Tito 1:1 - Tradução Bíblica Pacaas Novos

¹ Paulo ina pain ca xirao' mi' xim ca'. Wari' nucun Iri' Jam ina pain ca taramaja mi' e' ton ca'. Apóstolo ra napa' Jeju Cristo quem, pain ca tomi' hwet roron pain capija oro wari' ta capa' pane. Quep xiho' roron oro wari' co tora' ta' cwa' napa' pane. Ma' ta howa xo' cacapa' ta napa' cocon. Ma' ta taraju pa' cacain capija ca iri'o' ca', ca ca' na nonon pain ca xuruxut xo' taxi' wa pain ca win xumu e' cacain ca param ne ta napa'.

Tito 1:1 Iomraidhean Croise

Lucas 18:7

Quep xiho' tam ta na. Om ta ac i ma' ca Iri' Jam quem ra? Om ta quep xiho' cocon oro wari' nucun co wara tora' ca ma', co tama' quep xiho' xut cocon oro wari' co mixein nanaparut cwa' nonon pain xec je pain xim quem ra? Miri'om cara totoron ra? Om ta miri'om cara cocon ta.

Atos 13:48

Taraju iri nanain i ma' co om judeu nana ma' ne, tomi' querec te tamana ac caca na. Awi tamana na capijacon Taramaxicon nexi' ta ac caca na, howa howa pi' pin ac caca na co wara tora' ca Iri' Jam ma', co ma' totoron ca om pi' ra ha' ne ca e' wa ca' ca ma'.

Romanos 1:1

Paulo ina pain ca xirao' mi' xuhu' ca'. Wari' nucun Jeju Cristo ina pain ca taramaja mi' e' ton ca' quem. Tora' napa' Iri' Jam pain ca apóstolo ra capa' pane, pain ca tomi' hwet rain capija ca tomi' xim ca', tomi' hwet rain capija ca tomi' hwet nuhu' pain ca to' witan xim cuhu' Jeju ta capa' pane quem.

2 Coríntios 1:1

Paulo ina pain ca xirao' mi' xuhu' ca'. Apóstolo ra napa' Cristo Jeju pane, pain ca tomi' hwet roron pain capija oro wari' capa' pane. Xi om ne ca wirico ara ca Iri' Jam co param mi' napa' pain ta. Wata', wirico coxari' Timóteo cwa', ac i ca' urut pain ca xirao' mi' urut pahu' ca'. Xirao' mi' urut pahu' pain ca cut in xujuhu' pain Corinto ma', pain ca howa hun Iri' Jam ma'. Xirao' mi' xirao' mi' pi' pin urut cocon oro wari' nucun Iri' Jam co to nanain oro xijein macan' pain Acaia ma' quem.

Efésios 2:8

Je ca tomi' xuhu' ca': To' witan e' nuhu' Iri' Jam pain ca xiram pa' nucun pahu'. Xi om ne ca howa ara hun ta. Om ca mam' to' witan cuhu' pain carawa ca awi ca ara xi' paxi' hwe ma', om na. To' witan e' pan nuhu' ta.

Filipenses 1:1

Paulo ina pain ca xirao' mi' xuhu' ca'. Wirico Timóteo cwa' quem, xirao' mi' urut pahu'. Wari' nucun Cristo Jeju urut pain ca taramaja mi' urut con ca'. Xirao' mi' xirao' mi' pi' pin urut pahu' pain ca wari' nucun Iri' Jam ma', pain ca win cwere hun Cristo Jeju hwe ma', pain ca to hwein Filipos ma'. Wahu' pain ca pastor hwe pain ca querec wet huhun oro co howa nana ma', wahu' pain ca diácono hwe ma' quem, xirao' mi' urut pahu' quem.

Colossenses 2:2

Jain jain inuhu', ma' ta hwara' opa hwe pain xumuhu' ta inuhu'. Ma' ta xica' pe ne xumuhu' pain ca tomi' querec te caracan xujuhu' ma' inuhu'. Ma' ta taraju pa' taraju pa' pi' pin hwein ca coromicat nucun Iri' Jam ca om taraju pa' hwe con Cristo ira inuhu'. Ma' ta querec pin' iri'o' hun ta inuhu'.

