Tito 1:4 - Tradução Bíblica Pacaas Novos

⁴ Xirao' mi' inem pain ca xirao' ne ca' Tito. Ac ca iri' panxita' xim na. Xi om ne ca howa wi ara xun Cristo Jeju. Tomi' inon Cotere' Iri' Jam con Cristo Jeju co to' witan napari'. Param inonon pain ca quep xiho' quequem pain ca mi' quequem pain ca param nucucun. Param inonon pain ca mi' quequem pain ca om toron ne xumum quem.

Tito 1:4 Iomraidhean Croise

Lucas 2:11

Pan' qui' na wari' co to' witan xim nuhu' ta. Xo' pan' nain xim ca'. Pan' pe nain Belém ca', ca pan' pe pan ne ca pije' nucun taramaxicon Davi cara pane. Pije' co xo' pan' cwa', wirico co Cristo ma', co iri' Taramaxicon ma'.

João 4:42

Tomi' ac cacam na narima': Howa pin urut con Jeju ta. Om ca howa e' urut con pain ca taraju urut pum pain ca tomi' hwet maparut con, om na. Howa urut con, xi om ne ca taraju pan ara urut pain ca tomi' nucun ta. Je ca howa urut con ca'. Querec pin' urut con. Wirico na co to' witan taxi' ca' nonon pain ca caracat nucucun oro wari' pain oro xijein macan' ca' na ca tomi' cacam ma'.

Romanos 1:12

Je ca tomi' xuhu' ca': Querec iri xijexi' ne, tomi' querec te caracan ac xijexi' tara. Mo ta querec pin' mahu' pain ca howa cara ton Jeju cwa', to' hwara' opa ac xuhu' tara. Mo ta querec pin' xuhu' pain ca howa cara hun quem, to' hwara' opa ac mahu' tara quem.

Romanos 1:7

Je ca xirao' mi' xirao' mi' pi' pin xuhu' ca', pain ca to hwein Roma ma'. Xirao' mi' inuhu' pain ca om noc cuhu' Iri' Jam pain ca oro wari' ne pin cuhu' ma'. Param inon Cotere' Iri' Jam con Taramaxicon nexi' Jeju Cristo pain ca quep xiho' cucuhu' pain ca mi' cucuhu' pain ca param nucucun. Param inonon pain ca mi' cucuhu' pain ca om toron ne xumuhu' quem.

2 Coríntios 12:18

Mam' iri inuhu' con Tito cwa' pane ne, pain ca ja' ja' ron ton coxari' co win howa iri' cwa' quem, hwet ac cucuhu' na. Cain' cain' ca Tito quem? Mixein nuhu' ra? Ma' na ca param ac cain caramajuhu' ra? Om na ta. Xi ac wirico ac wirico ara urut pain ca coromicat xo' nuxut, je pain ca xuruxut xo' nuxut ta.

2 Coríntios 2:13

Param paxi' nanain ca taraju wa, ane toron capa' xumu con coxari' Tito ne. Xi mam' ton pain i cain ta. Je ca mao ta' ina ta toton pane, maqui' ac tain na macarain Macedônia ca'.

2 Coríntios 4:13

Ma' na ca xirao' pe xine pain capijacon Iri' Jam: Howa inon Iri' Jam, je ca tomi' ta' ca', ac i ma' na ca xirao' pe nein. Ac i ma' urut quem, howa ac i ma' urut con Iri' Jam, je ca tomi' urut quem.

2 Coríntios 7:6

Ane to' hwara' opa taxipa' con wari' co tomi' xaxa' Iri' Jam ne. To' hwara' opa naparut pain ca wa' qui' ca Tito cwa' quem.

2 Coríntios 8:16

Tomi' querec te tamana inon Iri' Jam pain ca meo cain ximicon Tito cwa', pain ca to' jain jain con pain ca xiram pa' xim cuhu' ca'. An xiho' napa' pain ca jain jain xuhu' pain ca xiram pa' xuhu' ca' quem.

2 Coríntios 8:23

Win ma' ne inon Tito cwa' quem, taramaja wi urut pain ca quep xiho' xim urut pahu'. Xerexi' co ja' ja' xun nonon cwa' quem, wiricoco nana co tora' caca oro co cut in xucucun pain ca howa cocon Jeju ma' quem. Ja' ja' jun Tito ta tata, ac ca ja' ja' pan urut con tara pain ca ja' ja' hun ma' tata. An hwet pe nanain ca awi nucun Cristo pain ca xuruxut xo' nucucun quem.

