Mateus 9:16 - Tradução Bíblica Pacaas Novos

¹⁶ Noro jun wari' co oc xo' ton non wara wom co wein ma' quem ac tococwa na. Om ca oc tacan mi' con con xocoricon pawiricon wom. Mo ta oc tacan mi' con con xocoricon pawiricon wom ma', wixicon pin ac ca tara pain ca aram aram hohoc ton con quem, cote ne pin ac ne tara ca wein nucun.

Mateus 9:16 Iomraidhean Croise

Mateus 9:15

Om na, noro jujun oro wari' co tomi' querec te xucucun pain ca an tam narima' ca win ma' nucucun ma' ac tococwa na. Ma' tara ca tomi' xaxa' ac caca pain ca pe ho' pe ho' wet cocon win ma' nucucun co an tam nam narima' ra? Om ca an to ac cacain, xi tomi' querec te ara caca ta. Ame hwe e', main maqui' tara oro xec nein ca an ca' tococwa con, an to pin ac cacain tara ca cao' wa con ac i ma' na ca tomi' tococwa ma'.

Mateus 9:17

Ac i ma' na con wari' co ji'ao an pe xo' tain nain comi uva ca om mana' querec ma' quem. Om ca ji'ao an pe xo' cain pain wara tapari carawa. Mo ta ji'ao an pe xo' cain xocori comi uva ca om mana' querec pain wara tapari carawa ma', wein mao ac ne tara tapari carawa pain ca aram aram mana' ta' ne ca moin' nein ma', ao mao ac ne tara comi. Em' pin ac ne tara tapari carawa ma' quem. Je ca ji'ao an pe xo' e' xine xocori comi uva pain xocori tapari carawa ma'. Om ac ne na ca waraju xine comi uva je tapari carawa quem na ca tomi' tococwa ma'.

Marcos 2:21

Noro jun wari' co oc xo' ton non wara wom co wein ma' quem ac tococwa na. Om ca oc tacan mi' con con xocoricon pawiricon wom. Mo ta oc tacan mi' con con xocoricon pawiricon wom ma', wixicon pin ac ca tara pain ca aram aram hohoc ton con quem, cote ne pin ac ne tara ca wein nucun.

Lucas 5:36

Pijim' joc mam' mi' ac tococwa na con wom pain ca om oc tacan mi' ac tocwa con wara wom con xocoricon pawiricon ma' quem. Pijim' ca' tata: Noro jun wari' co wein na wara womicon ma'. I' toron xocoricon wom pain ca oc tacan mi' ton con wara womicon ra? Om na. Mo ta i' con xocoricon wom ma', to' em' pin ac con tara. Om ta hohot con wara wom pawiricon xocoricon ma' quem. Xi an xiho' con ta.

João 16:12

Mija mija wet paxi' na oro ca tomi' xim xuhu' pain xocori ca'. Mo xi tomi' ho' xuhu' pain, om xi taraju pa' ac hwein. I'ina xira xumuhu' pain ta.

1 Coríntios 13:13

Je ca tomi' xuhu' ca': Ma' 3 na ca ara cara je capari' Iri' Jam. Mo na: Na e' na pain ca howa cara xun. Na e' na pain ca winim' cara xun pain ca mi' xim capari' pain carawa ca wara tomi' pe mi' capari'. Na e' na pain ca an xiho' cara xun pain ca om noc capari' ca', je pain ca om noc cocon oro wari' ma' quem. Awi paxi' na ca howa tocwa Iri' Jam. Awi paxi' na ca winim' tocwa quem. Ca an xiho' tocwa pain ca om noc capari' ca', je pain ca om noc cocon oro wari' ma' iri na ne, awi tamana pan na ta.

2 Coríntios 9:12

Pain ca quep xiho' xuxun huhun oro wari' nucun Iri' Jam co to nanain Jerusalém ma', pain ca mi' xuxun huhun pain dinheiro ma', om ca xica' quep xiho' e' huhun pain ca ximin nucucun pain ca om cocon carawa ma'. Ja' tomi' querec te tamana xuxun huhun quem, tomi' querec te tamana ac cocon tara Iri' Jam pahu'.