Tito 2:12 - Tradução Bíblica Pacaas Novos

¹² Hu ca' napari' quem: An to pin jein oro ca ara nuhu' ca om hohot napa' ta napari'. An to pin jein oro ca param pan teretem wa ca ara caca oro wari' co om howa nanapa' ta napari'. Coromicat xo' je, xuruxut xo' je, tama' hohot xine ta napari'. Win xumu jein ca param ne pain ca e' e' wet nuhu' pain macan' ta napari' quem.

Tito 2:12 Iomraidhean Croise

Mateus 12:32

Wari' co tomi' napat napa' pain ca Iri' Wari' ta' ca' quem, xic am pin ac xine tara ca caracat nucun. Wari' co tomi' napat nain Tamataracon Iri' Jam ma' iri na ne, om ta xic am pin camain' xine ca caracat nucun ta. Om om tara, om tara pain oro xec nexi' ca', om om tara pain oro xec ca maqui' ta' ma' quem na ca tomi' tococwa ma'.

Mateus 16:24

Tomi' ac caparut na pain ca taxipa' urut con ca'. Wari' co ja' ja' xim napa' ma', miri'om ac cain tara ca param nucun. Om ta xiram pa' camain' cain curucun pain ca jin' cain ca mi' pin wa. Ac ca an tiquin' pan cain tara panaxicon ca mam' tatatain mi' xun tocwa ma'. Ja' ja' ac capa' tara ta.

Mateus 28:20

Ca' na jujun pain oro capija ca tomi' xuhu' pane quem, ma' ta tomi' ha' tomi' ha' xam' cacain ta. Mam' pe wet jein i ca' quem: Pe ho' cara xuhu'. Pi' pin pa' ma' tarapa' macan' ca' pahu', om ta an to camain' xuhu'. Ac i ma' na ca tomi' caparut pain ca taxipa' urut con ca'. Je i ma'.

Lucas 1:6

Xuruxut xo' xuruxut xo' pi' nana, hohot nonon Iri' Jam. Xi om ne ca tomi' ha' tomi' ha' pi' pin ara cacamain oro capijacon ca tomi' ha' je cacam ma'.

Lucas 1:75

Iri' wari' ne toton, mi' toton pain ca hohot cara cacapa', mao ac ne ma' tara cocon ta non pari', ac i ma' na ca wara tomi' pe con hwanana nexi' Abraão pari' pane ta na Zacarias.

João 14:30

Om ta momon tomi' tomi' tiquin' xuhu' pain xocori ca' quem, xi ma' ara ne carawa ca ara xim napa' ca'. To' quiji' pin xim paxi' napa' Caxicon Jam co taramaxicon pe ho' nonon oro wari' pain macan' ca', ane om na con pain ca to' quiji' pin capa' ne, xi taramaxicon pe ho' capa' ta.

João 6:25

Mam' pe ac cocon na pain xijein cacarain cain. Main ca pe ca xina pain ca maqui' nem quem taramaxicon co ca' na taxipa' capijacon Iri' Jam ac cocon na.

Atos 24:16

Je ca win xumu tain oro ca xut xo' wa ca'. Oro ca awi wa ca taxi' ta' pain ca hohot con Iri' Jam cocon oro wari' ma' quem, je ca ara ta' ca'.

Atos 24:25

Ca pijim' tacacama ma', ca pijim' tacacama ma', tomi' xo' ac tacacama na pain ca xut xo' wa pain ca ara xine oro ca param nucun Iri' Jam. Tomi' xo' tata pain ca om ara e' xine ca param pan nexi', tomi' xo' tata pain ca main tomi' querec xun tococwa oro wari' pain oro carawa ca ara caca pain ca e' e' wet nucucun quem. Pijim' ac i ma' iri nanam Paulo ma' ne, jin' pin ac ca na Félix ma'. Je i ma' ta, in mao cain' ra ta ac con na. Mo ta na capa', mo ta om to' i'ina capa' ca taramaja ne ca', hap ra jun ta mami' toton pum ta non.

