Mateus 9:8 - Tradução Bíblica Pacaas Novos

⁸ Querec iri nanain i ma' oro wari' ma' ne, wa wa pin ac caca na, in ac tamana ac cocon na Iri' Jam quem. Awi na Iri' Jam ta, mi' non pain ca hwara' opa wa wari' cwa', pain ca quep xio ron co carama pe cwa' ta con ca' na ca tomi' caca ma'.

Mateus 9:8 Iomraidhean Croise

Mateus 12:23

Wa wa ac cocon na oro wari' co querec nanain i ma'. Winacon Davi tara co cwa' ra, co wara tomi' pe ca Iri' Jam pane ra? Wirico tara ra nonon.

Mateus 15:31

Wa wa ac cocon na oro wari' pain ca querec cacain ca ara ca ma'. Tomi' pin nana co om capijacocon ma'. Xio pin nana co caji at nana ma'. Xuruxut xo' pin nana co xuruxut xirac nana ma'. Querec pin' nana co om tococon ma' quem. Awi tamana na Iri' Jam co howa iri' pain ca waram winacon Israel iri' cwa' nana pain ca tomi' nucucun.

Mateus 28:18

Xut hwet ac caparut na, tomi' ac caparut na: Mi' napa' pain ca taramaxicon wa Te Iri' Jam. Taramaxicon pe pi' pin rain pawin je macan' ta napa'.

Mateus 5:16

Je ca tomi' xuhu' ca'. Ac i ma' tara ca toha ne naran nuhu' ta. Toha mi' jujun oro wari'. Ma' ta querec pin' cacain ca ara hwe ma', pain ca ara hwein ca awi wa ma'. Ma' ta awi na xin Iri' Jam ta cocon Cotere' co pe pawin pahu'.

Mateus 9:7

Tequi' pe ac ca na, mao ac cain na xiricon.

Marcos 2:12

Tequi' pe hap ac ca na, an ac cain na witacon ca mam' terem' pe ca ma', hwet mao ac ca na quem. Querec querec pi' pin nonon oro wari' pain ca hwet mao nucun ma'. Wa wa wa wa pi' pin ac caca na. Awi na Iri' Jam ta nana. Om ca querec camain' xine ca quep xio tocwa wari' co carama pe pane ta nana.

Marcos 7:37

Wa wa tamana ac cocon na oro wari'. Oro ca ara ca ma', awi tamana na ta nana. To' taraju pin non wari' co om taraxicon ma', to' tomi' pin non wari' co om capijacon ma' quem ta na ca tomi' caca ma'.

Lucas 13:13

Quep ac cam na pain micon, tequi' pe xo' hap ac cama na. Awi na Iri' Jam awi na Iri' Jam pan ac cama na quem.

Lucas 17:15

Querec pin' querec pin' pi' pin paxi' xucucun pain ca xio pin caca ma', ane ma' xica' pe ca co in hwet non Jeju ne. Tomi' querec te tamana na, merem mip na pain ca awi na Iri' Jam awi na Iri' Jam ta ca ma'.

Lucas 17:18

Je xi in hwet cacapa' quem? Je xi an hwet cacain ca tomi' querec te nucucun pain ca awi na awi na cocon Iri' Jam quem? Xica' pe na co cwa', co tatirim cwa', xica' pe na co cwa' co in hwet napa' cwa'. Xica' pe na co cwa' co an hwet nain ca tomi' querec te nucun pain ca awi na Iri' Jam awi na Iri' Jam ta ca ca' na ca tomi' tococwa ma'.

Lucas 18:43

Querec mami' hap ac ca na, ja' ja' ac con na Jeju. Awi na Iri' Jam awi na Iri' Jam ta na quem. Oro wari' ma' quem, querec iri nana pain ca quep ma' mami' xine tocon ne, awi na Iri' Jam awi na Iri' Jam ta nana quem.

