Tito 2:11 - Tradução Bíblica Pacaas Novos

¹¹ Na e' na pain ca xuruxut xo' ac i ma' caca co howa nonon Jeju ta. Xi an hwet mi' ara capari' pain ca awi nucun Iri' Jam ma', pain ca mi' capari' pain ca querec pin' xun ca', pain ca xiram pa' e' capari' ca', pain ca to' witan to' witan pi' pin xuhu' ta capari' ca'. Om xi to' witan capari', xi iri' wari' iri' ta. Ane xiram pa' pan capari' ne. To' witan pan xuhu' ta napari'.

Tito 2:11 Iomraidhean Croise

Mateus 28:19

Je ca tomi' xuhu' ca': Hwet hwet xam' jujun oro wari' pain oro xijein macan'. Pijim' hwet jujun pain capija, ma' ta taxipa' cacapa'. Ja' jujun pain com quem. Ja' iri jujun ne, an hwet ac hwein tara wixicon Te, je pain wuxu pain ca Panxita' capa' ca', je pain wixinain Tamataracon quem.

Marcos 16:15

Mama' jein oro xijein macan' ta ac tococwa na. Pijim' hwet pijim' hwet xam' jujun pain capija pain ca to' witan toton ta' oro wari' ta na ca tomi' tococwa ma'.

Lucas 24:47

Xirao' to ca' nana pane quem: Oro wari' co howa nonon ma', na e' na pain ca pijim' hwet cocon oro wari' con Cristo ta nana pata'. Pijim' pijim' pi' pin totoron oro wari' pain oro xijein macan'. Pijim' ca' totoron: Cwirin' pin jein ca caracat nuhu', ma' ta xic am pin cain Iri' Jam ta totoron. Pijim' cain' to tatarain Jerusalém, mao ac ne ma' tara cocon, pijim' mama' ac cacain tara oro xijein macan' ta na ca xirao' to caca pane.

Lucas 3:6

Oro wari' pain oro xijein macan' ma', querec pin' ac cocon tara Iri' Jam pain ca to' witan taxi' capari' pain ca wari' nexi' ca'. Ac i ma' na ca xirao' pe ca Isaías pane.

João 1:14

Wari' pin na co ma' co capijacon Iri' Jam na wixicon. Pe ho' napari' pane. Querec pin' urun pain ca awi tamana nucun pain ca hwara' opa nucun pain ca Iri' Jam nucun. Xi Iri' Panxica Iri' Jam ara ca ta. Om ca noc capari', xiram pa' tamana napari'. Tomi' iri'o' e' na.

João 1:9

Co ac iri' naran ma', hwet hwet xam' napari' pain ca wari' nexi'. Toha mi' napari' pain ximixi' ca'.

Atos 11:23

Wa' mao iri nain i cain ne, querec pin' ac tococwa na pain ca xiram pa' cocon Iri' Jam, je pain ca quep xiho' cocon quem. Hu ac tococwa na: Win xumu jun Taramaxicon nexi' ma'. Hwara' opa cara je pain ca howa hun quem tata.

Atos 13:43

Hwerehwet hwerehwet pi' pin ac caca na co cut in nana ma'. Ma' mija ac caca na co ja' ja' nonon Paulo con Barnabé quem. Co judeu nana ma', co om judeu nana co an xiho' e' nonon oro judeu pain ca howa nucucun ma' quem, ja' ja' ac cocon na Paulo con Barnabé. Tomi' pan nonon Paulo con Barnabé ma' quem: Howa howa tiquin' jein capijacon Iri' Jam ca tomi' hwet napari' pain ca xiram pa' capari' ca' nonon.

Atos 13:47

Je ca tomi' mip caparut Iri' Jam cwa', pain ca xirao' pe cain capijacon profeta Isaías cara pane. Tomi' ca' naparut: Ac naran ma pata'. Toha mi' roron co om judeu nana. Ma' ta taraju pa' taraju pa' pi' pin caca oro wari' pain oro xijein macan' pum. Taraju pa' tatarain capija pain ca to' witan toton ta' ca'. Ac i ma' na ca tomi' caparut ca'. Ac i ma' na ca tomi' cocon Paulo ma'.

Atos 17:30

Iri' Jam ma', om ca wap hap cocon oro hwanana pain cara pane, om ca wap hap cocon pain oro ca coromicat ximama' nucucun pain ca om taxi' querec cocon pane. Ane cwirin' pin jein ca caracat nuhu' pain xocori ca' capari' ne, tomi' tomi' xam' napari' pain oro xijein macan' ca to iri'.