Romanos 12:2

Ta an xiho' huhun oro wari' co pan teretem nana ma' me ta. To' jimama' xut pain iri' xumuxut ca' me jun Iri' Jam. To' xocori pin rain iri' ca coromicat nuxut ca' me jun. Ma' ta ha' cuhu' pain ca querec pin' hwein oro ca param nucun ca an pe mi' capari' ca', ma' ta ara hwein quem. Param ara xi' nain oro ca awi wa Iri' Jam ta. Param nain carawa ca hohot non. Om ca param ni ca' cain oro ca param nucun

Romanos 6:12

Je ca tomi' xuhu' ca': Ta hwara' opa pe ho' cuhu' ca caracat wa pain curuhu' me ta. Ta hwara' opa hwara' opa to' i'ina pin cuhu' pain ca tomi' ha' pin hwein oro ca param ximama' nuhu' me ta.

Romanos 6:19

Tomi' joc mam' mi' e' inuhu' con wari' co taramaja mi' e' non taramaxicon nucun ma'. Xi taraju pa' ho' taraju pa' ho' hwe ta inuhu'. Taraju wet je e'. Pain ca quep ximama' nuhu' pane, pain oro ca pan teretem nuhu' pane, ac ca taramaja mi' e' hwein na oro ca pan teretem wa, tomi' ha' e' hwein oro ca caracat wa pane. Je ca tomi' xuhu' ca': Win ne ca tomi' ha' hwein oro ca pan teretem wa pane, tomi' ha' ho' jun Iri' Jam pain xocori ca' quem. Taramaja mi' e' jein ca awi wa. Wari' nucun Iri' Jam je.

Romanos 8:13

Mo ta tama' tomi' ha' xin oro ca param nexi' ca', xuruxut xumu ac xin tara ca cono' wa. Pain ca an to pin xin oro caracat nexi' ma' iri na ne, ac ca to' parapa' pin xin tara, ac ca mam' to' parapa' pin xin tara pain Tamataracon Iri' Jam ma'. E' ac xi' tara ta.

2 Coríntios 1:12

Tomi' querec te urut, xi om ne ca taxi' ara xujuxut pain ca tomi' iri'o' urut ta. Xuruxut xo' urut cocon oro wari'. Xuruxut xo' pan urut pahu' quem, om ca tomi' mixein camain' urut pahu'. Wirico Iri' Jam co mi' naparut pain ca xuruxut xo' nuxut, wirico co mi' naparut pain ca tomi' iri'o' nuxut quem. Om ca maqui' nein ca coromicat nein ca wari' wa, om na. Wirico Iri' Jam pan na co mi' naparut pain ca xuruxut xo' nuxut, xi xiram pa' ara caparut ta.

2 Coríntios 7:1

Je ca tomi' urut pahu' pain ca tomi' querec te urut pahu' ca'. Tomi' ac i ma' napari' Iri' Jam pain ca tomi' an pe mi' capari' pain ca tomi' nucun ca'. Na e' na pain ca an to pin xin oro ca to' pan teretem napari' pain cwerexi', je pain ca coromicat nexi' ca'. Na e' na pain ca tomi' ha' xun pain ca in ac xun quem. Win xumu xun pain ca to' hohot pin xim capari' ca'. Ca win xumu ac xun tara, ca win xumu ac xun tara, to' hohot mip ac capari' tara quem.

Gálatas 1:4

Taramaxicon nexi' Jeju Cristo ma', om ca narain ho' xucun pari'. Mi' pin caho' napari', xic am ca' napari' pain ca caracat nexi'. To' witan napari', ma' ta ha' cuhu' pain ca om an xiho' mami' huhun pain oro ca pan teretem nucucun oro wari' co om howa nanapa' ta napari'. Je ca param mi' capari' Cotere' Iri' Jam.

Gálatas 5:24

Wari' cwa', pain ca wari' ne pin capari' Cristo Jeju cwa', om ca ara mami' xin ca param pan nexi'. Ac ca to' pa' pin xin na ca param pan nexi'. Oro ca param ximama' nexi' ca', je oro ca win xumu ximama' xin ca om awi wa ca', ac ca tatatain mi' xin na pain panaxicon Cristo.

