Tito 3:8 - Tradução Bíblica Pacaas Novos

⁸ Iri'o' na ca tomi' xim ca'. Je ca tomi' xim ca'. Param inem pain ca tama' pijim' mi' momon pain ca tomi' ne oro wari' co howa nonon Iri' Jam ma'. Iri'o' na ta roron. Ma' ta tama' ara cacain ca awi wa, ma' ta win xumu cacain quem. Hohot tamana na ca pijim' ac i ma' momon ma'. Quep xiho' nonon oro wari' quem.

Tito 3:8 Iomraidhean Croise

Mateus 20:4

Wahu' quem ac tococwa na. Taramaja mama' jein totain uva ne ta. Pagar xo' xuhu' quem ac tococwa na.

João 12:44

Merem ac ca na Jeju, merem mip na: Wari' co howa napa' ma', om ca howa e' capa'. Howa non Te co hwet roron oro wari' ta napa' quem.

João 5:24

Je ca tomi' xuhu' ca', tomi' iri'o' inuhu' ta ac tococwa na. Oro wari' co taraju wet nanain capija ca', oro wari' co howa nonon Te pain ca hwet roron oro wari' ta capa' ca', ma' ac cocon na ca om pi' ra ha' ne ca e' wa pain pawin cain. Om ta wap tococwa pain ca caracat nucucun. Wara witan ca' nanain ca cono' wa. Wara ma' nonon ca om pi' ra ha' ne ca e' wa pain pawin cain.

Atos 12:15

He, tamanain ma ra ac cacam na. Om na, hwet pe na, iri'o' ta ac cama na. Tara. Jam co querec wet non tara ta ac caca na.

Romanos 4:5

Ane om ac i ma' ne con wari' co howa e' non Iri' Jam ne, co om howa nain ca ara ara pan nucun ma'. Tomi' ca' na: Howa inon Iri' Jam. Wirico co to' hohot pin non wari' co caracat pain ca miri'om con ma', ac i ma' na ca tomi' nucun. Tomi' ac tocwa na quem, tomi' non Iri' Jam: To' hohot pin inem, xi om ne ca howa ara mapa' ta non.

2 Coríntios 4:13

Ma' na ca xirao' pe xine pain capijacon Iri' Jam: Howa inon Iri' Jam, je ca tomi' ta' ca', ac i ma' na ca xirao' pe nein. Ac i ma' urut quem, howa ac i ma' urut con Iri' Jam, je ca tomi' urut quem.

Efésios 4:28

Wari' co wara an noc xa pane, om ta an noc xa mami' ca quem. Taramaja xo' tara. Ma' ta cut ca dinheiro pain ca taramaja nucun. Ma' ta ma' con carawa ca mam' quep xiho' cocon co ximin nana pain ca om cocon carawa ta.

1 Timóteo 1:15

Maqui' iri nain macan' Cristo Jeju pane ne, to' witan toton oro caracat ta ac ca na. Iri'o' na ca tomi' ne ca'. Na e' na pain ca howa howa pi' pin xin ca tomi' ne ca'. Wata' co iri' caracat ta. Om na xucun wari' co an xiho' napa' pain ca caracat ne ta.

1 Timóteo 2:8

Je ca tomi' toton co tomi' xun nonon Iri' Jam. Tomi' xun iri nonon pain oro ca cut in nucucun ma' ne, na e' na pain ca xumu xo' caca pain ca tomi' xun cocon ma'. Na e' na pain ca hohot cocon Iri' Jam ca xuruxut nucucun. Om ca na ne pain ca mana' caca pain ca tomi' cocon Iri' Jam. Om ca na ne pain ca tomi' caracan xucucun pain quem.

1 Timóteo 5:10

Hohot e' na pain ca quep xiho' tacama narima' co wara querec pin' wa pain ca ara taxipa' camain oro ca awi wa pane. Mo na: Co wara querec wet querec wet horon pin nanam humaxicam pane. Co querec te taxipa' nonon co howa nana co maqui' nanain xijein xirim pane, co cao' to ho' xine, pi'am to jein xuru ca' nonon pane. Co xiram pa' taxipa' nonon co howa nana pain ca ara mi' e' cocon pain oro carawa ca param caca pane quem. Co quep xiho' taxipa' nonon oro wari' co i'ina nonon oro carawa pane quem. Co win xumu taxipa' nain oro ca xiram pa' wa pain ca ara mi' cocon pain oro ca awi wa co howa nana pane quem. Mo ta xut xo' ac i ma' cama pain ca e' e' wet qui' ca taxicam pane, hohot ac ne tara pain ca quep xiho' tacama pain xocori ca'.

