Tito 1:9 - Tradução Bíblica Pacaas Novos

⁹ Wari' co querec wet nonon co howa nonon Jeju ma', na e' na pain ca howa cara cain capijacon Iri' Jam ca wara pijim' iri' ca', ca iri'o' ca'. Na e' na pain ca tomi' ha' cara cain quem. Om ca mixein camain' capari' capijacon Iri' Jam ca tomi' hwet napari' con Jeju ta. Mo ta howa cara cain pain ca tomi' ha' cain, na ac con tara pain ca quep xiho' cocon oro win ma' ca pain ca hu xo' cocon ma'. Na ac con tara pain ca tomi' tomi' na cocon oro win ma' ca co ari nanain quem.

Tito 1:9 Iomraidhean Croise

Atos 18:28

Quep xiho' tamana tata, xi hwara' opa ara ca pain ca pijim' cocon oro win judeu ca co tomi' in pin nonon ma'. Pijim' pijim' ca' tata: Je ca tomi' ne capijacon Iri' Jam ca xirao' to caca oro profeta cara pane. Wirico Jeju na co winim' iri' cwa'. Wirico co Cristo ta, ac i ma' na ca tomi' in pin tococwa oro win judeu ca co tomi' in pin nonon ma'. Taraju nonon oro wari' pain ca pijim' ac i ma' cocon ma' quem. Hehe ac caca na, to' quiji' pin ac tococwa na pain ca tomi' in pin nucucun ma' quem.

1 Coríntios 14:24

Ane om ac i ma' ne pain ca pijim' hwet hwein capijacon Iri' Jam ma' ne. Mo ta pijim' hwet pijim' hwet pi' pin hwein capijacon Iri' Jam ma', mo ta corom ca wari' co om howa ma', co om taraju pa' ma'. Corom ac ca tara, taraju ac cuhu' tara, querec pin' ac cain tara ca caracat nucun. Wap xim napa' xin Iri' Jam ne ac ca tara pahu'.

1 Tessalonicenses 5:21

Ta tomi' napat hwein ca pijim' nucucun me. Na e' na pain ca coromicat xo' hwe pain ca tomi' querec xujuhu' pain oro ca pijim' wa ma'. Am an xiho' nein iri' capijacon Iri' Jam ca wara pijim' xihwe ma', am om an xiho' nein. Mo ta querec pin' hwein pain ca maqui' con Iri' Jam ma', awi na ta ac hwein tara, howa ac hwein tara ta.

2 Tessalonicenses 2:15

Je ca tomi' urut pahu' ca' xere. Hwara' opa cara je pain ca howa nuhu' ma'. Howa cara jein capijacon Iri' Jam ca wara tomi' hwet pan caparut Jeju Cristo, ca an xin tiquin' mi' urut pahu' pain ca tomi' hwet pan urut pahu' pain, je pain ca xirao' mi' urut pahu' pain quem.

1 Timóteo 1:10

Co quep nanam oro xequem narima', wiricacam oro narima' co quep xut nonon oro xucun tarama' ma' quem. Co quep tarama' xucucun, wiricacam co quep narima' xequequem quem. Co cut mama' nonon oro wari' pain ca vender tiquin' xun cocon ma' quem. Co tomi' mixein taxipa' nana ma', wiricoco co tomi' an pe mi' mixein nanain ca tomi' nucucun pain ca ara xin cacain ma' quem. Oro wari' co ari nanain oro capijacon Iri' Jam ca pijim' iri' ca' quem. Oro wari' co ara ac i ma' nana ma', wiricoco co em' hwe ta wawa pain ca om tomi' ha' cacain oro ca tomi' nucun Iri' Jam ca tomi' ha' je capari' ca'.

1 Timóteo 1:15

Maqui' iri nain macan' Cristo Jeju pane ne, to' witan toton oro caracat ta ac ca na. Iri'o' na ca tomi' ne ca'. Na e' na pain ca howa howa pi' pin xin ca tomi' ne ca'. Wata' co iri' caracat ta. Om na xucun wari' co an xiho' napa' pain ca caracat ne ta.

1 Timóteo 1:19

Howa cara rain capijacon Iri' Jam ca iri'o'. Ara e' rain oro ca awi wa ma', ca taxi' ma pain ca hohot con Iri' Jam ma'. Ma' ara xi' nana co an to pin nanain ca param nucun Iri' Jam. Taxi' paxi' xucucun pain ca om hohot con Iri' Jam oro ca ara caca ma'. Ane opain pin ne ximicocon ne. Je ca an to pin cacain ca howa wa.

1 Timóteo 4:9

Iri'o' na ca tomi' ne ca'. Na e' na pain ca howa howa pi' pin xin ta.

1 Timóteo 6:3

Ma' nana wari' co pijim' ni ca' nanain capijacon Iri' Jam ma'. Om ca xin ne cacain ca pijim' xo' nucun Taramaxicon nexi' Jeju Cristo. Om ca howa cacain ca pijim' nucun ca ca' na napari' pain ca xuruxut xo' wa pain ca ara e' xine ca param nucun Iri' Jam quem.

