Mateus 7:2 - Tradução Bíblica Pacaas Novos

² Mo ta tomi' em' xujuhu' pain ca pan teretem wa ma', ac i ma' tara ca tomi' em' xim cuhu' pain ca pan teretem wa Iri' Jam quem. Ca tomi' em' tamana nuhu' ma', win hwe ma' ac cuhu' tara, tomi' em' ac i ma' ac cuhu' tara pain ca pan teretem wa quem.

Mateus 7:2 Iomraidhean Croise

Mateus 6:14

Je ca tomi' xuhu' ca' ac tococwa na. Mo ta mana' mana' om pin huhun oro wari' pain ca caracat nucucun ma', pain ca ara cup cucuhu' ma', xic am pin ac cain tara ca caracat nuhu' Cotere' co pe pawin cwain.

Marcos 4:24

Taraju wet jein ca tomi' xuhu' ca' ac tococwa na. Mo ta taraju wet hwein, mi' ac cuhu' tara pain ca taraju pa' wa Iri' Jam. Mo ta taraju wet taraju wet tiquin' hwein, mi' mi' tiquin' ac cuhu' tara pain ca taraju pa' wa quem.

Lucas 6:38

Mi' querec te xujuhu' pain oro carawa, mi' pan ac cuhu' pain tara Iri' Jam quem. Mi' tamana turuhu' pain, win ca wari' co vender nain tocwi trigo ma'. Cut moin' nain, xin xam' nain, joc xoco' moin' ac cain na. An ho pa' mami' ac cain na, ma' ta moin' ne ca mam' cut nein pata' ta na. Ac i ma' turuhu' Iri' Jam quem, win hwe ma', pain ca mi' querec te caracan xujuhu' pain oro carawa ma', ac i ma' tara ca mi' xim cuhu' pain quem.

2 Coríntios 9:6

Mam' pe wet jein i ca' quem: Mo ta oin' xin tocwi trigo pain totaxi' ma', mo ta oin' wijimain e' xin, caracat wijimain ac xin tara. Mo ta oin' tamana xin, caracat tamana ac xin tara quem.

Tiago 2:13

Oro wari' co om xiram pa' nonon oro win ma' caca ma', om ta xiram pa' pan tococwa pain ca tomi' xo' xun tococwa pain oro ca tomi' caca, je pain oro ca ara caca quem. Oro co xiram pa' nonon oro win ma' caca ma' iri nana ne, xiram pa' ac tococwa tara pain ca tomi' xo' xun tococwa ta.

Apocalipse 18:6

Win huhun pane jujun. Ca quep em' pan cocon oro wari' pane, ac i ma' tara ca quep em' tamana pan huhun ta. Win cocon oro wari' pane, pain ca ac ca ji'ao mi' cocon ne pain iri' ca mana' nein comi uva ma', ca om joc wanan xine pain com ma', ac i ma' tara pain ca ac ca ji'ao mi' tamana pan huhun ne pain comi uva ca mana' quem.