Tito 2:5 - Tradução Bíblica Pacaas Novos

⁵ Na ac cacam tara pain ca ca' na cacam pain ca coromicat xo' wa, je pain ca ma' ne ximicacam quem. Na ac cacam tara pain ca ca' na cacam pain ca querec wet xo' cocon waram taxicacam cacam humaxicacam ma', pain ca taramaja to cacamain xiricacam ma'. Na ac cacam tara pain ca ca' na cacam pain ca xiram pa' cocon oro wari' ma', je pain ca tomi' ha' cocon waram taxicacam ma'. Mo ta xuruxut xo' ac i ma' cacama co xo' horon nana ma', om ac ne tara ca tomi' napat cacain capijacon Iri' Jam oro wari' cacam ta.

Tito 2:5 Iomraidhean Croise

Atos 9:36

Pe nain xijein cidade narima' co howa non Jeju quem. Tabita na wixicam pain capijacocon oro judeu. Pain capijacocon oro grego ma' iri na ne, Dorcas na wixicam. Jope na wixinain cidade ca pe cama ma'. Tama' ara nain ca awi wa Dorcas ma', xiram pa' nonon oro wari' co om nonon carawa quem. Mi' taxipa' nonon pain oro carawa ca wajim' caca ma', je cwerequem pane.

Atos 9:39

Maji ta ac cocon na Pedro ma'. Ma, ja' ja' ac tococwa na. Xuruxut xuruxut, hwet iri nanain Jope ne, o piri' mao ac cocon na pain manain xirim pain pawin ma', ca terem' pe cama ma'. Coco' coco' mam' pin nonon oro narima' co wara cono' ca' nanam waram taxicacam ma'. Awaran nanam, mam' pe mi' nonon con oro wom co oc cama Dorcas pain ca e' e' wet nequem ma'. Oro wom cam, iri' curucun wom, oro to' om capin' ma' quem. Mon cwa' wom co oc mi' caparut pane nana.

Romanos 14:16

Om ta mam' ara cup xuxun oro wari' pain carawa ca ara iri'. Hohot paxi' tara ca ara iri'. Mo ta om ca awi ne ta cacain oro wari' ma', om ac ne tara ca ara xin. Ma' ta om tomi' napat cacapari' pain ca ara xin carawa ca awi paxi' ta.

Romanos 2:24

Je ca xirao' pe xine pain capijacon Iri' Jam pum: Tomi' xirac nanain wixicon Iri' Jam oro co om judeu nana ma' pum, ac i ma' na ca xirao' pe nein.

1 Coríntios 11:3

Tomi' querec te paxi' inuhu' pain, ane ma' ma' wet ne i ca' ca taraju pa' je xuhu' ca' ne. Ca' na: Wirico Cristo co taramaxicon pe ho' non tarama' ma', taramaxicon pe ho' taramaxicon pe ho' xam' tata pain ca tarama' nucucun. Wirico tarama' co taramaxicon pe ho' nam narima' ma'. Wirico Iri' Jam co taramaxicon pe ho' non Cristo ma' quem.

1 Coríntios 14:34

cacam oro narima' ma'. Tacana to tatara oro narima' pain ca cut in xujuhu' ma'. Tomi' caho' tata pain ca tomi' am pin cocon co pijim' nana ma', pain ca tomi' querec cocon pain ca om taraju pa' nequequem. Tomi' ha' e' totoron waram taxicacam. Win ne ca xirao' pe ca Moisés cara pane.

Efésios 5:33

Tomi' paxi' ta Cristo pain ca om noc capari' pain ca howa xun ca'. Ane tomi' tomi' xam' cuhu' pain ca tarama' nuhu' pain ca ma' cuhu' narima' quem ne. Ta noc hwehwem manahu' ta. Win ne ca om noc pan xujuhu' ma'. Wahu' quem oro narima', na e' na pain ca tomi' ha' huhun waram taxuhu' ma' quem.

Colossenses 3:18

Tomi' inuhu' pain ca narima' hwe pain ca ma' cuhu' tarama' ma': Tomi' ha' jujun taxuhu'. Hohot ara xi' na pain ca tomi' ha' huhun ma', xi om ne ca win cwere ara hun Taramaxicon nexi' ta.

1 Timóteo 5:10

Hohot e' na pain ca quep xiho' tacama narima' co wara querec pin' wa pain ca ara taxipa' camain oro ca awi wa pane. Mo na: Co wara querec wet querec wet horon pin nanam humaxicam pane. Co querec te taxipa' nonon co howa nana co maqui' nanain xijein xirim pane, co cao' to ho' xine, pi'am to jein xuru ca' nonon pane. Co xiram pa' taxipa' nonon co howa nana pain ca ara mi' e' cocon pain oro carawa ca param caca pane quem. Co quep xiho' taxipa' nonon oro wari' co i'ina nonon oro carawa pane quem. Co win xumu taxipa' nain oro ca xiram pa' wa pain ca ara mi' cocon pain oro ca awi wa co howa nana pane quem. Mo ta xut xo' ac i ma' cama pain ca e' e' wet qui' ca taxicam pane, hohot ac ne tara pain ca quep xiho' tacama pain xocori ca'.

1 Timóteo 6:1

Tomi' xo' ho' inonon xerexi' co taramaja mi' e' nonon taramaxicon nucucun ma'. Na e' na pain ca querec pin' cocon pain ca taramaxicon nucucun. Tomi' ha' totoron quem. Ma' ta om tomi' xirac cocon Iri' Jam oro wari'. Ma' ta om tomi' xirac cacain capijacon Iri' Jam ca ca' na iri' quem.

Tito 2:4

oro narima' co xo' horon nana ma', ma' ta win cacama ne cucuhu' quem raram. Na ac cacam tara pain ca ca' na cacam pain ca om noc cocon waram taxicacam cacam humaxicacam ma', pain ca querec wet cacam ma'.