Mateus 7:12 - Tradução Bíblica Pacaas Novos

¹² Je ca tomi' xuhu' ca': Oro ca ara mi' ma' tatarapari' ne huhun oro wari' ma', je i ma' tara ca ara mi' huhun quem. Wari' co ara ac i ma' ma', ac ca tomi' ha' pi' pin cain na oro ca xirao' nucun Moisés cocon oro profeta cara pane. Ac i ma' na ca tomi' tococwa ma'.

Mateus 7:12 Iomraidhean Croise

Mateus 5:17

Cain' ca coromicat mi' mahu' quem ac tococwa na. Tomi' am pin tarain ca xirao' nucun Moisés ma' mahu' ra? Tomi' am pin tarain ca xirao' to nucucun oro profeta cara pane quem ma' mahu' ra? Je ca maqui' cain macan' ca', ac i ma' na ca coromicat mi' mahu' ra? Om na, om ca maqui' ta' pain ca tomi' am pin tain ca xirao' nucun Moisés ta'. Om ca maqui' ta' pain ca tomi' am pin tain ca xirao' to caca oro profeta ta' quem, om na. Maqui' ina, ma' ta hwet pin ne oro ca xirao' to caca pata' ina, je ca maqui' ta' ca'.

Lucas 6:31

Je ca tomi' xuhu' ca'. Oro ca ara mi' ma' tatarapari' ne huhun oro wari' ma', je i ma' tara ca ara mi' huhun quem.

1 Timóteo 1:5

Je ca tomi' ac i ma' xim ca': Hu xo' roron co pijim' pan teretem nana ma'. Xumu xo' je, querec pin' jein carawa ca param mi' cuhu' Iri' Jam, howa iri'o' jein capijacon ca ca' na xihwe ta roron. Na ac ne tara pain ca om noc xucucun, je pain ca om noc cocon Iri' Jam quem.

Tiago 2:8

Ma' na ca xirao' an pe xine ca tomi' ha' je capari' Iri' Jam. Xirao' mi' ca' napari': Ta noc momon oro win ma' ma me ta. Win ne ca om noc pan xijem ma' quem napari'. Mo ta tomi' ha' hwein ca tomi' nucun ca', ara xo' ac hwe tara ta.