Mateus 9:13 - Tradução Bíblica Pacaas Novos

¹³ Je ca tomi' xuhu' ca': Na e' na pain ca taraju pa' hwein capijacon Iri' Jam ca'. Je i ca' ca tomi' nucun: Param inuhu' pain ca xiram pa' huhun oro wari'. Noc inuhu' pain ca tom tain' mi' e' mahu' pain carawa nuhu' ta. Ac i ma' na ca tomi' cuhu' Iri' Jam pain capijacon ca' tata. Je ca tomi' xuhu' ca' ac tococwa na. Om ca cwirin' je toton co wara xuruxut xo' nana ma'. Cwirin' je e' inonon oro caracat cwa', je ca maqui' ta' ca' na ca tomi' tococwa ma'.

Mateus 9:13 Iomraidhean Croise

Mateus 12:3

Om na ta ac ca na Jeju. Om ca noro hwein capijacon Iri' Jam ra, pain ca pijim' xine ca ara ca taramaxicon Davi cara pane, pain ca pe' qui' ca Davi cocon oro win ma' ca pane?

Mateus 12:5

Ac i ma' na cocon oro sacerdote ma' quem. Om ca noro hwein ca xirao' nucun Moisés pain ca pijim' qui' tococwa oro sacerdote pain ca taramaja to cacain xiricon Iri' Jam pain sábado quem ra? Tomi' caho' paxi' tata oro wari' pain ca taramaja wa pain sábado ma', ane om tomi' em' tococwa oro sacerdote pain ca taramaja caca pain sábado ne.

Mateus 12:7

Noro jein ca tomi' nucun Iri' Jam pain capijacon ca'. Ca' na con: Param inuhu' pain ca xiram pa' huhun oro wari'. Noc inuhu' pain ca tom tain' mi' e' mahu' pain carawa nuhu' ta. Ac i ma' na ca tomi' ca Iri' Jam pain capijacon. Mo xi taraju pa' hwein ca tomi' nucun ca', om xi tomi' em' huhun co taxipa' ta' cwa'. Xi em' caca ta na ca tomi' tococwa ma'.

Mateus 19:4

Om ca noro hwein capijacon Iri' Jam ra ac tococwa na. Ca' na ca xirao' pe xine con: Quep iri non wari' Iri' Jam pain cara pane ne, pain ca xo' quep qui' con wari' pane, quep ac con na tarama', quep ac cam na narima' quem.

Mateus 21:42

Je ca tomi' xuhu' ca' ac tococwa na. Om ca noro camain' hwein ca xirao' pe xine pain capijacon Iri' Jam ra? Ca' na ca xirao' pe xine: Pacun ca noc pin caca wari' co quep xin paxi' nanain xirim ma', aram aram iri' pacun ca to' teren nain xirim pin na. Wirico Iri' Jam pan na co ara nain i ma'. Wa wa tamana ac urun na quem. Ac i ma' na ca xirao' pe xine pain capijacon Iri' Jam pane na ca tomi' tococwa ma'.

Mateus 3:2

Ca' na ca pijim' nucun: Cwirin' je, xi om ne ca wixicam pin ta' ara ne xec nein ca taramaxicon pe ho' pin ton cocon oro wari' Iri' Jam ta na.

Mateus 3:8

Xi iri'o' hwe ta ac tococwa na. Xucun wari' pin xihwe. Ma' ta querec pin' xine ca cwirin' nuhu' pain ca caracat nuhu' ta.

Mateus 4:17

In mao iri nain Galileia Jeju ne, pijim' pin ac ca na, je win pijim' pin ca pane. Cwirin' je, xi om ne ca wixicam pin ta' ara ne xec nein ca taramaxicon pe ho' pin ton cocon oro wari' Iri' Jam ta na ca pijim' nucun.

Marcos 12:26

Pain ca e' mami' xi' caca co wara cono' nana ma', xirao' mi' nuhu' pain Moisés cara pane. Om ca noro hwein ca xirao' nucun pain ca pijim' qui' cain wijimain pana ca wiran ximao pane ra? Wara pain paxi' na ca cono' caca Abraão con Isaque con Jacó cara pane, ane tomi' ca' con Moisés Iri' Jam pane ne: Wata' co Iri' Jam cwa'. Iri' Jam ne napa' Abraão cwa', Iri' Jam ne napa' Isaque cwa', Iri' Jam ne napa' Jacó cwa' quem. Iri' Jam ne Iri' Jam ne wet nanapa' ta na ca tomi' con Moisés Iri' Jam pane.

Marcos 12:33

Na e' na pain ca tomi' querec te mip xun pain iri' ximixi'. Ta coromicat ni ca' xun, an hwet pe xin ca om noc xun pain oro ca ara iri' ca'. Ta noc xuxun oro win ma' nexi' quem. Win ne ca om noc pan xijexi' ca'. Je ca param mi' capari' Iri' Jam. Param pije' nain oro carawa ca tom tain' mi' xun ca', param pije' nain oro xijein carawa ca mi' xun ca'. Param tamana napari' pain ca om noc xun je pain ca om noc xuxun oro win ma' nexi' quem na ca tomi' ca wari' ma'.

