Mateus 6:3 - Tradução Bíblica Pacaas Novos

³ Wum pain ca xiram pa' mon wari' co om non carawa ma' iri na ne, pain ca mi' ton mon pain caramajum ma', mi' hohomu ac mon pain tara. Xica' to je pain ca mi' xujuhu' pain.

Mateus 6:3 Iomraidhean Croise

Mateus 12:19

Om ta tomi' mana' ca, om ta merem ca, om ta xec xec ca, om ta tomi' ximao pe cain oro wanaji cidade.

Mateus 6:2

Je ca tomi' xuhu' ca', tomi' inem pain ca xiram pa' ton mon wari' co om non carawa ma', pain ca mi' ton mon pain caramajum ma'. Ta mi' xec xec mon pain me. Ta an xiho' momon oro wari' co ac ca iri'o' xi' ca' tara me nana ma'. Mi' xec xec to ara xi' nanain oro xirim ca cut in to xucucun ma'. Mi' xec xec to nanain wana ca xuruxut in to caca oro wari' ma' quem. Ma' ta querec pin' cacapari' oro wari' ta nana. Ma' ta awi tamana nana xin ne cacapari' ta nana. Je ca tomi' xuhu' ca', tomi' iri'o' inuhu': Oro wari' co mi' xec xec ac i ma' nana ma', om ta cut pan cacain oro ca awi wa con Iri' Jam. Xi wara cut pin ara cacain ca tomi' querec te nucucun oro win ma' caca pain ca xec xec ximama' nucucun ta.

Mateus 6:4

Ma' ta om taxi' quequem oro wari' pain ca mi' mon pain caramajum. Cut mi' ac quem, pain tara ca awi wa Cotere'. Taraju pa' ra e': Ara iri irin ca awi wa pain ca xica' pe nexi' ne, om paxi' na ca querec cacapari' oro wari' ma'. Ane querec pan capari' Cotere' ne ta. Wirico tara co cut mi' nem pain oro ca awi wa quem.

Mateus 8:4

Tomi' ac con na Jeju: Taraju wet ne e'. Ta tomi' hwet momon oro wari' pain ca quep xio xim ca' me ta non. Hwet e' ron sacerdote co taramaja pe nain cote ne xiricon Iri' Jam ac con na. Noro rain cwere pain ca xio pin ta' ca' ac mon tara, mi' ac mon tara pain carawa ca tomi' capari' Moisés pain cara pane, pain ca tomi' xo' capari' con wari' co xio pin pain caji nan. Mi' ron pain, tom mi' ron pain Iri' Jam me ac mon tara. Tom tain' iri tarain ne, querec pin' ac quequem tara oro wari' pain ca xio nem ma', je pain ca querec hohot pin quem Iri' Jam ma' quem na ca tomi' con ma'.

Mateus 9:30

Querec mami' ac caca na quem. Tomi' mip ac tococwa na: Ta tomi' hwet huhun pain oro wari' me ta tata.

Marcos 1:44

Taraju wet ne e'. Miri'om roron oro wari' ma'. Ta tomi' hwet momon pain ca quep xio xim ca' me ta non. Hwet e' ron sacerdote co taramaja pe nain cote ne xiricon Iri' Jam ac con na. Noro rain cwere pain ca xio pin ta' ca' ac mon tara, mi' ac mon tara pain carawa ca tomi' capari' Moisés pain cara pane, pain ca tomi' xo' capari' con wari' co xio pin pain caji nan. Mi' ron pain, tom mi' ron pain Iri' Jam me ac mon tara. Tom tain' iri tarain ne, querec pin' ac quequem tara oro wari' pain ca xio pin nem ma', je pain ca querec hohot pin quem Iri' Jam ma' quem na ca tomi' con ma'.

João 7:4

Mo ta param momon oro wari' pain ca querec pin' quequem ma', om ca na ne pain ca ara noc xa ac main ca ara ma ma'.