Mateus 7:3 - Tradução Bíblica Pacaas Novos

³ Tomi' inem pain ca tomi' em' mon win ma' ma pain wijimain ca caracat nucun ma' ac tococwa na. Tomi' em' iri mon ne, an xiho' ac mon na wari' co noro e' nain wijimain tohoromi pana ca pe nain tocon win ma' ca ma'. Xi querec pin' pan cain cote ne pana ca pe nain tocon ta!

Mateus 7:3 Iomraidhean Croise

Mateus 7:4

Hot pin tain wijimain tohoromi pana ca pe nain tucum ma' xa' mon win ma' ma ra? Je i ma' ne ma ra? Cain' cain' xima quem? Ma' na ca tomi' ac i ma' ac ma ra? Pe ara xi' nain tucum cote ne pana ta.

Mateus 7:5

Ac ca iri'o' ta' ca' tara me ma ra? Hot pin cain' rain cote ne pana ca pe nain tucum ma'. Querec toha ac ma tara, ha' pin ac quem tara pain ca hot pin main wijimain tohoromi pana ca pe nain tocon win ma' ma ma'. Ac i ma' na ca tomi' tococwa ma'.

Lucas 18:11

Corom mama' iri nanain ca tao' caho' nein cote ne xiricon Iri' Jam ne, xat pe ac cain i ma' na fariseu ma'. Tomi' ton Iri' Jam ta ac ca na. Om ca hwet ne ca tomi' nucun, tomi' pan xucun pain ca coromicat nucun. Ca' na ca tomi' con ma': Iri' Jam ac ca na. Tomi' querec te inem pain ca om an xiho' toton oro caracat ma': Co param ximama' nanain caramaxicocon oro win ma' caca ma', co om ximicocon ma', co quep nanam manacocon oro win ma' caca ma' quem, tomi' querec te inem pain ca om an xiho' toton ta. Tomi' querec te inem pain ca om an xiho' ton caxicon wari' cwa' quem, co cut in taxipa' nain imposto cwa'.

Romanos 2:1

Je ca tomi' xuhu' ca'. Taxi' urun Iri' Jam pain ca wap mip cocon oro wari' co pan teretem ac i ma' nana ma'. Na e' na pain ca wap cocon quem. Je ca tomi' xuhu' ca', tomi' inem pain ca tomi' em' momon oro xucucun wari' co pan teretem nana ma'. Tomi' em' iri momon pain ca pan teretem nucucun ne, tomi' em' pan ac xijem na quem, xi an xiho' ara momon pain ca pan teretem nucucun ta. Om ca nain ho' ac xijem pain ca pan tem nem ta.

Gálatas 6:1

Tomi' xim inuhu' pain ca tomi' ha' taxipa' hwein Tamataracon Iri' Jam ma' xere. Mo ta ma' ca win ma' nuhu' co pan' mao pain ca caracat nucun ma', quep xiho' jun. An in jun, ma' ta xut xo' mami' ca. Tomi' xun iri jun ne, tomi' wixite e' jun. Ma' tara xumuhu' quem. Ma' ta om an xiho' hun pain ca caracat nucun.