Tito 1:3 - Tradução Bíblica Pacaas Novos

³ Maqui' pin iri na xec nein ca wara coromicat an pe xo' ca pane ne, an hwet mi' ac capari' na pain capijacon ca'. Pijim' rain ta napa' Iri' Jam co to' witan napari' quem.

Tito 1:3 Iomraidhean Croise

Marcos 1:15

Ca' na ca pijim' nucun pane: Wixicam pin na xec nein ca taramaxicon pe ho' xim capari' Iri' Jam ta na. Cwirin' je, howa jein capijacon ca tomi' hwet nuhu' pain ca to' witan xim cuhu' ta na ca pijim' nucun pane.

Marcos 13:10

Na e' na pain ca pijim' mi' cain' tococwa pain capija oro wari' pain oro xijein macan' ta.

Marcos 16:15

Mama' jein oro xijein macan' ta ac tococwa na. Pijim' hwet pijim' hwet xam' jujun pain capija pain ca to' witan toton ta' oro wari' ta na ca tomi' tococwa ma'.

Lucas 1:47

Tomi' querec te tamana inon Iri' Jam ne co to' witan napa' ta. Tomi' querec te inon pain iri' xumu ca'.

Atos 10:36

Taxi' hun Iri' Jam pain ca wara tomi' hwet caparut pain ca wari' nein Israel urut ca', pain ca ha' pin cuhu' pain ca toron toron om pin ne xumuhu' pain ca caracat nuhu', xi om ca Jeju Cristo co taramaxicon pe ho' taramaxicon pe ho' pi' pin nonon oro wari' ta caparut pane.

Atos 17:26

Ma' xica' pe na wari' co quep ca Iri' Jam pain cara pane, pain ca xo' quep ten qui' tocwa wari' pane, aram aram camara' qui' ac caca na oro waram winacon co hwanana ne iri' quem. Xucun wari' xucun wari' pi' pin ac caca na oro hwanana nexi' pane, wawaran mama' ac cacain na oro xijein macan' pain pira. Wirico Iri' Jam co wara coromicat an to mi' nonon pain oro xec nein ca e' nucucun, je pain ca cono' nucucun, wara coromicat an to mi' tata pain oro macaracocon quem.

Romanos 15:19

An hwet mi' tata pain ca hwara' opa nucun Iri' Jam Cristo pata' quem. Wa wa ac caca na, querec pin' ac cocon na Iri' Jam, xi hwara' opa ara ne Tamataracon ta. Pijim' inain capijacon Iri' Jam ca tomi' hwet napari' con Cristo pain ca to' witan xim cuhu' Cristo ta capari' ca'. Pijim' pe cain' inain Jerusalém pain oro cidade ca to ja' pan nain pane, pijim' mao ac tain na oro xijein macan', pijim' pijim' hwet ac tain na Ilírico pane.

Romanos 16:25

Tomi' querec te xun Iri' Jam co hwara' opa tamana ta. Ha' non pain ca to' hwara' opa cuhu' quem. Je ca xirao' pe xine pain capijacon ca tomi' hwet napari' con Jeju pain ca to' witan xim capari' ca'. Je ca pijim' taxipa' ta' ca', pain ca pijim' hwet xuhu' con Jeju Cristo. Om paxi' na ca taraju pa' xine ca coromicat xo' nucun con Jeju pane, om ca taraju pa' xine pain ca xo' ma' qui' ne oro carawa cara pane.

Romanos 16:26

Ane an hwet pe pin cain ca coromicat nucun con Jeju Cristo pain xocori ca' ne. Wara xirao' pe nanain oro profeta cara pane. Iri' Jam co e' cara ma', co om mi' pin ra na ma', wirico co tomi' naparut quem, pain ca pijim' mi' pijim' mi' pi' pin jujun pain capija oro wari' pain oro xijein macan' ta caparut. Ma' ta howa cacain, ma' ta tomi' ha' cacain capija quem naparut.