1 Timóteo 2:4

Param param xam' napari' pain ca witan wa Iri' Jam, wiricoco oro wari' pain oro xijein macan' ma' quem, param param xam' napari' pain ca witan wa. Param napari' pain ca taraju pa' xin capijacon ca iri'o'.

1 Timóteo 3:16

Iri' Jam ma', om ca an hwet querec cain ca coromicat an pe xo' nucun ca howa iri' con Cristo Jeju pane. Pain xocori ca' iri na ne, an hwet mi' napari' con. Ca' napari' con: Wari' pin na Cristo. An hwet mi' napari' pain ca awi nucun Tamataracon Iri' Jam. Querec nonon oro jam co taramaja mi' nonon Cote ca. Pijim' hwet ac tocwa na cocon oro wari' co om judeu nana. Mija nana oro wari' co howa nonon pain oro xijein macan'. Piri' in hwet ac con na Cote ca pain pawin. Ac i ma' na tamara' ca com mi' xun ca'.

1 Timóteo 6:3

Ma' nana wari' co pijim' ni ca' nanain capijacon Iri' Jam ma'. Om ca xin ne cacain ca pijim' xo' nucun Taramaxicon nexi' Jeju Cristo. Om ca howa cacain ca pijim' nucun ca ca' na napari' pain ca xuruxut xo' wa pain ca ara e' xine ca param nucun Iri' Jam quem.

2 Timóteo 2:10

Je ca quereme tain oro ca to' i'ina napa' ca'. Ma' ta quep xiho' toton oro wari' co tora' ca Iri' Jam ta ina. Quereme inain oro ca to' i'ina napa' ca'. Ma' ta to' witan pin tococwa pain ca howa cocon Cristo Jeju ma' inonon. Ma' ta mi' tococwa pain ca e' cara wa pain ca to ho' cara cocon Iri' Jam pain pawin cain.

2 Timóteo 2:23

Ta taraju wet camain' momon oro wari' co tomi' caracan ximama' xucucun pain ca om taraju pa' nucucun me ta. Xi taxi' ara momon pain ca tomi' ximama' tomi' ximama' mana' caracan pin xucucun co tomi' caracan ac i ma' nana ta.

2 Timóteo 2:25

Na e' na pain ca hu wixite xuxun co tomi' in pin nanapari'. Am mi' ton cocon pain ca cwirin' wa Iri' Jam ma'. Am mi' ton cocon pain ca taraju pa' wa capijacon ca iri'o' ma' quem.

Tiago 1:1

Tiago ina pain ca xirao' mi' xuhu' ca'. Taramaja mi' e' inon Iri' Jam con Taramaxicon nexi' Jeju Cristo. Xirao' mi' inuhu' pain ca judeu iri' ca', pain ca wawaran to hwein oro xijein macan' ma'. Tomi' querec te inuhu' ta.

2 Pedro 1:3

Quep xiho' tamana napari' Iri' Jam, xi om ne ca hwara' opa ara ca pain ca mi' mi' pi' pin capari' pain oro ca to' xuruxut xo' napari' pain ca win xumu e' xin ca param nucun. Ha' napari' pain ca xuruxut xo' wa quem, xi mi' ara capari' pain ca querec pin' xo' xun Jeju Cristo. Wirico co wari' ne napari', ma' ta jao jao ma' mahu' pain ca hwara' opa ne ca', je pain ca awi tamana ne ca' quem napari'.

2 Pedro 3:11

Ac i ma' tara ca om pin ta' ne oro carawa. Je ta ma' qui' ne xumuhu' ta. Xuruxut xo' je. Ta caracat hwe me. Win xumu e' jein oro ca param nucun Iri' Jam

1João 2:23

Oro wari' co noc nonon Panxica Iri' Jam ma', om nonon Cotere'. Wari' co Panxica Iri' Jam na Jeju ta, ma' non Cotere' quem.

Apocalipse 1:1

Je i ca' carawa ca maqui' ta' ma', ca an hwet pe ca Jeju Cristo pane. Wirico Iri' Jam co an hwet mi' pan non pain, an xin tiquin' mi' roron pain oro co taramaja mi' nanapa' pain macan' ta non. Om ta pain homa ne, maqui' ac ne tara ta non. Mam' ac capa' na con jam co taramaja mi' non ma', tomi' hwet ron pain João cwain, co taramaja mi' napa' cwain non, tomi' hwet ac capa' pain na quem.