Mateus 8:3 - Tradução Bíblica Pacaas Novos

³ An piri' iri nain micon ne, quep ac con na, tomi' ac con na: Param inain, xio pin ra ta non. Xio hap pin ac ca na, om pin con na caji nan.

Mateus 8:3 Iomraidhean Croise

Mateus 12:13

Tomi' ac con na co xirac micon ma': Coc matam rain mum ma' ta non. Coc matam ac cain na, awi pin ac ne na con. Ac wirain pin na, awi pi' pin na con.

Marcos 1:41

Xiram pa' tamana ac con na Jeju. An piri' iri nain micon ne, quep ac con na, tomi' ac con na: Param inain, xio pin ra ta non.

Marcos 4:39

Tequi' pe ac ca na, tomi' in pin ac cain na camana'. Mana' mana' om ra ta com ac cain na, tacana pe ra ta hotowa ac cain na hotowa ma' quem. Tacana pe pin ac ne na hotowa ma', mana' mana' om pin ac ne na com quem.

Marcos 5:41

Quep ac cam na pain micam. Talita cumi ac cam na. Pain ca talita cumi cam ma', tequi' pe ra ta pije' na ca tomi' mao nein.

Marcos 7:34

Noro pawin ac ca na, wereme to ac ca na pain ca xiram pa' con ma'. Efatá ac ca na, je ca tomi' ca pain capijacocon oro judeu. Pain ca Efatá ca ma', taraju ho' ra ta na ca tomi' mao nein ca tomi' nucun.

Marcos 9:25

Querec iri tata oro wari' pain ca jein hwet cocon ne, tomi' in pin ac con na caxicon jam nucun pije'. Tomi' mip inem ta caxicon jam. Wum co to' om pin nain capijacon pije' cwa'! Wum co to' om pin nain taraxicon ca' quem! Paca' ron ta! Ta corom in hwet camain' mon me ta na ca tomi' con ma'.

Lucas 4:27

Ac i ma' na pain oro xec nein ca profeta ca Eliseu cara pane quem. Mija nana oro wari' co to nanain Israel ma', co ma' nonon caji nan quem. Ane om ma' camain' caca co quep xio pin wawa pain Israel pane ne. Quep xio xica' pe ta Naamã co wari' nein Síria pane na ca tomi' tococwa ma'.

Lucas 5:13

An piri' iri nain micon ne, quep ac con na, tomi' ac con na: Param inain, xio pin ra ta non. Xio hap pin ac ca na, om pin ac con na caji nan.

Lucas 7:14

Wixicam pin ac cam na, quep ac cain na pana ca an terem' pe tocwa cawinacam. Coco' ac caca na co an mamam' nanain ma' quem. Tomi' inem ta arain. Tequi' pe ra ta na ca tomi' con ma'.

João 11:43

Tomi' iri non ne, merem ac ca na, merem mip na: Hwet qui' ra ta Lázaro na ca merem mip ca ma'.

João 15:24

Mo xi om querec cacapa' pain ca an hwet pe tain ca hwara' opa ne pane, pain ca ara tain ca om ara taxi' ne ca wari' wa pane, om xi tomi' em' cocon pain ca caracat wa Te. Ane querec cacain ne. Noc cara nanapa', noc cara nonon Te quem.

João 5:21

Noro jun Te pain ca to' e' mami' cocon co cono' nana ma'. Ac i ma' ina quem. Oro wari' co param ta' ma', to' e' inonon ta.