Romanos 5:6

Je ca tomi' xuhu' ca'. Pain ca ximin ximin wet nexi' pain ca om quep xiho' taxi' xijexi' pane, maqui' ac ne na xec nein ca wara an pe xo' ca Iri' Jam pane. Mi' pin caho' ac capari' na Cristo. Ma' ta quep xiho' xuhu' pain ca caracat nuhu' ma', pain ca miri'om hun Iri' Jam ta napari'.

1 Coríntios 9:17

Mo xi pijim' pan ta' ta', mo xi maqui' nein xumu pain ca pijim' ta' ne ca', je i ma' xira ca cut qui' ta' carawa pain ca taramaja ne ta. Ane pijim' ra pan capa' Iri' Jam ne. Tora' napa', pijim' ra ta napa'. Na e' na pain ca pijim' tain capijacon Iri' Jam con Jeju ta.

Gálatas 4:4

Ane maqui' pa' capari' iri' xec nein ca coromicat an pe xo' ca Iri' Jam ne, pain ca mam' xim xuhu' con Panxita' cwa' capari' pane. Hwet roron oro wari' pain macan' ta non pari'. Wari' pin na, wari' na jicon co wijima non. Judeu na quem, tomi' ha' taxipa' nain ca xirao' nucun Moisés pane.

Efésios 1:10

Ca' na ca param nucun ca om an hwet querec ca ira: Maqui' iri tara xec nein ca wara an pe xo' ta' ne, cut in xo' cut in xo' pi' pin ac toton tara oro wari' co to nanain pawin je macan' ma', querec joc mam' mi' ac toton tara con Cristo, taramaxicon pe ho' pan ac cocon tara quem. Ac i ma' tain oro carawa quem, cut in xo' pi' pin tain, querec joc mam' mi' ac tain tara con Cristo, taramaxicon pe ho' pan ac cain tara quem.

Efésios 2:17

Maqui' nain macan' Cristo pane. Pijim' ac tococwa na oro wari'. Pijim' nuhu' pain ca to pira ca' hun Iri' Jam pain ca om judeu hwe ma', pijim' naparut pain ca wara to ja' pan urut con pain ca judeu urut ca' quem. Na pin nuhu' pain ca tomi' querec te pin xujuhu' pain ca win ma' ne pin xujuhu' ta, ac i ma' na ca pijim' capari' pane.

Filipenses 1:13

Je ca taxi' taxi' pi' pin cacapa' oro soldado co querec wet nanain xiricon taramaxicon ca', taxi' taxi' pi' pin nanapa' oro wari' cwa' quem. Taxi' nanapa' pain ca tao' pe capa' taramaxicon pain xirinain ca tao' to tao' to to wa ca', xi om ne ca pijim' taxipa' ara tain capijacon Iri' Jam con Cristo ta.

Colossenses 1:23

Mo ta howa tiquin' howa tiquin' hun Cristo ma', mo ta hwara' opa cara hwe pain ca howa nuhu' ma', mi' ac cuhu' tara pain ca om ma' camain' cuhu' ca to' em' nuhu' ma'. Ta howa ni ca' camain' hwein capijacon Iri' Jam con Cristo me ta. Howa howa tiquin' jein oro ca wara tomi' pe nucun ca ara mi' xim cuhu' con. Wara pijim' xihwe pain pane, taraju hwein. Pijim' hwet pijim' hwet xam' tata pain oro xijein macan' oro wari' quem. Je ca taramaja ne ca' quem. Wata' pain ca Paulo ta' ca', pijim' hwet taxipa' inain capijacon Iri' Jam con Cristo.

Colossenses 1:6

Capijacon Iri' Jam con Jeju ca pijim' hwet xihwe pane, pijim' hwet pijim' hwet xam' tata pain oro wari' pain oro xijein macan' quem. Oro co howa nanain ma', to' jimama' pin ac tococwa na. Win cuhu' pain ca xo' taraju ten qui' hwein pain cara pane, pain ca xo' querec pin' ten qui' hun Iri' Jam pain oro ca xiram pa' iri'o' capari' ma'.

