Mateus 9:2 - Tradução Bíblica Pacaas Novos

² Maqui' ac caca na wari' co an mamam' nonon co carama pe ma'. Terem' pe nain witacon. Querec pin' iri tata pain ca howa cocon ne, tomi' ac con na co carama pe ma'. Hwara' opa ra e' arain. Xic am pin inain ca caracat nem ta na ca tomi' con ma'.

Mateus 9:2 Iomraidhean Croise

Mateus 14:27

Ane tomi' hap caparut Jeju ne. Om na, ta jin' mahu' me ta, wata' ta. Quereme je ta naparut.

Mateus 4:24

Taraju ac caca na oro wari' co to nanain pira pain oro xijein cidade pain Síria ma' quem. Quep xio nonon oro wari' Jeju ta na ca taraju nucucun. Je ca cut qui' cut qui' pi' pin tococwa oro wari' co caxi nana ma', co jain jain nana pain oro ca caxi tamana nucucun ma'. Mo nana: Co corom to ho' nonon caxicon jam ma', co pa' taxipa' nonon tamanain ma', co carama to nana ma', quep xio quep xio pi' pin ac tococwa na.

Mateus 6:12

Xic am pin rain ca caracat nuxut ca' quem. Win ne ca mana' mana' om pin urut cocon oro wari' pain ca caracat nucucun pain ca ara cup cacaparut ca'. Tomi' xo' urut cocon, om ca mana' mami' urut cocon.

Mateus 8:10

Taraju iri nain i ma' Jeju ne, wa wa tamana ac con na, tomi' ac tococwa na oro wari' co ja' ja' nonon ma': Howa tamana napa' co cwa' ta! Tomi' iri'o' inuhu', om ca querec camain' ton win judeu ta' co an xiho' non pain ca howa nucun ta.

Mateus 8:16

Xo' um pin iri na ne, o qui' mija ac tococwa na con Jeju oro wari' co corom to ho' nonon caxicon jam. Tomi' e' na, hwerehwet ca' jujun e' na, hwerehwet ca' ac tococwa na. Quep xio quep xio pi' pin ac tococwa na oro wari' co caxi nana ma' quem.

Mateus 9:22

Quep iri non ne, xat tucu in pan ac ca na, querec ac cam na. Hwara' opa ra e' arain ac cam na. Xio pin ma, xi om ne ca howa ara mapa' pain ca quep xio taxi' ta' ca' ac cam na. Xio hap pin ac cama na quem.

Mateus 9:5

I'ina xirapa' pain ca xic am tain ca caracat nem ton co carama pe cwa' ra? I'ina xirapa' pain ca tequi' pe ra ta, xut ra ta ton ra? Cain' xi i'ina ac capa' quem?

Mateus 9:6

Je ca tomi' xuhu' ca' ac tococwa na. Tomi' ton. Ma' ta taxi' mahu' pain ca mi' capa' pain ca hwara' opa wa Iri' Jam ta. Tomi' napa' pain ca Iri' Wari' ta' ca', xic am pin rain ca caracat nucucun oro wari' co to nanain oro xijein macan' ta napa'. Tomi' ac con na co carama pe: Tequi' pe ra. An rain witam ca mam' terem' pe ma ma'. Mao rain xurum ta na ca tomi' con ma'.

Marcos 1:32

Xo' um pin iri na ne, wara corom mao na xina, o qui' o qui' pi' pin ac tococwa na con Jeju oro wari' co caxi nana ma', cocon oro co corom to ho' nonon caxicon jam ma' quem.

Marcos 10:49

Xat ac ca na Jeju. Hap ra ta jun ta ac tococwa na. Tomi' ac cocon na: Hwara' opa ra e'. Tequi' pe ra ta. Hap ra nem Jeju ta nonon.

Marcos 5:34

Tomi' ac cam na: Xio pin ma ta arain, xi om ne ca howa ara mapa' pain ca quep xio taxi' ta' ca' ac cam na. In mao ra. Ta toron mami' ne xumum me. Om pin na ca caxi nem ta na ca tomi' cam ma'.

Marcos 6:50

Querec querec pi' pin nonon. Jin' tamana nana. Ane tomi' hap ca Jeju ne. Om na, ta jin' mahu' me ta, wata' ta. Quereme je ta tata.

João 16:33

Tomi' hwet inuhu' pain oro ca tomi' ne ca', ma' ta om toron ne xumuhu' pata' inuhu'. Ma' paxi' turuhu' oro ca to' i'ina nuhu' pain macan' ca'. Na e' nuhu' pain ca hwara' opa hwe. To' quiji' pin ara xi' inon co ma' co taramaxicon pe ho' nonon oro wari' co om howa nonon Te ta na ca tomi' caparut ca'.

João 2:25

Om ca ma' xirapa' na con wari' co tomi' hwet non pain ca coromicat nucucun oro wari' quem, om na. Taxi' pan tata, taxi' ximao nain ca coromicat nucucun oro wari' ta.

João 21:5

Tomi' querec ac caparut na: Hwijima'. Pa' hwe quem ac caparut na. Om na, om ca pa' camain' urut ta ac urut na.

Atos 14:9

Taraju wet non Paulo pain ca pijim' ca quem. Noro pan ac con na Paulo ma' quem. Howa non xin Jeju co ma' ne, ha' non Jeju pain ca quep xio capa' ta na ca coromicat nucun co ma' ne na ca coromicat nucun Paulo.

Atos 19:12

Om ca cut qui' e' tococwa co caxi nana ma'. Cut mi' tata con womicon Paulo ma' quem, wirico wom co mam' xic ca pain ca nahwere' nucun, wirico wom co pe ca pain ca taramaja nucun ma' quem, cut mi' tata con. Mam' tatep pa' iri tata con ne, xio pin ac caca na. Oro caxicon jam co corom to ho' nonon ma', hwerehwet ca' ac cocon na quem.

Atos 23:11

Xim pin iri na ne, ane ane xat pe ho' ac con Paulo na Taramaxicon nexi'. Tomi' ac con na: Quereme ra, ta jin' ma me ta. Win ne ca tomi' hwet mapa' cocon oro wari' co to nanain Jerusalém ca', na e' na pain ca tomi' hwet mapa' cocon oro wari' co to nanain Roma quem na ca tomi' con ma'.

Romanos 5:11

Om ca xica' pe ne i ma' con, pain ca to' witan pin capari' ca'. Tomi' querec te iri' quem, xi ma' ara ca Iri' Jam ta. Wirico Taramaxicon nexi' Jeju Cristo co mi' napari' pain ca tomi' querec te nexi' ca'. Wirico co to' taxipa' pin napari' con Iri' Jam.

Tiago 2:18

Am ma' ca wari' co tomi' ca' napa' ma': Ma' na wari' co howa non Iri' Jam, je ca to' witan tocwa ma'. Ma' ac ca na xucun wari' co xiram pa' nonon oro wari', je ca to' witan tocwa ma', am ac i ma' ne ca tomi' capa' wari' ma'. Cain' cain' xira quem ac ton na. Mo ta howa inon Iri' Jam ta e' mapa' ma', mo ta om an hwet mi' mapa' pain ca howa nem pain ca xiram pa' momon oro wari' ma', om ca querec pin' ac xim pain ca howa iri'o' nem. Wata' iri na ne, xiram pa' inonon oro wari', je ca querec pin' mapa' pain ca howa iri'o' ne ca', ac i ma' tara ca tomi' ton ta.