2 Timóteo 1:13

Capijacon Iri' Jam ca iri'o' ca', ca pijim' hwet xim pane, tama' mam' pe wet rain me. An xiho' rain ca pijim' ne. Howa cara ron Cristo Jeju. Tomi' querec te cara roron oro wari' quem. Wirico Cristo co mi' napari' pain ca howa cara xun, je pain ca tomi' querec te cara xuxun oro wari' quem. Xi om ne ca win cwere ara xun ta.

2 Timóteo 2:2

Taraju mapa' pain ca pijim' mi' toton pain capijacon Iri' Jam oro wari' pane. Oro ca pijim' ne ca taraju ma pata' pane, na e' na pain ca an xin tiquin' mi' momon pain oro wari' co ma' ximicocon ma', co iri' wari' nana pain ca an xin tiquin' mi' taxi' cocon pain oro xucucun wari' ma' quem.

2 Timóteo 2:25

Na e' na pain ca hu wixite xuxun co tomi' in pin nanapari'. Am mi' ton cocon pain ca cwirin' wa Iri' Jam ma'. Am mi' ton cocon pain ca taraju pa' wa capijacon ca iri'o' ma' quem.

2 Timóteo 3:14

Wum iri na ne, howa howa tiquin' rain capijacon Iri' Jam ca ca' na mi' xima ma', ca taxi' ma pain ca iri'o' nein ma' quem. Xi querec pin' ara momon pain ca xuruxut xo' nucucun oro wari' co pijim' xo' nenem pain ta. Warut quem, taxi' maparut pain ca pijim' xo' urut pum pain quem.

2 Timóteo 4:3

Xi maqui' ta' ara ne xec nein ca om taraju wet je na cacain capijacon Iri' Jam ca iri'o' oro wari'. Param e' tatarain oro xijein ca tomi' wa, taraju wet e' totoron oro wari' co tomi' cut in pan caca. Pijim' xut pain ca capija wa ca ac pan naparut ta totoron.

Tito 1:11

Na e' na pain ca pijim' ximama' maho' je e' momon ta. Xi to' i'ina ara tococwa co howa nonon Jeju ta. Caram ma' co howa nonon ma', to' i'ina pin ac tococwa na, to' i'ina pin ac tacacama na oro ca nari nucucun ma' quem. Om xi pijim' caca ta. Pijim' ximama' e' nana, ma' ta cut tamana xin dinheiro pain ca mixein nexi' ta nana.

Tito 2:1

Tomi' ximama' ac i ma' nana co pijim' pan teretem nana ma'. Wum iri na ne, pijim' xo' e' roron pain capijacon Iri' Jam co howa nana ma'. Ca pijim' nem ma', na e' na pain ca an xiho' nein iri' capijacon Iri' Jam ca howa iri' ca'.

Judas 1:3

Je ca tomi' xuhu' pain ca tomi' querec te xuhu' ca'. Jain jain paxi' ina pain ca xirao' mi' xuhu' pain ca to' witan to' witan pi' pin capari' Iri' Jam cwa'. Ane coromicat ni pin ta' pain xocori ca' ne. Xi ma' pin ara caca co corom hwet taparu nunuhu' pain ca cut in xujuhu' ma', co wara tomi' mi' wawa pain ca wap wa pain cara pane. Joc xim nanain ca howa pan teretem nucucun. Caracat nana pain ca miri'om cocon Iri' Jam ma', pain ca ca' na ni ca' cacain capijacon ma'. Tomi' ca' nunuhu': Hohot na pain ca quep ximama' iri'. Om ta wap capari' Iri' Jam, xi om ne ca xiram pa' ara capari' ta nana. Noc nonon Jeju Cristo co xica' taramaja mi' iri' cwa', co Taramaxicon ne iri' cwa' quem. Je ca tomi' xuhu' ca'. Jain jain pin ina pain ca xirao' mi' xim xuhu' pain i ca' quem, pain ca hu ca' xim xuhu' ca'. Ari mip jujun oro co tomi' ni pin nanain capijacon Iri' Jam ca iri'o' ma', ca howa pan iri' ca', ca mi' capari' pain ca wari' ne capari' ca'. Mao ac ne ma' na con. Om ca mi' mami' capari' pain xijein capijacon quem.

Apocalipse 2:25

Param e' inuhu' pain ca win xumu cara mahu'. Ta an pe camain' mahu' me ta. Aram aram maqui' pa' ac xuhu' tara ta.

Apocalipse 3:11

Maqui' ho' ta' ina, om ta om om ta', maqui' hap ta' ina. Win xumu cara xine, ta an to camain' hwein oro ca ara xo' hwe ma', ma' ta om cut ca' xihwe pain carawa ca awi ca main mi' xim xuhu' ta.

Apocalipse 3:3

Je ca tomi' xuhu' ca': Mam' pe wet jein oro capijacon Iri' Jam ca ca' na xihwe pane, ca taraju hwe pane. Tomi' ha' jein. Cwirin' pin jein ca caracat nuhu'. Mo ta om cara ne xumuhu' ma', mo ta naro cara hwe ma', ane ane maqui' pa' ac xuhu' tara, win ne ca ane ane maqui' ca wari' co an noc xa ta' ma', ac i ma' tara ca ane ane maqui' pa' xuhu'. Jaxicao' xuhu', om ta taxi' mahu' pain xec nein ca maqui' pa' xuhu' ta.