Tito 2:8 - Tradução Bíblica Pacaas Novos

⁸ Pijim' xo' e' roron pain iri' capijacon Iri' Jam quem, ma' ta om pijim' pan tem na ta ac quequem oro wari'. Mo ta pijim' ac i ma' momon, om ta na cocon pain ca tomi' napat cacapari' oro wari' co noc nanapari' ma'. Xi ma' ne ca tomi' napat ac cacapari' ta. Hehe e' tatara, wixipa' pin ac caca tara ta.

Tito 2:8 Iomraidhean Croise

Marcos 12:17

Je ca tomi' xuhu' ca' ac tococwa na. Carawa ca mene ca taramaxicon nucucun oro romano ma', mi' ac hun pain tara. Carawa ca mene ca Iri' Jam ma' iri na ne, mi' ac hun pain tara quem na ca tomi' tococwa ma'. Wa wa ac cocon na quem.

Marcos 12:28

Ma' ac ca na co ca' na taxipa' nain ca xirao' nucun Moisés ma'. Taraju nonon pain ca tomi' xucucun ma'. Querec pin' non Jeju pain ca tomi' xo' cocon ma' quem. Je ca xut hwet con ma'. Tomi' querec ac con na: Ma' ca xirao' nucun Moisés ca awi tiquin' ca' nain oro wirain ca xirao' nucun quem na ca tomi' querec con ma'.

Marcos 12:32

Awi na ta taramaxicon co ca' na taxipa' capijacon Iri' Jam. Iri'o' na ca tomi' nem ta. Xica' pe na Iri' Jam co Iri' Jam. Om na xucun, xica' pe na.

Marcos 12:34

Jeju ma', querec pin' non pain ca taraju pa' nucun. Tomi' ac con na: Taraju pa' ma ma' ira. Om ta i'ina taramaxicon pe ho' xim quem Iri' Jam ta na ca tomi' con ma'. Om pin ac caca na wari' co tomi' querec ximama' nonon ma', xi hehe ara cocon ta.

Lucas 13:17

Tomi' ac i ma' iri na ne, wixipa' wixipa' pi' pin ac caca na co tomi' in pin nonon ma'. Oro wari' ma' iri nana ne, wa wa nanain oro ca ara ca ma'. Tomi' querec te nana pain.

2 Tessalonicenses 3:14

Mo ta ma' ca win ma' nuhu' co om tomi' ha' naparut pain ca hu urut con pain ca xirao' nuxut ca', pain ca taramaja xo' ra urut con ca', tomi' hwet jein wixicon pain ca cut in xujuhu' ma'. Om ac ne tara ca taxipa' hun ma', ma' ta wixipa' pin ca pain ca om taramaja xo' nucun.

1 Timóteo 5:14

Je ca tomi' xim ca': Oro narima' co cono' ca' nanam waram taxicacam pain ca xo' horon xo' horon wet nequequem ma', na e' na pain ca cut cocon xucun tarama'. Wijima ac cacama tara, querec wet ac cacamain tara xiricacam. Om ac ne tara ca hwet ne wixicacam cocon oro wari' co noc nonon Iri' Jam ma'.

1 Timóteo 6:3

Ma' nana wari' co pijim' ni ca' nanain capijacon Iri' Jam ma'. Om ca xin ne cacain ca pijim' xo' nucun Taramaxicon nexi' Jeju Cristo. Om ca howa cacain ca pijim' nucun ca ca' na napari' pain ca xuruxut xo' wa pain ca ara e' xine ca param nucun Iri' Jam quem.

Tito 3:14

Ac i ma' tatara oro xerexi' pain Creta ma' quem. Tomi' roron, ara taxipa' jein ca awi wa ta roron. Quep xiho' jujun oro wari' pain carawa ca om nonon ta roron. Om ta jam' ne curuhu' ta roron, xi quep xiho' capari' ca jam' ne ca cwere wa ta roron quem.

1Pedro 2:12

Xuruxut xo' je pain ca to ho' huhun oro wari' co om howa nana ma'. Tomi' em' paxi' tuturuhu', pan teretem nana ta paxi' tuturuhu'. Je i ma' ira, xuruxut xo' je, ma' ta querec pin' cucuhu' pain ca ara hwein oro ca awi wa ta. Aram aram awi na Iri' Jam ta ac caca tara pain xec nein ca in qui' ta' nucun quem.

1Pedro 2:15

Xi param mi' ara cuhu' pain ca ara e' hwein ca awi wa Iri' Jam ta. Ma' ta to' hehe pin huhun oro co tomi' napat ximama' nana pain ca om coromicat xo' nucucun.

1Pedro 3:16

Tomi' in hwet xo' iri jujun ne, tomi' wixite e' ac huhun tara, ta tomi' ximama' huhun me ta. Tomi' hwet e' jujun pain carawa ca taxi' hwe pain ca hohot con Iri' Jam. Ma' ta wixipa' pin caca co tomi' napat nunuhu' pain ca xuruxut xo' nuhu' pain ca howa hun Cristo ta.