Mateus 7:24 - Tradução Bíblica Pacaas Novos

²⁴ Je ca tomi' xuhu' ca' ac tococwa na. Wari' co taraju wet nain ca tomi' ne ca', co tomi' ha' napa' ma' quem, ma' na ximicon. An xiho' non wari' co coromicat xo' ma', co quep pe nain xiricon pain pacun. Quep pin iri nain xiricon ne,

Mateus 7:24 Iomraidhean Croise

Mateus 12:50

Je ca tomi' xuhu' ca' ac tococwa na. Oro wari' co ara nanain ca param nucun Te co pe pawin cain, wiricacam co xere ta' ta, wiricacam co na' ta' quem na ca tomi' caparut pane.

Mateus 16:18

Je ca tomi' xim ca' Simão ac con na. Pedro na xijein wuxum. Xi om ne ca ac pacun ara ma ta. Je ara xi' na ca tomi' mao nein wuxum. Ca tomi' hwet nem ma' quem, pain ca howa inem pain ca Cristo ma ma', pain ca Panxica Iri' Jam ma mapa' ma', ac iri' cote ne pacun na. Oro wari' co howa ac i ma' xi' nanapa' ma', iri' wari' ne ac toton tara, to' hwara' opa ac toton tara quem. Om ta to' quiji' pin ac cocon Caxicon Jam co taramaxicon pe ho' nonon oro win caxicon jam ca quem.

Mateus 24:45

Na e' na pain ca an xiho' hun wari' co taramaja xo' ma', co coromicat xo' pain ca taramaja mi' xo' con taramaxicon nucun ta ac caparut na. Mao tain pira iri na taramaxicon nucun ne, tomi' mam' ac con na: Querec wet roron oro win ma' ma co taramaja mi' e' nanapa' cwa', querec wet xo' roron pa'ao'. Mi' xo' roron pain carawa ca cao' wa quem na ca tomi' mam' con ma'.

Mateus 25:2

Oro mon xojam' ma', ma' 5 nana co om coromicat xo' nana, ma' 5 ac cacama na co coromicat xo' nana quem.

Mateus 25:4

Co coromicat xo' nana ma' iri nana ne, cut nanain naran nequequem, cut nanain xijein too ca wara ji'ao pe cacamain comi naran ma' quem.

Mateus 25:9

Om na ta ac tacacama na. Comi naran ca ma' naparut ca', om ca xam' pi' pin ac capari' pain oro naran nexi'. Mo ta ji'ao wijimain mi' xut pahu' pain, pe ho' wijimain pin e' ac caparut tara. Mo ta param hwein comi naran, mo cam je ta ac tacacama na.

Mateus 7:25

aram aram pan' ac ne na xowi'. Pan' tamana pan' tamana, we' pin ac ne na com. Nuru mip ac ne na hotowa pain xiricon. Nuru mip nuru mip paxi' na hotowa pain xiricon ma', ane om pa cat mao ne ne. Xi om ne ca pe ho' ara nein pacun ta.

Mateus 7:26

Wari' co taraju paxi' nain ca tomi' ne ma' iri na ne, taraju paxi' napa', ane om tomi' ha' capa' ne. An xiho' non wari' co om coromicat xo' ma', co quep pe nain xiricon pain namaji. Quep pin iri nain xiricon ne,

Lucas 11:28

Om na, param mi' pan tata pain ca awi wa oro wari' co taraju nanain capijacon Iri' Jam ma', co tomi' ha' nonon ma' quem. Wiricoco co param mi' wawa pain ca awi wa ta ac tococwa na.

João 13:17

Je ca tomi' xuhu' ca', taraju pa' pin hwein ca tomi' xuhu' ca': Mo ta tomi' ha' mahu', param mi' ac cuhu' tara pain ca awi wa Te Iri' Jam ta na ca tomi' caparut.

João 14:15

Mo ta om noc mahu', tomi' ha' ac mahu' tara pain oro ca ara je xuhu' ca' ac caparut na.

João 15:10

Mo ta tomi' ha' mahu' pain oro ca ara je xuhu' ca', om ac ne tara ca noc xuhu' ta. Win ta' con Te cwa', tomi' ha' inon pain oro ca ara ra capa', om ac ne na ca noc capa' quem.

João 15:14

Mo ta tomi' ha' mahu' pain oro ca ara je xuhu' ca', querec pin' ac xihwe tara pain ca win ma' ne mahu' ma'.

Romanos 2:13

Xi hohot caca oro wari' co taraju e' nanain ca xirao' nucun Moisés ta. Om ca hohot cocon Iri' Jam. Hohot e' nonon oro wari' co tomi' ha' nanain ca xirao' nucun Moisés.

1João 2:3

Tomi' ha' iri urun Iri' Jam pain oro ca ara je capari' ne, taxi' ac xijexi' na pain ca querec pin' xun ca'.