Mateus 9:1 - Tradução Bíblica Pacaas Novos

¹ In mama' xi' ta ac ca na Jeju, piton to ac cacain na mam' horoho wa ma', pan horoho in mama' ac cacain na xijein cacarain cain, mama' ac cacain na cidade nucun Jeju.

Mateus 9:1 Iomraidhean Croise

Mateus 4:13

Wa' mao paxi' nain Nazaré ma', ane om mon to wet cain i cain ne. Pe pin tain Cafarnaum ta ac ca na. Cafarnaum ca pe ja' pan nain cote ne com pain Galileia ma', ca pe ja' pan nain oro xijein cidade pain Zebulom je Naftali ma', je ca pe pan ta' ca Jeju quem.

Mateus 7:6

Ta pijim' mi' huhun pain capijacon Iri' Jam oro wari' co tomi' napat nanain pain ca om howa nucucun me ta ac tococwa na. Noro jein carawa ca awi ca an terem' mi' tocwa oromijac ma'. Mo ta an terem' mi' hun pain, xin in taqui' hwet ac cuhu' tara oromijac. Noro jein wijimain pacun ca awi tamana ma', pérola ma'. Mo ta wixicao' mi' xine pain caji mijac ma', xom tapiripit pin ac nein tara quem. Ac i ma' na ca tomi' tococwa ma'.

Mateus 8:18

Querec iri nonon oro wari' Jeju ne, pain ca to to mam' cocon ma', tomi' ac tococwa na co taxipa' ca ma'. Pan horoho mama' xin xijein cacarain com cain e' ac tococwa na.

Mateus 8:23

Maji ta ac ca na Jeju, piton pe ac cain na mam' horoho wa ma', ja' ja' ac cocon na co taxipa' ca ma' quem.

Marcos 5:21

Pan horoho in mama' ac cacain na xijein cacarain com Jeju cocon co taxipa' ca ma'. Piri' mama' iri nana ne, coco' coco' mam' pin ac cocon na oro wari' pain cacarain cote ne com ma'. Mija nana wari' ta. Om ca paric camain' caca.

Lucas 8:37

Taraju iri nana oro wari' ne, jain jain ac caca na, mao ra, paca' rain macaraxut ca' ac cocon na Jeju. Tomi' mip ac i ma' nonon, xi om ne ca jin' tamana ara caca ta. Na ra ac ca na Jeju, maji in mama' xi' e' ac ca na, piton to ac cacain na mam' horoho wa, horoho in mama' ac cacain na xijein cacarain cain.

Lucas 8:40

Pan horoho in mama' ac cacain na xijein cacarain com Jeju cocon co taxipa' ca ma'. Piri' mama' iri nana ne, mija nana wari' co winim' nonon. Tomi' querec te nonon quem.

Apocalipse 22:11

Co pan teretem nana ma', pan teretem cara ma' tatara ne. Co to' em' xucucun pain ca caracat nucucun ma', to' em' cara ma' ac xucucun tara. Oro wari' co ara xo' taxipa' nana ma' iri na ne, ara xo' taxipa' cara ma' tatara ne. Co win xumu cara nonon Iri' Jam ma', win xumu cara ma' totoron ne. Ac i ma' na ca tomi' capa' jam co taramaja mi' non Iri' Jam.