Mateus 7:21 - Tradução Bíblica Pacaas Novos

²¹ Oro wari' co Taramaxicon ne nanapa' ma', Taramaxicon ne Taramaxicon ne paxi' nanapa', ane om taramaxicon pe ho' taramaxicon pe ho' xam' cocon Te Iri' Jam co pe pawin ne. Taramaxicon pe ho' e' tata co ara nanain ca param nucun Te.

Mateus 7:21 Iomraidhean Croise

Mateus 12:50

Je ca tomi' xuhu' ca' ac tococwa na. Oro wari' co ara nanain ca param nucun Te co pe pawin cain, wiricacam co xere ta' ta, wiricacam co na' ta' quem na ca tomi' caparut pane.

Mateus 16:17

Param mi' nem pain ca awi wa Iri' Jam ta Simão panxica João ac con na Jeju. Xi wari' ca co an hwet mi' nem pain ca tomi' nem ma', pain ca Cristo ma ta mapa' ma', pain ca Panxica Iri' Jam ma ta mapa' ma'. Te ma', co pe pawin cain, wirico co an hwet mi' nem pain ca tomi' nem.

Mateus 18:10

Ma' tara xumuhu' me ac caparut na. Ta noc camain' huhun oro wari' co an xiho' nonon hwijima' co om hwara' opa nana cwa' me. Je ca tomi' xuhu' ca': Oro jam co taramaja mi' nonon Iri' Jam ma', co querec wet taxipa' nonon ma', tama' to ho' nonon Te co pe pawin cain.

Mateus 18:19

Tomi' iri'o' inuhu' pain i ca' quem: Wahu' pain ca tomi' xun Iri' Jam hwe pain macan' ca', am 2 e' paxi' hwe. Mo ta ac je ac je ari ne ca coromicat nuhu' pain ca tomi' xun hun ma', ha' ac cuhu' tara Te co pe pawin cain.

Mateus 18:3

Tomi' ac caparut na: Coromicat ni je. An xiho' jejem oro wixicacam hwijima' pain ca coromicat nequequem. Mo ta om an xiho' hwehwem pain ca om xec xec taxi' nequequem ca', om ta hwet camain' hun Iri' Jam pain ca taramaxicon pe ca pain pawin cain, tomi' iri'o' inuhu'.

Mateus 18:35

Je ca tomi' xuhu' ca' ac caparut na Jeju. Mo ta om tomi' xo' xujuhu' pain ca ara cup xujuhu' ma', pain ca xere xujuhu' pain ca howa nuhu' ma', mo ta om maho' xin ca mana' wa ta xujuhu' pain iri' xumuhu' ma'. Wap ac i ma' wap ac i ma' xam' ac cuhu' tara Te co pe pawin cain ta na ca tomi' caparut pane.

Mateus 19:24

Win ne camelo ma'. Cote ne carawa na camelo. Ha' xirain pain ca corom nein wijimain manain ca mam' oc tocwa wom ra? Om xi ha' nein. I'ina xirain, om xi corom ac nein. Ac i ma' na con wari' co caramaju ma' quem. I'ina tamana non pain ca xin ne con Iri' Jam pain ca taramaxicon pe ho' ton con ta. Tomi' iri'o' inuhu' ta na ca tomi' caparut pane.

Mateus 25:10

Na ra ac cacama na, maji cam xi e', mama' ac cacama na. Om ca in querec cacama, maqui' ac ca na co ma' co an ta' narima' ma'. Caram ma' co coromicat xo' nana ma', co wara awori naran nequequem ma', corom wi ac cocon na co an ta' narima' ma', corom mama' ac cacamain na xirim ca tomi' querec te wi to xi' cacama ma'. Tao' pa' pin ac xine na manain xirim.

Mateus 25:21

Awi na ta ac con na. Awi na ca taramaja nem, taramaja xo' ma ma' ira. Mam' taramaja xo' main wijimain dinheiro ne cara pane. Je ca mi' hwara' mami' xim xim pain, ma' ta mam' taramaja xo' mami' main quem. Maji tomi' querec te wi xi' e' ac con na.

