Mateus 8:8 - Tradução Bíblica Pacaas Novos

⁸ Om na ta Taramaxicon ne ac con na. Om ca ha' ne pain ca corom main xuru, xi awi ta' ta. Tomi' pira e' ron, xio tara ta e' ron. Xio pin ac ca tara.

Mateus 8:8 Iomraidhean Croise

Mateus 3:11

Ja' inuhu' pain com, xi om ne ca cwirin' pin ara hwe ta ac tococwa na. Wara maqui' paxi' ina, ane maqui' ta' pa'ao' ca xucun co hwara' opa tiquin' ca' napa' ne. Iri' wari' na quem. Om ca hohot ne pain ca quep xiho' camain' ton pain ca cut mi' ton pain caji caximacon ma', xi iri' wari' ta' ta. Mo ta cwirin' pin hwein ca caracat nuhu' ma', mi' ac cuhu' tara pain Tamataracon Iri' Jam. Mo ta om cwirin' je na hwein ca caracat nuhu' ma' quem, wixicaracao' mi' ac cuhu' tara pain cote ne xe ta.

Mateus 3:14

Ja' ne pain com ta ac con na. He, cain' cain' xima quem ac ca na João. Para ja' ne pain com mapa' quem? Xi caracat ma ta. Ja' pan ximapa' ta non. Tomi' paxi' non, ane om ca na con ne.

Mateus 8:3

An piri' iri nain micon ne, quep ac con na, tomi' ac con na: Param inain, xio pin ra ta non. Xio hap pin ac ca na, om pin con na caji nan.

Mateus 8:7

Hwet ton, quep xio ton ta ac con na Jeju.

Mateus 8:9

Tomi' ha' terem ca caxi nucun ta, taxi' ina. Win ne ca tomi' ha' pan toton oro taramaxicon ne ca', ma' nana oro soldado ne co tomi' ha' nanapa' quem, je cwerein parut. Mao rain i cain inon xucun, mao ac ca na. Hap ra ta ac ton na xucun, hap ac ca na quem. Ara rain i ca' ac ton na wari' ne co taramaja mi' e' napa', ara ac cain na quem na ca tomi' con ma'.

Lucas 15:19

Om ca hohot ne pain ca panxita' mami' mapa' ca'. Ac wari' co taramaja mi' mapa' pain xuru ta ne e', ac i ma' tara ca tomi' ton te ta ac xucun na.

Lucas 15:21

Caracat ina ta te ac con na panxica. Caracat ina, xi ari ara ton Iri' Jam pane ta. Ari inem quem. Om ca hohot ne pain ca panxita' mami' mapa' ta non.

Lucas 5:8

Querec iri nain i ma' Simão Pedro ne, pain ca cut tamana caca hwam ma', pe torotop mi' ac con na Jeju pain caximacon. In ca' ne ta Taramaxicon ne. Om ca na ne pain ca pe ho' cara mapa' ca', xi caracat taxipa' ara ta' ta na ca tomi' con ma'.

João 1:27

Wirico co wara tomi' hwet xuhu' pane. Tomi' ca' inuhu': Wara maqui' ina. Maqui' ta' pa'ao' na xucun na ca tomi' xuhu' con pane. Iri' wari' na. Om ca hohot ne pain ca tacom' mi' ton pain macorinain caji caximacon ma', xi iri' wari' ta' ta na ca tomi' tococwa ma'.