Mateus 8:5 - Tradução Bíblica Pacaas Novos

^5-6 Mao ac cain na Cafarnaum Jeju ma'. Wa' mao iri na ne, xut hwet ac con Jeju na taramaxicon nucucun oro soldado ma'. Romano na. Ma' 100 nana oro soldado co taramaxicon ne nonon. Tomi' ac con na: Taramaxicon ne. Caxi tamana na wari' ne co taramaja mi' e' napa'. Carama pe na, om ca meo mami' ca pain ca caxi tamana nucun. Terem' e' na, terem' pe nain xuru cain. Jain jain na pain ca caxi tamana nucun ta non.

Mateus 8:5 Iomraidhean Croise

Mateus 11:23

Wahu' quem oro wari' co to nanain Cafarnaum ma'. Xec xec a xihwe! Awi urut, querec pin' taraparut pain ca awi nuxut xi' ma hun Iri' Jam ra? Om na ta! Wixicaracao' mi' turuhu' pain cote ne xe ta! An hwet mi' paxi' inuhu' pain ca hwara' opa ne ca', querec paxi' mahu' pain ca ara tain oro ca om ara taxi' ne ca wari' wa ca'. Ane om cwirin' je na hwe ne. Mo xi an hwet mi' ac i ma' toton pain ca hwara' opa ne oro caracat co to nanain Sodoma cara pane, cwirin' pin ac caca xira, ma' ma' wet ac ne xira cidade nucucun pain xocori ca', ac i ma' paxi' xira cocon.

Mateus 27:54

Taramaxicon ma', cocon oro soldado nucun co querec wet nonon Jeju ma', querec iri nanain ca cocoroc ne macan' ma' ne, querec iri nanain oro ca ara ne con Jeju ma' ne. Jin' tamana ac caca na. Iri' Panxica Iri' Jam ca ma' ira nana.

Mateus 4:13

Wa' mao paxi' nain Nazaré ma', ane om mon to wet cain i cain ne. Pe pin tain Cafarnaum ta ac ca na. Cafarnaum ca pe ja' pan nain cote ne com pain Galileia ma', ca pe ja' pan nain oro xijein cidade pain Zebulom je Naftali ma', je ca pe pan ta' ca Jeju quem.

Mateus 9:1

In mama' xi' ta ac ca na Jeju, piton to ac cacain na mam' horoho wa ma', pan horoho in mama' ac cacain na xijein cacarain cain, mama' ac cacain na cidade nucun Jeju.

Marcos 15:39

Taramaxicon nucucun oro soldado ma', co xat ja' pan non ma', taraju iri non Jeju pain ca merem ca ne. Querec iri non pain ca mi' pin ac i ma' ca ma' ne. Tomi' ac ca na: Wa inon co cwa' me. Iri' Panxica Iri' Jam ca ma' ira na ca tomi' ca ma'.

Marcos 2:1

Om ca pain homa ne, wa' mao mami' ac cain na Cafarnaum Jeju. Wa' qui' na Jeju ta, pe pin nain xiricon win ma' ca ta ac caca na oro wari'.

Atos 22:25

Pao' pe ac cocon na pain macon, ma' ta wap xun ta nonon. Tomi' pan ac ca na Paulo, tomi' non taramaxicon nucucun oro soldado co xat pe nain i ma'. Hohot na pain ca wap mahu' pain ca romano ta' ca' ra? Xi wap jun wari' co romano ta xihwe ta non.

Atos 23:17

Na ra ac ca na, hap ra ac con na taramaxicon nucucun oro soldado ma'. O mi' ron con comandante co cwa' co xo' hwara' cwa'. Ma' na carawa ca tomi' hwet ton ca ca' non.

Atos 23:23

Harahap je e' ac tococwa na taramaxicon nucucun oro soldado ma', co taramaja mi' nonon ma'. Ma' 2 nana co tomi' ca ma'. Wara awori xo' je jujun oro win soldado hwe ma'. Ma' 200 tatara co xuruxut e' nanain macan', ma' 70 tatara co to nanain cavalo, ma' 200 tatara co cut nanain cote ne quit ca mam' xucun' tape wa quem, ca' tatara pahu'. Xim pin iri tara ne, pain 9 hora ma', mama' ac hwein tara Cesareia.

Atos 27:13

Pahop toto ac ne na hotowa ca maqui' ac nain quiricon xina ma', pain ca nuru qui' nein cote ne com ma'. Om ca nuru xio ne, pahop toto na. Awi na, hohot tarapari' pain ca mama' ho' xi' ta ac caca na, cut piri' ca' ac cacain pain com na arain too ca xite tamana ma', ca to' om ho mao nain mam' horoho wa ma'. Horoho mama' ac urut na. Ac tiquin' ac urut pain na cacarain com ma', pain Creta ma'.

Atos 27:31

Ane querec pan cocon Paulo pain ca paca' xin cacain mam' horoho wa ne. Tomi' ac con na taramaxicon nucucun oro soldado Júlio cocon oro soldado nucun. Mo ta om to ho' cacapari' pain mam' horoho wa wari' ma', om ta witan ac iri' ta nonon.

Atos 27:43

Ane nain ho' con Paulo taramaxicon nucucun oro soldado ma' ne. Om na ta, ta to' parapa' pin huhun me ta tata. Tomi' ac caparut na: Wahu' pain ca pan caracam taxi' hwe ma', pocorocom cain' jein com ta. Wara pan caracam hwet jein cacarain cain.

Atos 9:38

Om ca pira ca' xijein Jope pain Lida ma'. Co howa nonon Jeju pain Lida ma', taxi' pin iri nonon Pedro pain ca pe cain Lida ne, mo'o jun ta ac tococwa na wari' ma'. Ma' 2 nana co mo'o jun wawa ma'. Maqui' hap ra me jun ta tata. Mama' ac caca na.