Mateus 8:25 - Tradução Bíblica Pacaas Novos

²⁵ Ho' querec xun ta ac caca na co taxipa' ca ma', ho' querec ac cocon na quem. To' witan xut ta Taramaxicon nuxut. Cono' pin xi' urut ta na ca merem caca ma'.

Mateus 8:25 Iomraidhean Croise

Mateus 8:2

Hwet ac con na wari' co ma' non caji nan. Lepra na wixinain ca caxi nucun. Pe torotop mi' ac con na, tomi' ac con na: Taramaxicon ne. Mo ta quep xio xim mapa' ma', taxi' inem pain ca quep xio taxi' mapa' ta non.

Mateus 8:24

Pan horoho pan horoho. Ane ane maqui' ac ne na camana' ca nuru mip tamana. Wap tamana na com ta! Moin' pin tain na mam' horoho nucucun com ira. Ane pi'am ca Jeju ne.

Mateus 9:18

Tomi' tomi' wet nonon oro wari' Jeju ma', maqui' ac ca na co win ma' ne nonon co querec wet nonon oro win judeu caca pain xirim ca cut in to xucucun ma'. Pe torotop mi' ac con na Jeju. Tomi' ac con na: Mi' pin na panxita' ta, xo' mi' pin na. Hap ra ta, quep ram pain mum ma', ma' ta e' mami' cama ta na ca tomi' con ma'.

Lucas 8:24

Ho' querec xun ta ac cocon na co taxipa' ca ma', ho' querec ac cocon na quem. Taramaxicon co ca' na taxipa' capijacon Iri' Jam! Cono' pin xi' urut ta Taramaxicon nuxut na ca merem cocon ma'. Querec ac ca na, tequi' pe ac ca na, tomi' in pin ac cain na camana' pain ca wap tamana nein com ma'. Nuru nuru om pin ac ne na camana', wap wap om pin ac ne na com quem. Tacana pe tacana pe pi' pin ac ne na.