Mateus 8:21 - Tradução Bíblica Pacaas Novos

²¹ Tomi' ac con na xucun ma', co taxipa' paxi' non ma': Wata' quem Taramaxicon ne ac con na. Ane na e' capa' pain ca in hwet cain' ton te ne. Mi' pin iri tara ne, an corom pe pin iri tain curucun pain manain pacun ne, ja' ja' ac xim tara. Ma ma? Ac i ma' na ca tomi' con ma'.

Mateus 8:21 Iomraidhean Croise

Mateus 19:29

Oro wari' co paca' nanain xiricocon cocon xurucucun cocon cote caca cacam jicocon cacam mana panxicaca je totacocon quem, oro wari' co ara ac i ma' nana pain ca taramaja mi' xim cacapa' ma', cut tamana ac cacain tara carawa ca awi. Mija tara carawa ca awi ca cut xi' caca ma', mija tiquin' ca' tarain carawa ca paca' caca. Moin' tamana tara cocon. Mi' ac tococwa tara pain ca om pi' ra ha' ne ca e' wa quem.

Mateus 8:20

Tomi' ac con na Jeju: Noro rain oro carawa pain mi ma'. Ma' ma' xam' nain ca pi'am to nein. Noro rain oro me ma' quem. Ma' ma' xam' nain xirinain quem. Wata' iri na ne, pain ca Iri' Wari' ta' ca', om napa' xirim ca pe xo' ta' ca' na ca tomi' con ma'.

Mateus 8:22

Om na ta ac con na Jeju. Ja' ja' ho' ne pain xocori ca'. Oro win ma' ma co om howa nanapa' ma', co an xiho' nonon co cono' nana ma', wiricoco pan tatara co cut corom to pan nonon co cono' nana ta na ca tomi' con ma'.

2 Coríntios 5:16

Je ca coromicat jimama' pin urut ca'. Om ca noro mami' urut pain oro ca ara caca oro wari' pain xocori ca', om ca an xiho' urut cocon wari' co tocojin' e' nonon oro win ma' caca pain xocori ca', om na. Xi coromicat ac i ma' ara ne ca wari' wa ta. Coromicat mi' ac i ma' paxi' urut con Cristo pane, wari' tara ma' urut con pain cara pane, an xiho' tarapari' xi' ma urut con pain cara pane. Ane om coromicat mi' ac i ma' mami' urut con pain xocori ca' ne.