Atos 20:24

Je i ma' ira ina ta. To' pa' ma' tatarapa' ne ina. Om ca xiram pa' xije. Ma' xica' pe na carawa ca param ta' ca', param e' inain ca ara ara pi' pin wa ca taramaja ne ca ara ra capa' Taramaxicon nexi' Jeju cwa', pain ca pijim' mi' roron pain capijacon Iri' Jam oro wari' ta capa' pane. Je ca tomi' xuhu' ca', tomi' hwet toton pain capijacon Iri' Jam oro wari' ta. Tomi' hwet toton pain ca xiram pa' capari' Iri' Jam ta. Om xi xiram pa' capari', xi awi iri' ta. Ane xiram pa' e' capari' ne.

Romanos 10:18

Ane tomi' querec xim xuhu' pain i ca' ne: Om ca taraju caca oro win judeu ta' ra? Om ca taraju cacain capijacon Iri' Jam con Cristo ra? Taraju caca ca' ira. Je ca xirao' pe xine pain capijacon Iri' Jam ca'. Ca' na con: Ca pijim' nucucun oro wari' ne co pijim' nanain capija ca', taraju taraju pi' pin ta pain oro xijein macan'. Pijim' mama' pi' pin nanain oro xijein macan', ac i ma' na ca xirao' pe xine pain capijacon Iri' Jam pane.

Romanos 5:15

Ca caracat nucun Adão cara pane, jimao ca' nain carawa ca awi ca mi' e' capari' Iri' Jam ca'. Caracat iri na wari' co xica' xat pane ne, wirico Adão cara pane, cono' mija ac caca na oro wari'. Ane tiquin' mao ne ca xiram pa' e' nucun Iri' Jam ma' ne. Xiram pa' e' iri na xucun wari' co xica' xat ma' ne, wirico Jeju Cristo ma', pain ca mi' e' capari' pain carawa ca awi ma', ma' mija ac iri' na pain ca xiram pa' e' capari' ca'.

Romanos 5:2

Wirico Jeju Cristo co o mi' napari' con Iri' Jam ma', xi om ne ca howa ara xun ta. Wirico co mi' napari' pain ca querec pin' xun pain ca tama' xiram pa' e' capari' pain ca tama' quep xiho' e' capari' ca'. Taxi' urun pain ca tama' xiram pa' e' capari' pain ca tama' quep xiho' e' capari' ca'. Tomi' querec te urun pain ca winim' cara xun pain ca aram aram mi' xim capari' pain ca jao jao ma' xun pain ca awi nucun pain ca hwara' opa nucun ta.

2 Coríntios 6:1

Je ca tomi' mip urut pahu' pain ca taramaja wi urut con Iri' Jam cwa'. Xin ne cara jun pain ca xiram pa' xuhu' ta cuhu' ma'. Ma' ta om werem pa' ne capijacon pahu' ta urut pahu'.

Gálatas 2:21

Om ca miri'om ton Iri' Jam pain ca xiram pa' e' capa' quem, om na. Mo xi to' hohot capari' ca tomi' ha' xin ca xirao' nucun Moisés ma', je i ma' xira ca mi' pin ximao ca Cristo ta.

Efésios 2:5

Cono' pin paxi' iri' pane, xi tomi' ha' xun ta. Ane to' win cwere pin capari' con Cristo ne. Mi' ac capari' na pain xocori ca e' wa. Om xi to' witan cuhu', ane xiram pa' e' cuhu' ne. To' witan e' nuhu' pain ca xiram pa' cuhu' Iri' Jam ta.

Efésios 2:8

Je ca tomi' xuhu' ca': To' witan e' nuhu' Iri' Jam pain ca xiram pa' nucun pahu'. Xi om ne ca howa ara hun ta. Om ca mam' to' witan cuhu' pain carawa ca awi ca ara xi' paxi' hwe ma', om na. To' witan e' pan nuhu' ta.

Colossenses 1:23

Mo ta howa tiquin' howa tiquin' hun Cristo ma', mo ta hwara' opa cara hwe pain ca howa nuhu' ma', mi' ac cuhu' tara pain ca om ma' camain' cuhu' ca to' em' nuhu' ma'. Ta howa ni ca' camain' hwein capijacon Iri' Jam con Cristo me ta. Howa howa tiquin' jein oro ca wara tomi' pe nucun ca ara mi' xim cuhu' con. Wara pijim' xihwe pain pane, taraju hwein. Pijim' hwet pijim' hwet xam' tata pain oro xijein macan' oro wari' quem. Je ca taramaja ne ca' quem. Wata' pain ca Paulo ta' ca', pijim' hwet taxipa' inain capijacon Iri' Jam con Cristo.