2 Coríntios 8:6

Je ca tomi' ca' urut con Tito cwa' pahu'. In hwet roron oro xerexi' pain Corinto ta urut con pahu'. Quep xiho' roron pain ca cut in xo' cacain dinheiro ca mi' xuxun cocon oro xerexi' pain Jerusalém ta urut con. Win ne ca wara quep xiho' momon pane, pain ca xo' xiram pa' xuxun cocon pain cara pane, quep xiho' mami' roron pain ca cut in awori pin xin cacain dinheiro ca mi' xuxun cocon ta urut con pahu'.

Gálatas 2:3

Om paxi' na ca judeu ca Tito ma', co ja' ja' napa' pain ca hwet toton pane, ane om cuc cuc cocon pain ca wac xirac tatarain taparinain ca xirac nem ta cocon ne.

Gálatas 3:26

Je ca tomi' xuhu' ca'. Wahu' pain ca judeu hwe ma', wahu' pain ca om judeu hwe ma' quem, mana panxica Iri' Jam mana panxica Iri' Jam pi' pin hwe, xi om ne ca howa ara hun Cristo Jeju ta.

Gálatas 3:28

Pain ca win cwere pin xun ca', an xiho' pin xijexi', om ca querec jimama' ca' xijexi' con Iri' Jam. Warut pain ca judeu urut ca', wahu' pain ca om judeu hwe ma' quem, an an ari xijexi'. Co taramaja mi' e' nonon xucun wari' ma', co om taramaja mi' nonon xucun wari' ma' quem, an an ari xucucun. Ca tarama' nexi' ca', ca narima' nequequem oro narima' ma' quem, an an ari xijexi'. Ac ca xica' pe ne na ximixi' pain ca wari' nexi'. Xi om ne ca win cwere ara xun Cristo Jeju ta.

Efésios 1:2

Param inon Cotere' Iri' Jam con Taramaxicon nexi' Jeju Cristo pain ca quep xiho' cucuhu' pain ca mi' cucuhu' pain ca param nucucun. Param inonon pain ca mi' cucuhu' pain ca om toron ne xumuhu' quem.

Colossenses 1:2

Xirao' mi' urut pahu' pain ca to hwein Colossos ma', pain ca wari' nucun Iri' Jam hwe ma', je pain ca tomi' ha' cara hun Cristo pain ca howa hun ma' quem xere. Param urut con Cotere' Iri' Jam con Taramaxicon nexi' Jeju Cristo pain ca quep xiho' cucuhu' pain ca mi' cucuhu' pain ca param nucucun. Param urut cocon pain ca mi' cucuhu' pain ca om toron ne xumuhu' quem.

1 Timóteo 1:12

Tomi' querec te inon Jeju Cristo co Taramaxicon ne iri' cwa', pain ca quep xiho' capa' pain ca taramaja ne ca'. Tomi' querec te inon pain ca querec pin' capa' pain ca om taramaja nene ta' ca' quem. Je ca taramaja mi' ne ta capa' ca'.

2 Timóteo 1:1

Paulo ina pain ca xirao' mi' xim ca'. Apóstolo ra napa' Cristo Jeju pane, pain ca tomi' hwet roron pain capija oro wari' capa' pane. Wirico Iri' Jam co param mi' napa' pain. Pijim' roron oro wari' napa' Cristo Jeju, pijim' hwet roron pain ca to' e' cara toton ta' oro wari' co howa nanapa' ta napa'.

2 Timóteo 1:2

Xirao' mi' mami' inem ta Timóteo. Ac ca panxita' xim na. Tomi' querec te tamana inem ta arain. Param inon Cotere' Iri' Jam con Taramaxicon nexi' Cristo Jeju pain ca quep xiho' quequem pain ca mi' quequem pain ca param nucucun. Param inonon pain ca xiram pa' quequem, je pain ca mi' quequem pain ca om toron ne xumum quem.

2 Timóteo 4:10

Xi paca' ara capa' Demas cara pane. Win xumu ara xi' nain oro caramaji macan', paca' ac capa' na, mao ac cain na Tessalônica. Mao nain Galácia Crescente, mao nain Dalmácia Tito quem.

Tito 1:3

Maqui' pin iri na xec nein ca wara coromicat an pe xo' ca pane ne, an hwet mi' ac capari' na pain capijacon ca'. Pijim' rain ta napa' Iri' Jam co to' witan napari' quem.

