Mateus 8:15 - Tradução Bíblica Pacaas Novos

¹⁵ Quep ac cam na pain micam, xain xain om pin ac cama na. Tequi' pe ac cama na, ara mi' pan ac con na pain carawa ca cao' wa quem.

Mateus 8:15 Iomraidhean Croise

Mateus 14:36

Jain jain nonon, ta narain ho' maparut pain ca quep urut pum ca', quep e' xut con cacaracon womum ma' nonon. Xio xio pi' pin ac caca na co quep nonon cacaracon womicon ma' quem.

Mateus 20:34

Xiram pa' ac cocon na Jeju. Quep ac cain na tococon, querec mami' hap ac caca na. Ja' ja' ac cocon na Jeju.

Mateus 8:14

Mao ac cain na xiricon Pedro Jeju ma', querec ac cam na japinacon co caxi ma'. Terem' na, xi om ne ca xain ara cama ta.

Mateus 8:16

Xo' um pin iri na ne, o qui' mija ac tococwa na con Jeju oro wari' co corom to ho' nonon caxicon jam. Tomi' e' na, hwerehwet ca' jujun e' na, hwerehwet ca' ac tococwa na. Quep xio quep xio pi' pin ac tococwa na oro wari' co caxi nana ma' quem.

Mateus 8:3

An piri' iri nain micon ne, quep ac con na, tomi' ac con na: Param inain, xio pin ra ta non. Xio hap pin ac ca na, om pin con na caji nan.

Mateus 9:20

Xuruxut xuruxut, maqui' ac cama na narima' co ao tamana ma' quem. Ma' 12 na cawaxi' pain ca ao tamana cama. Hwet ac con na Jeju pain waracon, quep ac camain na cacaracon womicon.

Mateus 9:29

Quep ac cain na tococon, tomi' ac cocon na: Quep xio xuhu'. Win ne ca howa mahu' ma' nonon.

Marcos 1:29

Hwerehwet ca' iri nanain xirim ca cut in to xucucun ne, mama' ac cacain na xiricon Simão con André. Ja' ja' nonon Tiago con João ma' quem.

Marcos 1:41

Xiram pa' tamana ac con na Jeju. An piri' iri nain micon ne, quep ac con na, tomi' ac con na: Param inain, xio pin ra ta non.

Lucas 8:54

Ane quep cam pain micam ne. Tomi' ac ca na: Tequi' pe ra ta pije' na ca tomi' cam ma'.