Lucas 2:20

In mama' ac caca na caram ma' co querec wet nanain ovelha nucucun. Awi ma awi ma nonon Iri' Jam pain ca in ac cocon ma'. Tomi' querec te urut pum pain oro ca taraju urut pum, je pain oro ca querec urut pain ca hwet urut con pije' ma' quem. Iri'o' na ca tomi' nucun jam co taramaja mi' nem ta, ac pain ca tomi' hwet caparut na ta nonon pain ca tomi' querec te cocon ma'.

Lucas 23:47

Taramaxicon nucucun oro soldado ma', querec iri nain oro ca ara ne con Jeju ma' ne, tomi' ac ca na: Wa inon co cwa' me. Iri' wari' ca ma' ira na ca tomi' ca pain ca tomi' querec te con Iri' Jam.

Lucas 7:16

Jin' tamana ac caca na oro wari' ma', in ac nonon Iri' Jam pain ca awi na awi na cocon ma'. Pe ho' pin napari' profeta co hwara' opa cwa'! Hwet pin capari' Iri' Jam pain ca xiram pa' toton capari' pain ca wari' ne capari' ca' ira! Ac i ma' na ca tomi' caca ma'.

João 15:8

Mo ta ara hwein oro ca hohot non Te ma', querec pin' ac cocon tara oro wari' pain ca hwara' opa nucun pain ca awi tamana nucun. Ac i ma' tara ca an hwet pe hwein ca taxipa' mahu' ma' quem na ca tomi' caparut.

Atos 11:18

Taraju iri nanain ca pijim' nucun ne, tomi' napat tomi' napat om pin ac cocon na Pedro. Tomi' querec te pin nonon Iri' Jam quem. Awi na Iri' Jam ta nana. Wa wa urut con pain ca xiram pa' cocon oro wari' co om judeu nana ta. Xiram pa' inuhu', ma' ta cwirin' pin hwein ca caracat nuhu', ma' ta e' cara hwe pain pawin ta cocon ma' ira, ac i ma' na ca tomi' caca pain ca tomi' querec te nucucun ma'.

Atos 21:20

Taraju iri nanain ca tomi' nucun ne, tomi' querec te ac caca na. Awi tamana na Iri' Jam ta nana. Tomi' ac cocon na Paulo: Taxi' momon oro win ma' nexi' pain ca judeu iri' ca', taxi' momon pain ca howa cocon Jeju quem. Mija nana, om ca paric camain' caca. Tomi' ha' tomi' ha' pi' pin nanain ca xirao' nucun Moisés quem. Om ca an to camain' cacain.

Atos 4:21

Tomi' mip mami' pan ac cocon na oro taramaxicon. Ma' ta jin' cacapari' ta nana. Pa hwerehwet ac cocon na, mama' je ta ac cocon na. Om ca wap ac tococwa, xi jin' ara tococwa oro wari' ta. In ac tamana nonon Iri' Jam oro wari' pain ca querec cacain ca ara nucun Pedro con João ma'.

2 Coríntios 9:13

Quep xiho' iri jujun ne, querec pin' ac cucuhu' tara pain ca tomi' ha' hun Iri' Jam ma', je pain ca an hwet pe hwein ca howa nuhu' pain ca tomi' ha' hwein capijacon con Cristo. Tomi' querec te totoron pain ca quep xiho' xuxun huhun cocon oro xucucun co ximin nana ma' quem.

Gálatas 1:24

Tomi' querec te tamana ac cocon na Iri' Jam pata'. Awi na Iri' Jam, to' howa pin non Paulo ta nana pata'.

1Pedro 2:12

Xuruxut xo' je pain ca to ho' huhun oro wari' co om howa nana ma'. Tomi' em' paxi' tuturuhu', pan teretem nana ta paxi' tuturuhu'. Je i ma' ira, xuruxut xo' je, ma' ta querec pin' cucuhu' pain ca ara hwein oro ca awi wa ta. Aram aram awi na Iri' Jam ta ac caca tara pain xec nein ca in qui' ta' nucun quem.