2 Timóteo 1:12

Je ca jain jain ta' ca', pain ca tao' pe cacapa' pain xirinain ca tao' to tao' to to wa ca'. Ane om wixipa' ta' ne. Om ca naro ta'. Xi querec pin' ara ton Cristo co howa ta' cwa'. Taxi' inon pain ca ha' con ca querec wet cain ca taramaja ne ca mi' capa' ca'. Querec wet querec wet maqui' pa' ac capari' tara xec nein ca in qui' ta' nucun.

Tito 1:9

Wari' co querec wet nonon co howa nonon Jeju ma', na e' na pain ca howa cara cain capijacon Iri' Jam ca wara pijim' iri' ca', ca iri'o' ca'. Na e' na pain ca tomi' ha' cara cain quem. Om ca mixein camain' capari' capijacon Iri' Jam ca tomi' hwet napari' con Jeju ta. Mo ta howa cara cain pain ca tomi' ha' cain, na ac con tara pain ca quep xiho' cocon oro win ma' ca pain ca hu xo' cocon ma'. Na ac con tara pain ca tomi' tomi' na cocon oro win ma' ca co ari nanain quem.

Tito 2:14

Om ca nain ho' xucun pari' pane, mi' pin caho' xuhu' ta napari' pane. Ma' ta to' witan ca' xuhu' pain oro ca pan teretem nuhu' ta napari'. Ac ca hohoc capari' na pain quicon. Ma' ta to' om pin tain ca caracat nuhu' ta napari'. Ma' ta iri' wari' ne xuhu' ta napari'. Param napari' pain ca win xumu xun pain ca tama' ara xin oro ca awi wa quem.

Tito 2:7

Wum quem Tito, an hwet mi' roron pain ca awi wa, tama' ara xo' ra. Ma' ta win ca ne quequem pain oro ca ara nem ma'. Pijim' iri roron pain capijacon Iri' Jam ne, om ta tomi' capijacon e' ma pain. Na e' na pain ca maqui' nein iri' xumum ca pijim' nem. Na e' na pain ca querec pin' quequem pain ca xut xo' nem pain ca pijim' momon quem.

Tito 3:1

Mam' pe wet jein i ca' ta roron oro xerexi' ma' quem: Tomi' ha' jujun oro taramaxicon ta roron. Oro taramaxicon ma', oro wari' co taramaxicon to ho' nunuhu' ma', ta tomi' in pin huhun me ta roron. Tama' quep xiho' jujun pain oro carawa ca awi ca ara xi' caca quem roron.

Tito 3:14

Ac i ma' tatara oro xerexi' pain Creta ma' quem. Tomi' roron, ara taxipa' jein ca awi wa ta roron. Quep xiho' jujun oro wari' pain carawa ca om nonon ta roron. Om ta jam' ne curuhu' ta roron, xi quep xiho' capari' ca jam' ne ca cwere wa ta roron quem.

Filemom 1:11

Om paxi' na ca quep xiho' xo' quem pain cara pane. Ane quep xiho' pin capari' pain xocori ca' ne. Quep xiho' nem, quep xiho' napa' quem.

Hebreus 10:24

Ma' tara ximixi' pain ca hu caracan xijexi', ma' ta tomi' querec te tomi' querec te tiquin' xijexi'. Ma' ta ara mi' xijexi' pain oro ca awi wa quem.

1Pedro 1:21

Je ca howa pin hun Iri' Jam ma', xi om ca Cristo co to' e' mami' ca pane, co to' hwara' opa ca pain ca mi' con pain ca in ac in ac pi' pin cocon oro wari' quem. Je ca howa hun Iri' Jam ma'. Howa hun pain ca winim' hun ma', pain ca mi' xim cuhu' pain oro ca wara tomi' pe mi' cuhu' ma'.