Mateus 26:39

Xut xut xat, pe torotop tucu hwet mi' ac cain na macan'. Tomi' ac con na Cote ca: Te ac con na. Am xin ne mapa' pain ca tomi' xim ca'. Nain ho' ne pain ca jain jain ta' ne ca', pain ca mi' pin ta' ne ca' quem Te. Tara pum, nain ho' ne pain me paxi' inem, ane param e' tain ca param pan nem ne. Noc inain ca param ne ca' na ca tomi' con Cote ca.

Mateus 26:42

In ca' mami' ac tococwa na, tomi' mami' ton Te ta ac ca na quem. Te ac con na. Am om xin ne mapa' pain ca tomi' xim ca', pain ca nain ho' ne pain ca jain jain ta' ne pain ca mi' pin ta' ne ca' xim ca'. Mo ta jain jain ra mapa', mo ta mi' pin ra mapa' quem. Je i ma' pum ta Te. Param e' inain ca param pan nem ta na ca tomi' con ma'.

Marcos 3:35

Oro wari' co ara nanain ca param nucun Iri' Jam ma', wiricacam co xere ta' ta, wiricacam co na' ta' quem na ca tomi' tococwa ma'.

Marcos 9:47

Mo ta to' caracat quem tucum ma' quem, pain ca querec param ximao main ca om awi wa ma', noro maho' rain e'. Ac ca hot pin main tara. Hohot na pain ca mao main pawin ca taramaxicon pe ca Iri' Jam ma', pain ca om ne tucum ma'. Cain' cain' xira quem? Hohot xira pain ca xin mi' xima pain cote ne xe ma', pain ca ma' ma' wet ne tucum ra? Om xi hohot ne ta.

Lucas 11:28

Om na, param mi' pan tata pain ca awi wa oro wari' co taraju nanain capijacon Iri' Jam ma', co tomi' ha' nonon ma' quem. Wiricoco co param mi' wawa pain ca awi wa ta ac tococwa na.

Lucas 13:25

An xiho' nain waximain xirim Iri' Jam quem. Tao' pa' tain iri tarain xiricon ne, hwet to ca' ac hwein tara, tataca ac hwein tara manain. Pa xut, corom xi' urut ta taramaxicon ac hun tara. Om na, om ca querec pin' camain' xuhu' ta ac cuhu' tara.

Lucas 18:25

Win ne camelo ma'. Cote ne carawa na camelo. Ha' xirain pain ca corom nein wijimain manain ca mam' oc tocwa wom ra? Om xi ha' nein. I'ina xirain, om xi corom ac nein. Ac i ma' na con wari' co caramaju ma' quem. I'ina tamana non pain ca xin ne con Iri' Jam pain ca taramaxicon pe ho' ton con ta. Tomi' iri'o' inuhu' ta na ca tomi' tococwa ma'.

Lucas 6:46

Para Taramaxicon ne Taramaxicon ne mahu' pain ca tomi' mahu' ma' quem? Xi tomi' ha' mahu' ta ac tococwa na.

João 14:7

Mo xi querec pin' iri'o' mahu', querec pin' ac hun xira Te quem. Ane querec pin' pin hun pain xocori ca' ne. Querec hun quem, ac i ma' na ca tomi' caparut ma'.

João 15:23

Oro wari' co noc nanapa' ma', om ca xica' pe ta' pain ca noc cacapa'. Noc nonon Te quem.

João 3:5

Om na ta Nicodemos ac con na. Wari' co om mam' pan' qui' nain com je Tamataracon Iri' Jam ma', om ta hwet ac con pain ca taramaxicon pe ca pain pawin. Tomi' iri'o' inem ta.

João 5:17

Ane tomi' pan cocon Jeju ne: Om ca taramaja maho' ca Te. Ac i ma' ina quem, om ca taramaja maho' ta' ta nonon.

