Mateus 8:32 - Tradução Bíblica Pacaas Novos

³² Mama' jein ta ac tococwa na. Hwerehwet ca' ac cocon na, corom hwet ac cacain na caji mijac ma', tamanain to pin ac ne na quem. Jein quiji' mama' ac nein na ca tamaja ne macan' ma', jein jein, wara ca' na com ma', pan corom mama' ac ne na, cono' cono' pi' pin ac ne na quem.

Mateus 8:32 Iomraidhean Croise

Mateus 8:31

Jain jain ac caca na oro caxicon jam nucucun quem. Mo ta tomi' jein pin xim maparut, mama' jein caji mijac cain ac maparut tara. Corom hwet jein ta ac maparut tara, ac i ma' na ca merem nucucun.

Mateus 8:33

Caram ma' co querec wet nanain caji mijac ma', jein mama' ac caca na. Tan' mama' iri nanain cidade ne, tomi' hwet ac cacain na ca ara ca Jeju ma', pain ca quep xio pin tococwa caram ma' co corom to ho' nonon caxicon jam ira.

Marcos 5:13

Mama' jein ta ac tococwa na. Hwerehwet ca' ac cocon na, corom hwet ac cacain na caji mijac ma' quem. Mija na caji mijac. Ac ca ma' 2.000 ne na. Tamanain to pin ac ne na quem. Jein quiji' mama' ac nein na ca tamaja ne macan' ma', jein jein, wara ca' na com ma', pan corom mama' ac ne na, cono' cono' pi' pin ac ne na quem.

Lucas 8:33

Hwerehwet ca' ac cocon na, corom hwet ac cacain na caji mijac ma'. Tamanain to pin ac ne na, jein quiji' mama' ac nein na ca tamaja ne macan' ma', jein jein, wara ca' na com ma', pan corom mama' ac ne na, cono' cono' pi' pin ac ne na quem.

Atos 2:23

Iri' Jam ma', wara an pe xo' nain ca coromicat nucun pane, pain ca main quep totoron ta cuhu' con. Je ca om narain ho' cuhu' con. Quep hun, to' pa' pin jun ta ac huhun na oro caracat co om tomi' ha' camain' nonon Iri' Jam. Tatatain mi' ac cocon na pain pana.

Atos 4:28

Pain ca tomi' xo' xucucun pain ca to' pa' pin xun cocon pane, ara e' nanain ca wara coromicat an pe xo' pan nem pane. Xi om ne ca hwara' opa pan ara ma ta. Wum co param mi' nonon pain, om ca tomi' caho' momon pain ca to' pa' pin cocon Panxima pane.

Apocalipse 20:7

Pi' pin iri tara ca 1.000 nein cawaxi' ne, pa hwet pin ac tocwa tara Satanás ma', pain ca tao' pa' pe tocwa pain cote ne man ca om tawirinain cain, pa hwet pin ac tocwa tara.