Marcos 2:17

Taraju nonon Jeju ma' quem. Tomi' ac cocon na: Om ca cwirin' je toton oro wari' co awi urut xi' ma nana ma'. Cwirin' je e' inonon co querec pin' pan xucucun pain ca caracat nucucun. Win ne ca om aramao xio tococwa oro wari' co om caxi nana ma'. Aramao xio e' tata co caxi nana ma'. Ac i ma' ina quem, cwirin' je e' inonon oro caracat. Je ca maqui' ta' ca' na ca tomi' tococwa ma'.

Lucas 10:26

Cain' ca xirao' ca Moisés cara pane quem ac con na Jeju. Om ca taraju pa' main quem? Tomi' hwet ne pain ca taraju pa' nem quem na ca tomi' con ma'.

Lucas 19:10

Je ca maqui' ta' ca' ac ca na. Wata' pain ca Iri' Wari' ta' ca', hwet inonon oro wari' co an xiho' nonon Zaqueu cwa', co ac ca pan' ara'am caca na pain ca to ni ca' cocon Iri' Jam. Ma' ta pirao' toton, ma' ta to' witan toton ta inonon na ca tomi' tococwa ma'.

Lucas 24:47

Xirao' to ca' nana pane quem: Oro wari' co howa nonon ma', na e' na pain ca pijim' hwet cocon oro wari' con Cristo ta nana pata'. Pijim' pijim' pi' pin totoron oro wari' pain oro xijein macan'. Pijim' ca' totoron: Cwirin' pin jein ca caracat nuhu', ma' ta xic am pin cain Iri' Jam ta totoron. Pijim' cain' to tatarain Jerusalém, mao ac ne ma' tara cocon, pijim' mama' ac cacain tara oro xijein macan' ta na ca xirao' to caca pane.

Lucas 5:31

Tomi' ac cocon na: Om ca cwirin' je toton oro wari' co awi urut xi' ma nana ma'. Cwirin' je e' inonon co querec pin' pan xucucun pain ca caracat nucucun. Win ne ca om aramao xio tococwa oro wari' co om caxi nana ma'. Aramao xio e' tata co caxi nana ma'. Ac i ma' ina quem, cwirin' je e' inonon oro caracat. Je ca maqui' ta' ca' na ca tomi' tococwa ma'.

João 10:34

Para tomi' ximao ma mahu' pain ca Panxica Iri' Jam ina ta' ca' quem? Win ne ca xirao' pe xine ca tomi' nucun Iri' Jam pain capijacon ca howa hwe ma', pain ca tomi' cocon oro taramaxicon co juiz nana pane: Ac wata' hwe, iri' jam hwe pain ca taramaxicon hwe ta nonon pane. Taxi' urun Iri' Jam pain ca iri' jam hwe cocon caram pacara pane co tomi' hwet ca pain capijacon pane. Taxi' urun pain ca om xin in taxi' ne capijacon quem. Je ca tomi' xuhu' ca' quem: Om ca na ne pain ca tomi' ximao ma mahu' pain ca Panxica Iri' Jam ina ta' ca'. Tora' pan napa' Te pain ca mi' capa' pain ca taramaja ne ca', pain ca hwet roron pain macan' ta capa' pahu'.

Atos 11:18

Taraju iri nanain ca pijim' nucun ne, tomi' napat tomi' napat om pin ac cocon na Pedro. Tomi' querec te pin nonon Iri' Jam quem. Awi na Iri' Jam ta nana. Wa wa urut con pain ca xiram pa' cocon oro wari' co om judeu nana ta. Xiram pa' inuhu', ma' ta cwirin' pin hwein ca caracat nuhu', ma' ta e' cara hwe pain pawin ta cocon ma' ira, ac i ma' na ca tomi' caca pain ca tomi' querec te nucucun ma'.

Atos 2:38

Cwirin' pin jein ca caracat nuhu' ta ac cocon na Pedro. Ja' ja' pi' pin ac xihwe tara pain com quem. Ma' ta querec pin' xihwe pain ca howa pin hun Jeju Cristo. Ma' ta xic am pin cain ca caracat nuhu' Iri' Jam ma' quem. Mi' ac cuhu' tara pain Tamataracon.

Atos 20:21

Hu hu pi' pin inonon oro wari' quem, co judeu nana ma', co om judeu nana ma' quem. Na e' na pain ca coromicat ni hwe, an to pin jein ca caracat nuhu', tomi' hwet jun pain Iri' Jam quem inonon. Howa jun Taramaxicon nexi' Jeju ta inonon quem.

Atos 3:19

Je ca tomi' xuhu' ca' ac tococwa na. Cwirin' pin je. Coromicat ni pin je. Howa jun Iri' Jam, ma' ta xic am pin cain ca caracat nuhu'.

Atos 5:31

Mi' ac con na pain ca xao pe ho' ne pain iri' cwere ca' con. Mi' non pain ca to' witan xim capari' ca' quem. Ma' ta cwirin' pin hwe pain ca wari' nein Israel hwe ma' napari', ma' ta xic am pin tain ca caracat nuhu' ta napari' quem.

2 Pedro 3:9

Xi ma' ara caca oro wari' co coromicat ca' nana: I'ina na Iri' Jam, xi ara pin cain ca wara tomi' pe nucun ta nana. Ane om i'ina ca ne, om ca om om ca. Winim' cara e' nuhu'. Noc noc xam' napari' pain ca pan' ara'am iri' pain ca wap xim capari'. Param e' napari' pain ca cwirin' cwirin' pi' pin xin ca caracat nexi' ta.