1 Tessalonicenses 2:4

Pijim' mi' e' urut pain iri' capijacon Iri' Jam ca tomi' hwet napari' con Cristo Jeju. Win ne ca hohot hwe caparut Iri' Jam pane, pain ca pijim' jein capija ta caparut pane. Om ca tomi' ca' xujuxut cocon oro wari' pain ca pijim' mi' urut cocon pain capijacon Iri' Jam: Tomi' toto xuxun, ma' ta tomi' querec te cacapari', om ca tomi' ac i ma' xujuxut cocon. Pijim' xo' xuxun, ma' ta tomi' querec te pan capari' Iri' Jam co noro nain ximixi' ca', co taxi' napari' pain ca coromicat nexi' ca', ac i ma' xujuxut pain ca pijim' urut cocon oro wari' ma'.

1 Timóteo 1:1

Paulo ina pain ca xirao' mi' xim ca'. Wari' nucun Cristo Jeju ina, xi om ne ca apóstolo ra ara capa' pain ca tomi' hwet roron pain capija oro wari' capa' pane. Iri' Jam ma', co to' witan napari' ma', wirico co apóstolo nucun Panxita' ra napa' ca'. Cristo Jeju ma', co howa iri' pain ca winim' xun ca', pain ca aram aram in qui' ta' ca ma', wirico co mi' napa' pain ca taramaja ne ca'.

1 Timóteo 1:11

Ca pijim' nexi' ca', maqui' nain capijacon Iri' Jam con Jeju cwa', pain ca to' witan xim capari' ca'. Iri' Jam ma', co in ac iri' cwa', co awi tamana cwa', wirico co an hwet mi' napari' pain ca pijim' nexi'. Pijim' rain ta napa' quem.

1 Timóteo 2:3

Awi na pain ca tomi' ac i ma' xun Iri' Jam co to' witan napari'. Hohot non ta.

1 Timóteo 4:10

Je ca taramaja tamana iri' ca'. Xi howa ara xun Iri' Jam co e' cara ma', co to' witan ton nonon oro wari' ma'. Iri' Jam ma', pain ca howa xun ca', param tamana napari' pain ca witan wa.

2 Timóteo 4:17

Paca' pin paxi' nanapa' pane, ane pe ho' pan capa' Taramaxicon nexi' ne. To' hwara' opa napa' quem. Ma' ta ara ara pi' pin main ca taramaja nem pain ca pijim' main oro capija ta napa', ma' ta taraju cacain ca pijim' nem oro wari' co om judeu nana ta napa' quem. To' witan napa' quem. Om ca to' pa' pin cacapa'. Ac ca to' witan ca' capa' na con copacao' ta.

Tito 2:10

Ta an noc xa hwein carawa nucucun me ta roron. An hwet mi' pan jujun pain ca xuruxut xo' nuhu' ma', ma' ta querec pin' cucuhu' pain ca om mixein camain' nuhu' pain ca ara cara xin hwein oro ca param nucucun ta roron. Querec pin' iri tuturuhu' pain oro ca taramaja xo' nuhu' oro wari' ma' ne, taraju toto napa' me ac caca tara pain ca taraju cacain ca pijim' xine capijacon Iri' Jam co to' witan napari' ta roron.

Tito 2:13

Xuruxut xo' ac i ma' xi' pain ca winim' xin xec nein ca ja' tomi' querec te tamana xim capari', je xec nein ca main in qui' ta' ca Jeju Cristo pain ca toc meremem tamana nucun ta. Wirico Jeju Cristo co Iri' Jam ne iri' cwa'. Wirico co to' witan napari' cwa'.

Apocalipse 14:16

Ara ac cain na co ma' co xao pe pe nain tajain nanawin quem. Wac cut ac cain na winain pain oro caramaji xitot pain oro xijein macan'. Cut cut pi' pin nain quem.