João 6:40

Je ara xi' na ca param pan ca Te ma': Oro wari' co querec pin' nanapa' pain ca panxita' capa' ca', oro wari' co howa nanapa' cwa' quem, param tata pain ca e' cara caca pain pawin. Maqui' pin iri tara xec nein ca pi' pin ta' ne macan' ca' ne, to' e' mami' ac toton tara quem na ca tomi' tococwa ma'.

João 7:17

Wari' co ara tain nain ca param nucun Iri' Jam ma', querec pin' ac cain tara ca pijim' ne pain ca ca' na tain capijacon ca'. Querec pin' tarain pain ca om maqui' capa' ca'. Querec pin' tarain pain ca maqui' con Iri' Jam.

Atos 14:22

Hwet iri tata co howa nonon Jeju pain oro cidade ma' ne, quep xiho' ac tococwa na pain ca howa nucucun. Hu ca' tata: Ta an to hwein ca howa wa me, howa cara jun Jeju ta ac tococwa na. To' i'ina tatarapari' oro wari' co om howa nonon Jeju ma' ac tococwa na. Quep em' xim paxi' tatarapari'. Je i ma' ira, na e' na pain ca jain jain iri' pain ca to' i'ina to' i'ina cacapari' ma', aram aram to ho' pin ac xun tara Iri' Jam ma', pain ca aram aram taramaxicon pe ho' toton cocon oro wari' nucun ta, ac i ma' na ca quep xiho' tococwa pain ca to' hwara' opa tococwa ma'.

Romanos 12:2

Ta an xiho' huhun oro wari' co pan teretem nana ma' me ta. To' jimama' xut pain iri' xumuxut ca' me jun Iri' Jam. To' xocori pin rain iri' ca coromicat nuxut ca' me jun. Ma' ta ha' cuhu' pain ca querec pin' hwein oro ca param nucun ca an pe mi' capari' ca', ma' ta ara hwein quem. Param ara xi' nain oro ca awi wa Iri' Jam ta. Param nain carawa ca hohot non. Om ca param ni ca' cain oro ca param nucun

Romanos 2:13

Xi hohot caca oro wari' co taraju e' nanain ca xirao' nucun Moisés ta. Om ca hohot cocon Iri' Jam. Hohot e' nonon oro wari' co tomi' ha' nanain ca xirao' nucun Moisés.

Efésios 6:6

Ta tomi' ha' e' huhun pain ca ja' noro cucuhu' me. Ma' nana co taramaja ac i ma' nana, ma' ta in ac cacapa' pain ca taramaja xo' ne ca' nana. Ta taramaja ac i ma' hwe me. Na e' na pain ca taramaja querec te hwe pain iri' xumuhu' ta. Ac ca taramaja mi' e' hun Cristo ma' tara pain ca taramaja mi' huhun ma'. Param nuhu' pain ca taramaja xo' wa Iri' Jam quem.

Colossenses 4:12

Mam' pe wet inonon ta nuhu' win ma' nuhu' Epafras cwa', co taramaja mi' non Cristo Jeju cwa'. Mija na ca tama' tomi' mi' cuhu' con Iri' Jam quem. Ma' ta ximicon hwanana caca ma', ma' ta hwara' opa caca pain ca howa nucucun ma', ma' ta om tara con ta'a camain' quequem pain oro ca param nem ca ara je momon ma' non pain ca tomi' mi' cuhu' con Iri' Jam.

1 Tessalonicenses 4:3

Param nuhu' Iri' Jam pain ca xuruxut xo' hwe pain ca iri' wari' ne cuhu' ma', pain ca ara e' hwein oro ca hohot non ma'. Wahu' pain ca tarama' hwe ma', ta quep hwem xequem narima' me. Wahu' quem oro narima', quep e' turuhu' taxuhu' ta.

