

“Gam khempeuh ah genin taangko unla, dial khai unla im kei un. ‘Babylon khuapi kia ta hi. Bel pasian maizum ta a, Merodak pasian kitan gawp ta hi. A milimte uh maizum ta a, a pasian-te uh kisia gawp ta hi,’ ci-in taangko un.

Jeremiah 51:44

Babylon khuateʼ pasian Bel zong gim ka pia dinga, a na guk sa teng ka lak khiatsakkik ding hi. Gamdangte in amah bia nuam nawn lo ding uh hi. Babylon khua kulhpi kicim khinta hi.

Daniel 5:13

Tua ciangin thakhatin kumpipa kiangah Daniel a paipih uh hi. Kumpipa in, “Nang Daniel pen kumpi ahi ka pa in Judah gam panin a hong lakkhiat Jew mi salte khat hi lo na hi hiam?

Daniel 5:18

A Lianpen Pasian in na pa Nebukhadnezzar kumpi lianin koih a, zahtakna le vangliatna a pia hi.

Habakkuk 1:16

A ngente un amauʼ deih peuhpeuh ngahsak ahih manin, amaute in a ngente uh bia-in biakpiakna zong a pia uh hi.

Zekhariah 5:11

amah in, “Biakinn khat a lamsak dingin Babylon gamah a leen pih ding ahi uh hi. Biakinn a lamsak uh a zawh uh ciangin, biak dingin tua ciangpi kikoih ding hi,” ci-in a hong dawng hi.

Thu-hilhkikna 32:30

Amau a Hon khia pa in amaute zuakin, Topa in amaute pia khia kei leh bangci-in mi khat in mi tul khat delh mangin, mi nih in mi tul sawm taisak zo ding ahi hiam?

Thukhente 2:14

Tua ahih ciangin Israel-te tungah Topa sin so a, amauteʼ na a sut, miʼ na a sut thei miteʼ tungah amaute a pia hi. A kiim a om a galte uh tungah amaute pia a, amaute in a galte uh nang zo nawn lo uh hi.

Thukhente 3:8

Tua ahih ciangin Israel-te tungah Topa sin so a, amah in Mesopotamia kumpipa Kushan-rishathaim tungah amaute a pia hi. Israel mite in Kushan-rishathaimʼ na kum giat sung a sem uh hi.

Thukhente 4:2

Tua ciangin Topa in Hazor ah a uk, Kanaan kumpipa Jabinʼ khut sungah amaute a pia hi. Ama galkapte a ukpa pen, Harosheth-ha-goiim ah a teeng Sisera ahi hi.

1 SAMUEL MASA 5:2

Tua ciangin Filistia-te in Pasianʼ Thuciamna Singkuang la-in Dagon inn sungah paipihin Dagon kiangah koih uh hi.