Mateus 6:6 - Tradução Bíblica Pacaas Novos

⁶ Wum iri na ne, pain ca tomi' ton mon Iri' Jam ma', corom mao ac main tara man pain tequipain xirim ma', tao' pa' ac main tara manain, tomi' ac mon tara Cotere' co om querec wa. Taraju pa' ra e': Tomi' ton iri mon Iri' Jam pain ca xica' pe nem ne, om paxi' na ca querec quequem oro wari' cwa', ane querec pan quem Cotere' ne ta. Wirico tara co mi' nem pain oro ca awi wa quem.

Mateus 6:6 Iomraidhean Croise

Mateus 14:23

Querec querec mama' iri nonon oro wari' Jeju ne, piri' mao xica' pe ac cain na pacun. Tomi' ton Te ta na. Aram aram xo' um pin na con. Xica' pe na pain i cain.

Mateus 6:18

Ma' ta om querec pin' quequem oro wari' pain ca an pe main ca cao' wa ma', pain ca momon tomi' e' ton mon Iri' Jam. Taxi' e' terem Cotere' co om querec wa ma'. Taraju pa' ra e': An pe iri rain ca cao' wa pain ca momon tomi' e' ton mon pain ca xica' pe nem ne, om paxi' na ca querec quequem oro wari' cwa', ane querec pan quem Cotere' ne. Wirico tara co cut mi' nem pain oro ca awi wa ta.

Mateus 6:4

Ma' ta om taxi' quequem oro wari' pain ca mi' mon pain caramajum. Cut mi' ac quem, pain tara ca awi wa Cotere'. Taraju pa' ra e': Ara iri irin ca awi wa pain ca xica' pe nexi' ne, om paxi' na ca querec cacapari' oro wari' ma'. Ane querec pan capari' Cotere' ne ta. Wirico tara co cut mi' nem pain oro ca awi wa quem.

João 1:48

Cain' ca querec pin' ac mapa' ma' quem ac con na Natanael. Om na ta Natanael ac ca na Jeju. Pain ca om tomi' querec quem Filipe pane, wara querec inem pain ca xao pe pe main xiquijinain panajinain figo pane, ac i ma' na ca tomi' con ma'.

João 20:17

Ta quep mapa' me ta Maria ac cam na. Xi hwet querec ton Te ta. Mo hwet roron xere ma', co taxipa' ta' ma'. Tomi' ca' roron: Piri' hwet ton Te co Iri' Jam ne ta' ca', co Iri' Jam ne hwe ma' quem nuhu'. Wirico co Te ta' ca' quem, co Te hwe ma' quem nuhu', ac i ma' na ca tomi' cuhu' ta roron na ca tomi' cam ma'.

Atos 10:30

Tomi' hwet xim pain ac con na Cornélio ma'. Ma' 4 pin napa' xec pain ca tomi' ton Iri' Jam pane. Tomi' pe inon pain xuru ca'. Ac co cwa' na xina pata', pain 3 hora pane, tomi' ac ton na Iri' Jam. Ane ane xat quima hwet ac capa' na wari'. Toc meremem tamana na womicon.

Atos 10:9

Xec pin iri na ne, xuruxut xuruxut tiquin' ac caca na oro wari' nucun Cornélio ma'. Tocon xina pin iri na ne, pain ca xuruxut xuruxut wet cacain wana ma', wixicam pin ac cacain na Jope. Pedro ma' iri na ne, piri' pe tain xonein xirim ta ac ca na. Piri' pe ta', tomi' ton Iri' Jam ta pan xucun.

Atos 9:40

Hwerehwet ca' jein man ca' ac cacam na Pedro. Hwerehwet mama' hwerehwet mama' pi' pin iri nana ne, pe torotop pe ac ca na. Tomi' ac con na Iri' Jam. Xin in hwet ac cam na, tomi' ac cam na: Tequi' pe ra e' ta Tabita nam. Querec ac cama na. Querec iri non Pedro ne, xao pe ac cama na.

Romanos 8:5

Win xumu ara xi' nanain oro ca param ne ca cwere wa oro wari' co tomi' ha' taxipa' nanain oro ca param nucucun ma'. Ane win xumu pan cacain oro ca param ne Tamataracon Iri' Jam oro wari' co tomi' ha' taxipa' nanain Tamataracon Iri' Jam ne.

Efésios 3:14

Je ca tomi' mi' xuhu' con Cotere' cwa'. Pe torotop mi' inon.