Tito 3:12 - Tradução Bíblica Pacaas Novos

¹² Mam' ho' xim con win ma' ne cwa'. Am Ártemas cwa', am Tíquico cwa', hwet ron Tito ta ton pum. Wa' mao iri tara ne, mao hap ac main tara xijein cidade ma', Nicópolis ma'. Je i cain tara ca mam' pe mapa' ta. Maqui' ta' iri tara oro xec ca xio tamana ne, mao ac tain tara Nicópolis, mon to wet ac tain tara i cain, cawaxi' pa' pe ac capa' tara pain i cain.

Tito 3:12 Iomraidhean Croise

Atos 20:4

Maji ta ac tococwa na oro win ma' ca ma'. Mo nana: Sópatro ma', co wari' nein Bereia ma', co te non Pirro ma'. Aristarco con Secundo ma', co wari' nein Tessalônica nana ma'. Gaio ma', co wari' nein Derbe ma'. Timóteo ma'. Ma' na Tíquico con Trófimo ma' quem, co wari' nein Ásia nana ma' quem.

1 Coríntios 16:6

Am pe ho' wijimain xuhu', am pi' pin pa' capa' xowi' pahu'. Ma' ta quep xiho' mahu' pain ca mao tain ta' oro xijein cidade ca mao ta' ta' quem.

Efésios 6:21

Coxari' Tíquico cwa', co om noc ta' cwa', co taramaja mi' xo' non Taramaxicon nexi' cwa', pijim' hwet turuhu' pata'. Taxi' ac mahu' tara pain carawa ca ara napa'.

Colossenses 4:7

Tomi' hwet turuhu' pain oro carawa ca ara napa' coxari' Tíquico cwa', co tomi' querec te iri' cwa'. Taramaja xo' na Tíquico cwa'. Taramaja wi napa' pain ca taramaja mi' urut con Taramaxicon nexi'.

2 Timóteo 4:12

Mao rain Éfeso inon Tíquico.

2 Timóteo 4:21

Maqui' hap ra me. Ta om om ma me, miri'om rain oro ca to' i'ina nem pain ca hwet hap mapa' pain ca om maqui' querec ne oro xec ca xio tamana ma'. Mam' pe wet urut pum ta nenem xerexi' cwa', Êubulo con Prudente con Lino cwa', wiricam Cláudia cwa' quem. Oro xucucun xerexi' cwa' quem, mam' pe wet urut pum ta nenem.

2 Timóteo 4:9

Maqui' hap ra me. Ta om om ma me, miri'om rain oro ca to' i'ina nem pain ca hwet hap xim mapa' me.