Efésios 1:4

Wara tora' napari' Iri' Jam pain cara pane, pain ca om tomi' ma' querec qui' cain macan' je oro carawa pane. Xi om ne ca win cwere ara xun Cristo ta. Tomi' ca' napari' pane: Iri' wari' ne inuhu'. Om ca ma' camain' cuhu' ca caracat wa pain ca querec joc mam' mi' xuhu' con Panxita' cwa' ta napari' pane. Om ca noc capari'.

Efésios 2:2

Pan teretem taxipa' hwe, je curuhu' pane. An xiho' e' huhun oro wari' co om howa nonon Iri' Jam. Tomi' ha' taxipa' hun Caxicon Jam co taramaxicon pe ho' nonon oro caxicon jam co taramaja mi' nonon pain nanawin ma'. Wirico Caxicon Jam co taramaja pe ho' nain ximicocon oro wari' co om tomi' ha' camain' nana cwa', wirico co tomi' ha' hwe pane.

Colossenses 1:22

Ane cut in pan cuhu' pain xocori ca' ne. Xi om ne ca mi' pin pan ara ca Cristo pain ca wari' nucun pane ta. Mi' pin na, ma' ta om pin cuhu' ca caracat wa ta nuhu', ma' ta om ma' camain' cuhu' ca to' em' nuhu' pain ca aram aram o mi' xuhu' con Iri' Jam ta nuhu'.

1 Tessalonicenses 4:7

Xi quep jem xequem narima' capari' pain ca xo' howa xine capari' pain ca tarama' nexi' Iri' Jam ta. Om ca quep ne jun xucun tarama' tacacama oro narima' ma' quem. Xuruxut xo' je, hohot xine pain ca wari' ne xuhu' ta capari' pain ca xo' howa xine capari' ma' ira.

1 Tessalonicenses 4:9

Xirao' mi' xun paxi' urut pahu' pain i ca' quem, pain ca om noc xujuhu' pain ca xere xujuhu' ma'. Ane hohot ne pain ca om xirao' mi' urut pahu' pain ne. Xi wara hu pan ara cuhu' pain Iri' Jam ta. Ta noc camain' xujuhu' me ta cuhu' ma' ira.

1 Timóteo 4:12

Xo' hwara' paxi' ma. Ane om na ne pain ca tomi' napat quequem co howa nana ma' ne. Om ca na ne pain ca tomi' napat quequem pain ca xo' hwara' nem ma'. Na e' na pain ca win ca ne quequem pain ca querec pin' quequem pain ca tomi' xo' nem ma', je pain ca xut xo' nem ma' quem. Na e' na pain ca win ca ne quequem pain ca om noc momon oro wari', je pain ca howa mon Iri' Jam ma', je pain ca miri'om main oro ca caracat wa ma' quem.

1 Timóteo 6:17

Hu mip roron co howa nana ma', co caramaju nana pain macan' pain xocori ca'. Ta xec xec hwe pain caramajuhu' me ta roron. Ta howa hwein me roron. Main om pin ta' ara xi' na oro caramajixi' ta. Howa e' jun Iri' Jam ta roron. Wirico pan na Iri' Jam co mi' mi' pi' pin napari' pain oro carawa ca om napari' ca'. Ma' ta tomi' querec te hwe ta napari'.

1 Timóteo 6:9

Oro wari' co caramaju tamana xixi' na nana ma', caracat ac caca na pain ca tomi' querec tococwa pain oro ca om awi wa. Ac ca quep cocon na oro carawa ca param ximama' caca ma'. To' ara nonon, to' i'ina nonon, aram aram to' om pin ac cocon na quem.

2 Timóteo 3:12

Je cwerein ta. Quep em' quep em' xam' tata oro wari' co win xumu xin nanain carawa ca hohot non Iri' Jam ma', pain ca howa cocon Cristo Jeju ma'.

2 Timóteo 4:10

Xi paca' ara capa' Demas cara pane. Win xumu ara xi' nain oro caramaji macan', paca' ac capa' na, mao ac cain na Tessalônica. Mao nain Galácia Crescente, mao nain Dalmácia Tito quem.