1 Tessalonicenses 5:18

Tomi' querec te jun pain oro ca ara nuhu' ma' quem. Mo ta hohot cuhu' oro carawa ma', mo ta om hohot cuhu' ma' quem, je je ari na. Tomi' querec te jun pain Iri' Jam. Je ca param mi' cuhu' ma', pain ca win cwere hun Cristo Jeju ma'.

Tito 1:16

Taxi' urut con Iri' Jam paxi' nana, ane mixein caca ne. Querec pin' tata pain ca noc cocon ma', xi om ne oro ca ara nucucun pain ca pan teretem pan caca ta. Om ca querec awi cacapa' ta nonon Iri' Jam. Xi tomi' ha' caca ta. Om ca ara taxi' cacain ca awi wa quem.

Hebreus 13:21

pain ca mi' cuhu' pain ca ara taxi' hwein ca awi wa ma', ma' ta ha' cuhu' pain ca ara hwein ca param nucun ma'. Param inon pain ca meo capari' pain iri' ximixi' ca', pain ca mi' capari' pain ca ara e' xin ca hohot pan non quem. Wirico Jeju Cristo ara xi' na co mi' napari' pain ca ara e' xin ca hohot pan non quem. Na e' na pain ca tomi' querec te cara xun co awi tamana ta! Amém, iri'o' na ca tomi' ne ta.

Hebreus 4:6

Je ca tomi' xuhu' ca'. Oro hwanana nexi' cara pane, co taraju cain' nanain capijacon Iri' Jam pain ca to' witan xuhu' ta tococwa pane, om ca mi' tococwa pain ca xao to wa cacain ximicocon, xi tomi' ha' je na caca ta. Ane ma' ma' wet caca oro xucucun wari' co mi' xun wawa pain ca xao to wa cacain ximicocon ne.

Tiago 1:22

Tomi' ha' jein capijacon Iri' Jam. Ta taraju e' hwein me, tomi' ha' jein. Mo ta taraju e' hwein, om na xumuhu', xi coromicat xo' hwe ta.

1Pedro 2:15

Xi param mi' ara cuhu' pain ca ara e' hwein ca awi wa Iri' Jam ta. Ma' ta to' hehe pin huhun oro co tomi' napat ximama' nana pain ca om coromicat xo' nucucun.

1Pedro 4:2

Wari' co ac i ma' ma', tomi' ha' cara ac con tara Iri' Jam. Mao ac ne ma' tara pain ca e' e' wet nucun, om ta ara cain ca param pan tem ne ca wari' wa, ara e' tarain ca param pan nucun Iri' Jam.

Apocalipse 2:27

Win ne ca mi' pan capa' pain ca taramaxicon wa Te cwa', mi' mi' tiquin' ac toton pain tara quem. Iri' taramaxicon tatara, taramaxicon hwara' opa tatara. Om ta xiram pa' camain' cocon oro wari' co om tomi' ha' nonon Iri' Jam. To' quiji' pin totoron, ac ca to' taparapa' pin xine oro tapaxi' ma' tara pain ca to' parapa' pin xun tococwa ta. Oro wari' co hwara' opa cara nana pain ca howa nucucun ma', co tomi' ha' cara nanapa' ma', mi' ac toton tara con pijo' co hwet nain xo' xec quem.

Apocalipse 22:14

Param mi' tata pain ca awi wa oro wari' co hohoc nonon womicocon ma'. Om ta narain ho' tococwa pain ca xac wa winain panaji memem ca mi' nain ca e' cara wa. Ha' nonon pain ca corom mama' cacain cidade pain oro manain ca mam' corom ac xine quem.

Apocalipse 3:5

Ac i ma' tatara oro wari' co hwara' opa cara nana pain ca howa nucucun ma', to totoron wom co towo' ma' quem. Om ta xic am camain' tain wixicocon pain tapari carawa ca xirao' to xine wixicocon oro wari' co e' cara xi' nana. Wari' ne inonon caram cwa' ta ac ton tara Te cocon oro jam co taramaja mi' nonon ma', taraju taraju xam' tatarapa' pain ca tomi' ac i ma' toton ta.