Tito 1:5 - Tradução Bíblica Pacaas Novos

⁵ Je ca tomi' xim pane, pain ca an pe pin xim pain xixi pan nein macan' Creta ma'. Ma' ta ara pi' pin main oro ca taramaja nexi' ca om na capari' pain ca ara pi' pin iri' pane inem. Ma' ta tora' momon co querec wet nonon co cut in xucucun pain ca howa cocon Jeju pain oro xijein cidade ma'. Win ne ca tomi' xo' xim pane. Tomi' ca' inem pane:

Tito 1:5 Iomraidhean Croise

Atos 11:30

Ara ac cacain na. Cut nanain dinheiro nucucun, cut mi' ac tocwa na pain Barnabé con Saulo ma'. Cut mi' jujun pain dinheiro nexi' oro xerexi' co querec wet nonon co howa nonon Jeju pain Jerusalém ta ac tococwa na, cut mama' ac cacain na.

Atos 14:23

Ma' iri nana co howa nonon Jeju pain oro xijein cidade ca mama' caca ne, tora' mi' ac tococwa na cocon co querec wet nonon pain ca cut in xucucun ma'. Xuruxut tiquin' xi' urut iri nana ne, tomi' mam' xun Iri' Jam ta ac tococwa na. An to nanain ca cao' wa pain, tomi' mi' ac tococwa na con Taramaxicon nexi'. Querec wet roron caram cwa' co howa nenem cwa' nana.

Atos 2:11

Ma' nana co iri' judeu nana cwa', ma' nana co an xiho' e' nanapari' pain ca tomi' ha' xun Iri' Jam cwa' quem. Ma' nana oro xucucun co maqui' nanain Creta je Arábia quem. Taraju taraju xam' ururun pain ca tomi' cacain iri' capijaxi' ca', pain ca tomi' hwet cacain ca hwara' opa nucun Iri' Jam ma'. Ac i ma' na ca tomi' xucucun ma'.

Atos 27:12

Pain wapit ca to pan urut pane, om ca hohot ne pain ca nuru pa' pe caparut towapiji pain i cain. Om ca hohot ne pain ca cawaxi' pa' pe caparut pain i cain quem. Xi nuru taxipa' ara ne camana' pain oro xec ca xio tamana ta. Je ca ma' mija caca oro win ma' nuxut co awi na pain ca tiquin' mama' xi' ta nana ma'. Mama' querec xin wirain wapit pain Creta ca', pain xijein cidade pain Fenice cain nana. Am ha' capari' pain ca hwet xin. Mon to wet ac xin tara i cain. Pi' pin iri tara towapiji ne, tiquin' mama' ac xi' tara ta nana. Wapit pain Fenice cain, pe nain xijein cacarain Creta cain. Om ca nuru mip ne hotowa pain i cain.

Atos 27:13

Pahop toto ac ne na hotowa ca maqui' ac nain quiricon xina ma', pain ca nuru qui' nein cote ne com ma'. Om ca nuru xio ne, pahop toto na. Awi na, hohot tarapari' pain ca mama' ho' xi' ta ac caca na, cut piri' ca' ac cacain pain com na arain too ca xite tamana ma', ca to' om ho mao nain mam' horoho wa ma'. Horoho mama' ac urut na. Ac tiquin' ac urut pain na cacarain com ma', pain Creta ma'.

Atos 27:21

Mija pin na oro xec pain ca om cao' urut quem. Tequi' pe ac ca na Paulo pain ximijacocon co taramaja to nanain mam' horoho wa ma'. Tomi' ac tococwa na: Je ca tomi' xuhu' pane ta oro win ma' ne. Tomi' ha' ximahu' pain ca hu xuhu' pane. Om xi paca' xin Creta pane. Mo xi mon to wet xin Creta pane, je xi om ximin iri' pain xocori ca'. Om xi waraju xine oro carawa ca cut ho' iri' pane, om xi waraju xine oro coximi mam' taramaja hwe quem ac tococwa na.

Atos 27:7

Horoho mama' ac urut na. Mija na xec pain ca momon horoho e' urut pane. I'ina urut pain ca aram aram wixicam pin urut pain xijein cidade ma', pain Cnido ma'. Horoho tiquin' xi' paxi' urut, ane nuru cam' caparut hotowa ne. Je ca ac ni ca' urut pain ma', horoho mama' ac urut pain na xijein cacarain xixi pan nein macan' ma', Creta ma'. Ac tiquin' ca' ac urut pain na cacarain ca om nuru mip ne hotowa ma', tiquin' ca' ac urut na pain xijein cidade ma', Salmona ma'.

1 Coríntios 11:34

Mo ta ma' ca win ma' nuhu' co pe' ma', cao' cain' tara pain xiricon. Ma' ta om wap xihwe pain ca cut in xujuhu' ma'. Ma' ma' wet paxi' na oro ca tomi' xo' xim xuhu' ca'. Winim' cain' xine e'. Main tomi' xo' xuhu' pain ca aram aram hwet xuhu' ta.

1 Coríntios 14:40

Ane tomi' xuhu' pain i ca' ne: Om ca ha' ne pain ca teretem caracan xujuhu' pain ca cut in xujuhu' ta. Oro ca ara hwe pain ca cut in xujuhu' ma', na e' na pain ca ara awi hwein. Na e' na pain ca ara xo' hwein quem.

1 Coríntios 4:17

Je ca mam' xuhu' con Timóteo cwa', co tomi' querec te tamana ta' cwa'. Ac ca panxita' ton na. Taramaja xo' na, tomi' ha' taxipa' non Taramaxicon nexi' quem. To' mam' pe wet turuhu' pain ca xut xo' ne ca', pain ca win cwere ton Cristo Jeju. Je ca ca' na toton pain oro xijein macan' ma' quem, pain ca hwet toton pain ca cut in to xucucun pain ca howa cocon Jeju ma'.

Colossenses 2:5

Pira ca' paxi' inuhu' pain cwere ca', ane mam' pe wet xuhu' ne. Ac ca pe ho' xuhu' na pain xumu ca'. Tomi' querec te inuhu', xi om ne ca taxi' ara xuhu' pain ca xuruxut xo' hwe ma', je pain ca hwara' opa hwe pain ca howa hun Cristo ma'.

1 Timóteo 1:3

Wara tomi' inem pane, tomi' mip inem pain ca mao tain qui' tain Macedônia pane. Mon to wet rain Éfeso ta inem pane. Ma' ta hu mip momon pain ca pijim' maho' je ta momon co pijim' pan teretem nanain capijacon Iri' Jam ta inem pane.

2 Timóteo 2:2

Taraju mapa' pain ca pijim' mi' toton pain capijacon Iri' Jam oro wari' pane. Oro ca pijim' ne ca taraju ma pata' pane, na e' na pain ca an xin tiquin' mi' momon pain oro wari' co ma' ximicocon ma', co iri' wari' nana pain ca an xin tiquin' mi' taxi' cocon pain oro xucucun wari' ma' quem.

Tito 1:12

Ma' na hwanana nucucun cara pane, co profeta xi' ma caca oro wari' nein Creta pane, tomi' ca' nonon oro win ma' ca pane. Ca' nonon pane: Mixein taxipa' nana oro win ma' nexi' pain Creta ca'. Ac carawa nein mi ca mana' nana. Om ca awi camain' caca. Noc taxipa' nanain ca taramaja wa, param e' nanain ca cao' wa ta na pain ca pan to' cain taraxicocon oro win ma' ca pane.