Tito 2:3 - Tradução Bíblica Pacaas Novos

³ Ac i ma' raram oro narima' co wara tiquin' mama' cawaxi' nequequem ma' quem. Tomi' ca' raram: Pain ca xuruxut nuhu' ma', xuruxut xo' je, ma' ta querec pin' xihwe pain ca howa hun Iri' Jam ta raram. Ta tomi' napat huhun oro wari' me ta raram. Ta toc tamanain to hwein comi uva ca mana' me ta raram. An hwet mi' jejem pain ca awi wa

Tito 2:3 Iomraidhean Croise

Romanos 1:29

Mija na ca caracat nucucun. Pan teretem tamana nana. Querec param ximama' nanain caramaxicocon oro win ma' caca. Om ca xumu xo' camain' caca. Mija na ca noc mi' xucucun pain oro carawa. To' parapa' caracan xucucun. Tama' mana' caracan xucucun. Mixein xucucun. Tama' coromicat mi' xucucun pain ca pan teretem wa. Tama' tomi' nanain waracocon oro win ma' caca.

Romanos 16:2

Tomi' querec te jem. Wari' nucun Taramaxicon nexi' ara xi' na. Ac ca tomi' querec te xujuhu' pain ca xere xujuhu' ma' tara pain ca tomi' querec te hwem me. Quep xiho' jem quem. Mo ta ma' ne carawa ca om nam, mi' ac hwem pain tara. Mija ara xi' na oro wari' co quep xiho' cama pane, quep xiho' napa' pane quem.

Efésios 5:3

Tomi' inuhu' pain ca tarama' hwe ma': Om ca na ne pain ca quep hwem xequem narima'. Wahu' quem oro narima', quep e' turuhu' waram taxuhu' ma'. Ta coromicat camain' hwein ca quep ximama' wa me. Ta tomi' camain' hwein me. Ta param ximama' hwein oro carawa quem me. Xi hohot cuhu' pain ca wari' nucun Iri' Jam hwe ta.

1 Timóteo 3:11

Ac i ma' tatara ca narima' nequequem quem. Na e' na pain ca querec pin' tacacama pain ca xuruxut xo' nequequem. Om ta tomi' em' cacam oro win narima' cacama. Ma' tara ximicacam pain ca om ara e' cacamain ca param pan nequequem. Om ta mixein camain' cacama.

1 Timóteo 3:8

Ac i ma' tatara oro diácono co quep xiho' nonon co howa nana ma' quem. Na e' na pain ca querec pin' tococwa pain ca xuruxut xo' nucucun. Om ta tomi' capijacocon e' caca. Om ta toc tamanain to cacain comi uva ca mana'. Om ta tama' param cacain dinheiro.

1 Timóteo 5:23

Tomi' xim inem pain i ca' quem. Ta toc e' ma com me ta. Toc wijimain ra comi uva ca mana'. Xi om ne ca caxi ho' caxi ho' ara ne pemenem pain xumum ma'.

Tito 1:7

Wari' co querec wet nonon co howa nonon Jeju ma', na e' na pain ca om hwet ne wixicon. Xi wirico pan ara ca Iri' Jam co mi' non pain ca taramaja nucun pain ca querec wet roron co howa nonon Jeju ta con. Om ta tomi' xec xec ca. Om ta mana' ximao ca. Om ta toc tamanain pe cain comi uva ca mana'. Om ta to' xitoton na cocon oro wari' co tomi' taparam' nonon ma'. Om ta mixein con win ma' ca pain ca param ximao cain dinheiro.

Tito 2:4

oro narima' co xo' horon nana ma', ma' ta win cacama ne cucuhu' quem raram. Na ac cacam tara pain ca ca' na cacam pain ca om noc cocon waram taxicacam cacam humaxicacam ma', pain ca querec wet cacam ma'.

Hebreus 5:12

Pain paxi' na ca howa hun Jeju pane. Wahu' pan xirara co ca' na nonon pain capijacon Iri' Jam oro win ma' hwe ta. Ane om ha' cuhu' ne. Na e' na pain ca winim' hun wari' co ca' na mami' nuhu' pain capijacon Iri' Jam ca om i'ina taraju pa' wa. An xiho' huhun oro hwijima' co xo' camara' nana ma', co xoc e' nana catat, co om cao' ac nanain cwerein carawa ta.

Apocalipse 2:20

Taxi' paxi' inuhu' pain ca ara ac i ma' hwe ma', ane ma' ne carawa ca om hohot napa' pahu' ne: Om ca tomi' in pin hwem caxicam narima' ma', co an xiho' nam Jezabel cara pane. Profeta ina, tomi' hwet inain capijacon Iri' Jam ta na. Mixein na, tomi' mixein nonon oro co taramaja mi' nanapa' ma'. To' caracat tata pain ca tomi' ca' tococwa ca': Hohot na pain ca quep ximama' xujuhu'. Hohot na pain ca cao' hwein cwerein carawa ca mi' querec te xine pain oro caji pacun ca Iri' Jam xi' ma caca oro wari' ma', ac i ma' na ca tomi' tococwa ma'.