Tito 3:3

Tomi' ac i ca' inem, xi coromicat xo' iri' pain cara pane ta, pain ca om howa querec iri' pane. Win caca oro wari' co om howa nana pain xocori ca' quem. Om na ximixi' pane. Om ca tomi' ha' xun Iri' Jam quem. Hehe e' ururun co mixein nanapari', om ca ari xuxun. Ac ca quep xat capari' na oro ca param pan teretem nexi' pain oro ca waraju nexi' ca hohot napari' pane, om ca miri'om ac xixin. Ximin iri'. Pan teretem e' iri' pane, tama' noc mi' xijexi' pain oro ca ara iri' quem. Noc nanapari' oro wari', noc ururun pane quem.

Hebreus 8:11

Om ta hu mami' camain' xujuhu' pain ca je xi querec pin' xun Taramaxicon Iri' Jam quem xujuhu', xi wara querec pin' xim ara mahu' ta. Pain ca om hwara' opa nuhu' ma', pain ca hwara' opa nuhu' ma' quem, querec pin' querec pin' pi' pin ac mahu' tara ta.

Tiago 1:27

Wari' co hohot ton non Cotere' Iri' Jam ma' iri na ne, pain ca xut xo' iri'o' ca pain ca win xumu xo' con ma', ara ac i ca' na: Querec wet nonon oro hwijima' co cono' ca' nanam mana cote cacama cacam waram jicacam ma', querec wet nanam oro narima' co cono' ca' nanam waram taxicacam ma', querec wet nanam pain oro ca to' i'ina nanam quem. Ara xite xucun, om ca to' em' camain' xucun pain ca an xiho' cocon oro caracat co om howa nonon Iri' Jam quem.

2 Pedro 2:9

Mam' pe wet iri irin oro ca ara ca Taramaxicon Iri' Jam pane ne, querec pin' ac urun na pain ca xiram pa' taxi' cocon oro co win xumu nanain ca param pan nucun ma', je pain ca to' witan ca' taxi' cocon pain oro ca to' i'ina nonon ma', querec pin' ac urun na pain ca pao' to taxi' cocon oro caracat co miri'om nonon quem. Pao' to pao' to maqui' pa' ac tococwa tara xec nein ca wap toton cocon pain ca caracat nucucun.

2 Pedro 3:11

Ac i ma' tara ca om pin ta' ne oro carawa. Je ta ma' qui' ne xumuhu' ta. Xuruxut xo' je. Ta caracat hwe me. Win xumu e' jein oro ca param nucun Iri' Jam

1João 2:27

Ane ma' cuhu' Tamataracon Iri' Jam ne. Win cwere nuhu' quem. Ca' na nuhu' pain oro capijacon Iri' Jam ca taxi' je cuhu' ma'. Om ca ximin hwe pain, om ca ma' xirapari' na hun xucun co ca' na nuhu' pain, om na. Ca' na xo' nuhu' pain. Om ca ca' na mixein cuhu', ca' na iri'o' nuhu' pain oro capijacon Iri' Jam ca taxi' je cuhu' ma'. Je ta win cwere qui' hun Cristo ta.

1João 2:6

Wari' co tomi' ca' ma', win cwere inon Iri' Jam ta, am tomi' ac i ma' ca. Na e' na pain ca xut xo' ca quem. Win ca Jeju pain ca xut xo' ca pane.

1João 5:19

Taxi' xijexi' pain ca mana panxita' capari' Iri' Jam. Taxi' ururun oro co caracat taxipa' nana ma' quem, pain ca taramaxicon pe ho' pan cocon Caxicon Jam ma'.

Judas 1:18

Tomi' ca' nunuhu' pane: Wixicam pin iri tara oro xec nein ca in qui' ta' ca Jeju Cristo ne, ma' ac caca tara oro wari' co tatam' tatam' tomi' xirac nonon Iri' Jam cocon oro wari' nucun. Ara e' tatarain ca param pan nucucun pain ca miri'om cocon Iri' Jam.

Apocalipse 14:12

Je ca tomi' xuhu' ca': Wahu' pain ca wari' nucun Iri' Jam hwe ma', pain ca tomi' ha' hwein oro ca tomi' ha' je cuhu' ma', je pain ca win xumu cara hun pain ca howa cara hun Jeju ma', quereme cara jein oro ca to' i'ina nuhu' ta.