Carawa ca ara mi' tocwa co ca' na ma', ara mi' ac tocwa tara co ca' na wa ma' quem. Carawa ca ara mi' tocwa taramaxicon ma', ara mi' ac tocwa tara co taramaja mi' e' non ma' quem, je cwerein, hohot na ta je. Je ca tomi' xuhu' ca': Taramaxicon paxi' ina, ane tomi' noro cacapa' co noc nanapa' cwa' ne. Caxicon Jam ma ta nanapa'. Wahu' iri na pain ca wari' ne xuhu' ca' ne, tomi' xirac tamana tuturuhu' quem. Ac ca om tomi' xirac homa cacapa' na pain xocori ca'. Ame hwe e', tomi' xirac tamana pan tuturuhu' ta naparut.
Mateus 9:34 - Tradução Bíblica Pacaas Novos34 Ane tomi' ximama' cocon oro fariseu ma' ne. Wirico taramaxicon nucucun oro caxicon jam co mi' non pain ca hwara' opa nucun. Wirico co mi' non pain ca tomi' jein pin cocon oro caxicon jam ta nonon. Faic an caibideil |
Mateus 9:34
9 Iomraidhean Croise
Ac i ma' maparut pain ca pijim' nuxut ca' quem ac tococwa na. An xiho' huhun oro hwijima' pain ca noc urut pain noc urut pain xucucun pain ca waraju nucucun. Noro jun João ma'. An pe nain ca cao' wa pain ca tomi' ton con Iri' Jam. Om ca toc cain comi uva quem. Tomi' ximama' pan ac hun na: Corom pe ho' non Caxicon Jam ta hun.
Tomi' ximama' ca' mahu': Wirico Belzebu co mi' nem pain ca hwara' opa wa, je ca ha' quem, pain ca tomi' jein pin momon oro caxicon jam ta mahu'. Cain' cain' caca oro win ma' nuhu' ma' quem? Ma' co mi' nonon pain ca hwara' opa wa quem? Para ha' cocon pain ca tomi' jein pin cocon oro caxicon jam ma' quem? Je ca tomi' xuhu' ca', tomi' ximama' hwe ta pan nunuhu' oro win ma' nuhu' pain ca tomi' ac i ma' mahu' ta.
Oro co ca' na nanain ca xirao' nucun Moisés ma', co maqui' nanain Jerusalém ma', tomi' ximama' ac cocon na Jeju: Om na, corom pe ho' non Belzebu ta. Wirico Belzebu co taramaxicon nucucun oro caxicon jam ma', wirico co mi' non pain ca hwara' opa nucun. Wirico co mi' non pain ca tomi' jein pin cocon oro caxicon jam ta nonon.
Sanasan