Tito 2:13

Xuruxut xo' ac i ma' xi' pain ca winim' xin xec nein ca ja' tomi' querec te tamana xim capari', je xec nein ca main in qui' ta' ca Jeju Cristo pain ca toc meremem tamana nucun ta. Wirico Jeju Cristo co Iri' Jam ne iri' cwa'. Wirico co to' witan napari' cwa'.

2 Pedro 1:1

Simão Pedro ina pain ca xirao' mi' xuhu' ca'. Taramaja mi' inon Jeju Cristo. Apóstolo ra napa' pain ca tomi' hwet roron pain capija oro wari' capa' pane. Xirao' mi' inuhu' pain ca win ma' ne xijexi' pain ca howa xun Jeju Cristo. Wirico co Iri' Jam ne iri' cwa', co to' witan napari' cwa'. Om ca tomi' querec te paxica' capari', mi' mi' pi' pin napari' pain ca howa xun ca'. An an ari xijein ca howa nexi' quem.

2 Pedro 1:11

Tomi' querec te tamana ac cuhu' tara Taramaxicon nexi' Jeju Cristo co to' witan napari' ma', pain ca aram aram corom xi' hwein ca taramaxicon pe ca pain pawin cain. Corom je, to ho' cara xine ta ac cuhu' tara. Om ta pi' ra ha' ne ca taramaxicon pe ca pain pawin cain.

2 Pedro 2:20

Je ca tomi' xuhu' ca'. Oro wari' co witan ca' paxi' nanain oro ca to' em' nonon ma', ca maqui' nein oro ca param pan tem wa pain macan' ca', co mam' witan ca' nanain pain ca querec pin' paxi' cocon Taramaxicon nexi' Jeju Cristo co to' witan napari' cwa', mo ta in hwet cacain oro ca pan teretem wa ma', mo ta quep xat mami' tococwa, ximin tamana ac caca tara. Ximin paxi' nana pain cara pane, pain ca om querec pin' querec cocon Jeju pane. Ane ximin tamana pan caca pain ca in hwet cacain ca pan teretem nucucun ne.

2 Pedro 3:18

Xuruxut xo' xuruxut xo' tiquin' e' je, ma' ta querec pin' hun Taramaxicon nexi' Jeju Cristo co to' witan napari' cwa', co xiram pa' e' napari' cwa'. Tomi' hwet xin ca awi nucun pain xocori ca', tomi' hwet cara xin ca awi nucun pain oro xec ca maqui' ta' ma' quem. Amém, iri'o' na ca tomi' ne ta. Je i ca' ca xirao' ne ca'.

2 Pedro 3:2

Mam' pe wet jein ca tomi' nucucun oro profeta nucun Iri' Jam pane, pain ca tomi' pe cacain oro ca hwet pa' xim napari'. Mam' pe wet jein ca ara je capari' Taramaxicon nexi' co to' witan napari' cwa' quem, ca tomi' hwet urut pahu' pain ca apóstolo urut ca'.

1João 5:14

Om ca hehe iri' pain ca tomi' xun Iri' Jam pain ca ara mi' xut pain carawa xun ca'. Xi taxi' ara xun pain ca ha' capari' pain ca ara mi' xut pain xun pain iri' ca param nucun ta.

Judas 1:3

Je ca tomi' xuhu' pain ca tomi' querec te xuhu' ca'. Jain jain paxi' ina pain ca xirao' mi' xuhu' pain ca to' witan to' witan pi' pin capari' Iri' Jam cwa'. Ane coromicat ni pin ta' pain xocori ca' ne. Xi ma' pin ara caca co corom hwet taparu nunuhu' pain ca cut in xujuhu' ma', co wara tomi' mi' wawa pain ca wap wa pain cara pane. Joc xim nanain ca howa pan teretem nucucun. Caracat nana pain ca miri'om cocon Iri' Jam ma', pain ca ca' na ni ca' cacain capijacon ma'. Tomi' ca' nunuhu': Hohot na pain ca quep ximama' iri'. Om ta wap capari' Iri' Jam, xi om ne ca xiram pa' ara capari' ta nana. Noc nonon Jeju Cristo co xica' taramaja mi' iri' cwa', co Taramaxicon ne iri' cwa' quem. Je ca tomi' xuhu' ca'. Jain jain pin ina pain ca xirao' mi' xim xuhu' pain i ca' quem, pain ca hu ca' xim xuhu' ca'. Ari mip jujun oro co tomi' ni pin nanain capijacon Iri' Jam ca iri'o' ma', ca howa pan iri' ca', ca mi' capari' pain ca wari' ne capari' ca'. Mao ac ne ma' na con. Om ca mi' mami' capari' pain xijein capijacon quem.