Colossenses 1:6

Capijacon Iri' Jam con Jeju ca pijim' hwet xihwe pane, pijim' hwet pijim' hwet xam' tata pain oro wari' pain oro xijein macan' quem. Oro co howa nanain ma', to' jimama' pin ac tococwa na. Win cuhu' pain ca xo' taraju ten qui' hwein pain cara pane, pain ca xo' querec pin' ten qui' hun Iri' Jam pain oro ca xiram pa' iri'o' capari' ma'.

2 Tessalonicenses 2:16

Tomi' mi' urut pahu' con Taramaxicon nexi' Jeju Cristo con Cotere' Iri' Jam. Om ca noc capari' Iri' Jam. Om ca pi' ra ha' ne ca to' hwara' opa cara capari'. Xiram pa' napari' pain ca mi' e' capari' pain ca momon winim' xun pain ca main mi' xim capari' pain carawa ca awi ca wara coromicat an pe xo' mi' capari' quem. Om xi mi' capari' pain, xi iri' wari' iri' ta. Ane xiram pa' pan capari' ne. Je ca mi' e' capari' pain.

1 Timóteo 1:14

Om xi xiram pa' capa' Taramaxicon nexi' Cristo Jeju pane, xi iri' wari' ta' ta. Ane xiram pa' tamana pan capa' ne. Mi' e' napa' pain ca howa ton. Mi' e' napa' pain ca om noc ton, je pain ca om noc toton oro wari' co howa nonon ma' quem.

1 Timóteo 2:4

Param param xam' napari' pain ca witan wa Iri' Jam, wiricoco oro wari' pain oro xijein macan' ma' quem, param param xam' napari' pain ca witan wa. Param napari' pain ca taraju pa' xin capijacon ca iri'o'.

2 Timóteo 1:10

Je win an hwet mi' capari' pain ca xiram pa' nucun quem. Xi maqui' pin ara ca Cristo Jeju co to' witan pin napari' cwa'. To' om pin nain ca hwara' opa nein ca mi' pin wa. An hwet mi' ac capari' na pain ca e' nucun quem. To' querec pin' napari' pain i ca' quem: Mo ta howa xin capijacon Iri' Jam ca tomi' hwet napari' pain ca to' witan xim capari' Cristo Jeju cwa', e' cara ac iri' tara pain pawin ta.

2 Timóteo 4:17

Paca' pin paxi' nanapa' pane, ane pe ho' pan capa' Taramaxicon nexi' ne. To' hwara' opa napa' quem. Ma' ta ara ara pi' pin main ca taramaja nem pain ca pijim' main oro capija ta napa', ma' ta taraju cacain ca pijim' nem oro wari' co om judeu nana ta napa' quem. To' witan napa' quem. Om ca to' pa' pin cacapa'. Ac ca to' witan ca' capa' na con copacao' ta.

Hebreus 12:15

Ma' tara xumuhu' me, ma' ta om ma' camain' ca win ma' nuhu' co tomi' ximao ma', pain ca noc inon Iri' Jam pain ca xiram pa' capa' ca' ca ma'. Ma' tara xumuhu' me, ma' ta om ma' camain' ca win ma' nuhu' co juhum' ximicon ma', aram aram ma' mija pin ac caca tara co pan teretem pin nana con. Om ca na camain' ne pain ca to' ara ac i ma' cuhu' pain ca cut in xujuhu' ta.

Hebreus 2:9

Ane taxi' xun Jeju ma' ne, pain ca querec pin' tocwa pain ca awi tamana nucun ma', je pain ca in ac tamana tocwa ma', xi om ne ca mi' pin caho' ara capari' ta. Xiram pa' ara xi' napari' Cote ca ma'. Je ca tomi' ca' con pane: Mi' xim pain ca hwara' opa tiquin' ca' quequem oro jam co taramaja mi' nanapa' cwa'. Ma' ta mi' pin caho' momon oro wari' ta non. Om ta momon hwara' opa tiquin' ca' quequem, to' hwara' opa hap mami' ac xim tara ta, ac i ma' na ca tomi' con pane.