Mateus 8:2 - Tradução Bíblica Pacaas Novos

² Hwet ac con na wari' co ma' non caji nan. Lepra na wixinain ca caxi nucun. Pe torotop mi' ac con na, tomi' ac con na: Taramaxicon ne. Mo ta quep xio xim mapa' ma', taxi' inem pain ca quep xio taxi' mapa' ta non.

Mateus 8:2 Iomraidhean Croise

Mateus 10:8

Quep xio pin jujun oro wari' co ma' nonon caji nan, wiricoco oro wari' co ma' nonon oro xijein ca caxi wa quem. To' e' mami' jujun co cono' pin nana, tomi' jein pin jujun oro caxicon jam nucucun oro wari' quem. Ta pagar xut me huhun oro wari' co quep xiho' hwe me, xi pagar xine pan xuhu' pain ca mi' e' xuhu' pain ca hwara' opa nuhu' ta.

Mateus 13:58

Je ca om ha' con pain ca ara tamana pe cain Nazaré oro ca om ara taxi' ne ca wari' wa pane. Xi howa cocon ta.

Mateus 14:33

In ac ac cocon na, pe torotop mi' ac cocon na. Panxica Iri' Jam ma ma' ira ac cocon na quem.

Mateus 15:25

Xut hwet pan ac con na narima' ma'. Pe torotop mi' ac con na, quep xiho' ne ta Taramaxicon ne ac con na quem.

Mateus 18:26

Jain jain ac ca na, pan' hwet ac con na pain caximacon taramaxicon nucun. Ame ma e', ta toron ne xumum me ta taramaxicon ne. Main pagar pagar pi' pin xim pain ca dever xim ca' na ca tomi' nucun.

Mateus 2:11

Xuruxut xuruxut, wara ca' na xirim ma', corom mama' ac caca na. Querec ac cocon na pije' cam jicon ma', Maria na. Pe torotop mi' querec te ac cocon na. Pa ac cacain na panaxicocon ca cut to cacain carawa nucucun ca awi tamana ma'. An hwet mi' ac cocon na pain carawa ca mi' querec te xun cocon ma'. Je ouro, je incenso, je mirra ma' quem, ac i ma' na oro carawa ca mi' querec te cocon Jeju pane.

Mateus 20:20

Tomi' ton Jeju ta ac cama na jicocon mana panxica Zebedeu ma', Tiago con João ma', co taxipa' nonon Jeju ma'. Harahap je e' ac tococwa na humaxicam, xuruxut hwet ac cocon na Jeju. Pe torotop mi' ac con na. Jeju, tomi' xim inem ira ac con na.

Mateus 26:6

To ac urut pain na Betânia ma'. Wirico Jeju, warut pain ca taxipa' urut con quem, mama' ac urut pain na xiricon Simão co ma' non caji nan pane ira.

Mateus 28:17

Querec iri urut con ne, pe torotop mi' ac urut con na pain ca in ac urut con. Pe torotop mi' paxi' urut con, ane ma' caca win ma' nuxut co hehe nana ne. Wirico tara ron nana pain ca hehe nucucun.

Mateus 28:9

Ane ane win quima ho' ac cacam na Jeju pain wana. Ma' i ma' pahu' quem ac cacam na. Xuruxut hwet ac cocon na, pe torotop mi' ac cocon na, pe horoman tapan' ac cacamain na caximacon. Tomi' querec te tamana nonon pain ca in ac cocon ma'.

Mateus 4:9

Mo ta pe torotop mi' querec te mapa' pain ca taramaxicon ne mapa' ca', mi' mi' pi' pin ac xim tara pain oro macan' ca querec pira ma cain. Ac i ma' na ca tomi' con ma' quem.

Mateus 8:1

Quiji' ca' ac cain na pacun Jeju. Mija nana wari' co ja' ja' nonon.

Mateus 8:25

Ho' querec xun ta ac caca na co taxipa' ca ma', ho' querec ac cocon na quem. To' witan xut ta Taramaxicon nuxut. Cono' pin xi' urut ta na ca merem caca ma'.

Mateus 9:18

Tomi' tomi' wet nonon oro wari' Jeju ma', maqui' ac ca na co win ma' ne nonon co querec wet nonon oro win judeu caca pain xirim ca cut in to xucucun ma'. Pe torotop mi' ac con na Jeju. Tomi' ac con na: Mi' pin na panxita' ta, xo' mi' pin na. Hap ra ta, quep ram pain mum ma', ma' ta e' mami' cama ta na ca tomi' con ma'.

Lucas 4:27

Ac i ma' na pain oro xec nein ca profeta ca Eliseu cara pane quem. Mija nana oro wari' co to nanain Israel ma', co ma' nonon caji nan quem. Ane om ma' camain' caca co quep xio pin wawa pain Israel pane ne. Quep xio xica' pe ta Naamã co wari' nein Síria pane na ca tomi' tococwa ma'.

João 9:38

Howa inem ta Taramaxicon ne ac ca na, pe torotop mi' querec te ac con na.

Atos 10:14

He! Om na ta Taramaxicon ne ac ca na Pedro. Xi wara cao' tain caji carawa pane ta. Om ca cao' camain' tain caji carawa ca tomi' caho' caparut Moisés pane ta na pain ca tomi' in pin ca ma'.

Atos 10:25

Hwet ac cain na xiricon Cornélio Pedro ma'. Corom mao ta' iri na ne, hwet qui' ac ca na Cornélio. Maqui' ma? Maqui' ina ta ac xucucun na. Pe torotop mi' querec te pan ac con na Cornélio.

1 Coríntios 14:25

Coromicat ac ca tara: Om paxi' na ca querec pin' cacapa' pain ca pan tem ne oro win ma' ne cwa', ane taxi' pan capa' pain Iri' Jam ne, ac i ma' tara ca tomi' ca ma'. Pe torotop tucu hwet mi' tarain macan', tomi' querec te ac con tara Iri' Jam pain ca in ac con ma'. Pe ho' momon caram cwa' co howa nenem cwa' ira ac con tara quem.

Apocalipse 19:10

Pan' hwet ac ton na pain caximacon jam co taramaja mi' non Iri' Jam. Ma' ta pe torotop mi' querec te ton inon ira. Ane tomi' capa' ne: Ta pe torotop mi' querec te mapa' me ta. Xi ac wum ara ta' ta, taramaja mi' e' inon Iri' Jam. An xiho' inem, an xiho' inonon oro win howa ma ma', co win xumu cara nonon Jeju ma', pain ca om an to camain' cacain oro ca tomi' hwet xine con. Pe torotop mi' querec te pan ron Iri' Jam ta! Xi wirico pan ara ca Jeju co tomi' hwet iri' pain ca pijim' hwet xuxun con oro wari' ta. Ac i ma' na ca tomi' capa' jam co taramaja mi' non Iri' Jam.