Mateus 6:25 - Tradução Bíblica Pacaas Novos

²⁵ Tomi' ac tococwa na: Je ca tomi' xuhu' ca': Ta toron ne xumuhu' pain ca ma' xirapa' na hwein oro caramaji macan' ca to' e' nuhu' me, je carawa ca cao' xi' hwe, je carawa ca toc xi' hwe, wirico wom co to xi' hwe ma' quem, ta toron ne xumuhu' pain me. Hohot paxi' na ca ma' capari' carawa ca cao' wa, ane hohot tamana pan ne ca e' nexi' ne. Hohot paxi' na ca ma' capari' wom co to iri' quem. Ane hohot tamana pan ne cwerexi' ca' ne.

Mateus 6:25 Iomraidhean Croise

Mateus 10:19

Ta toron ne xumuhu' pain ca aram aram quep xim cucuhu' oro taramaxicon co tomi' querec xim nunuhu' quem me. Ta cain' cain' xuxun ne hwe me. Ta cain' xi tomi' narain ho' ac xijexi' ne hwe me, ta tomi' ac i ma' hwe me ta. Ame hwe e', coco' quima hwet xun iri jujun ne, mi' ac cuhu' tara pain ca tomi' wa Iri' Jam.

Mateus 13:22

Oro xucucun ma' iri nana ne, co tomi' joc mam' mi' nanain macan' ca ma' pi ma', taraju paxi' nanain capijacon Iri' Jam. Aram aram coromicat ni ca' ac cacain na. Toron ximama' ac ne na ximicocon pain oro ca to' i'ina nonon, caramaju xixi' na nana quem. Mo xi quep xiho' cocon oro caramaji macan' ca', ane om quep xiho' cocon ne, mixein e' nonon. Ac ca mo' nein pi na capijacon Iri' Jam pain ximicocon. Ac ca om wina ne na, xi to' xucun wari' tococwa pain ta.

Mateus 6:31

Je ca tomi' xuhu' ca': Ta toron ne xumuhu' me. Ta tomi' xujuhu' pain ca main xi carawa ca cao' xi' ca' ne hwe me. Ta main xi carawa ca toc xi' ca' ne hwe me. Ta mon xi wom co to xi' cwa' ne hwe me.

Mateus 6:34

Je ca tomi' xuhu' ca': Ta toron ne xumuhu' pain oro ca to' i'ina nuhu' pain xijein xec me. Hohot turuhu' pain xijein xec. Ma' paxi' turuhu' oro ca to' i'ina cuhu' pain xijein xec ma'. Je i ma' ira, ta toron ximama' ne xumuhu' pain me. Mo ta wara toron ximama' ne xumuhu' pain, ac ca to' hwara' pin hwein na. To wet iri ne ma' jein ta.

Marcos 13:11

Ta toron ne xumuhu' pain ca aram aram quep xim cucuhu' ma', je pain ca cut mi' xim cucuhu' cocon oro taramaxicon co tomi' querec xim nunuhu' ma' quem. Ta cain' xi tomi' narain ho' ac xijexi' ne hwe me. Coco' quima hwet xun iri jujun pain ca tomi' querec xim cucuhu' ne, mi' ac cuhu' tara pain ca tomi' wa Iri' Jam. Tomi' e' jujun pain ca tomi' je pan cuhu', xi wahu' ne co tomi' xi' pan nana ta. Je Tamataracon Iri' Jam pan tara co mi' xim nuhu' pain ca tomi' wa ta.

Marcos 4:19

Ane coromicat ni ca' cacain ne. Ma' pin iri na oro ca to' i'ina nonon ne, toron ximama' ac ne na ximicocon. Caramaju xixi' na nana quem. Mo xi quep xiho' cocon oro caramaji macan' ca', ane om quep xiho' cocon ne, mixein e' nonon. Win xumu e' nanain oro ca param nucucun quem. Ac ca mo' nein na capijacon Iri' Jam oro caramaji macan' pain ximicocon. Ac ca om wina ne na, xi to' xucun wari' tococwa pain ta.

Lucas 12:11

Tomi' xim inuhu' pain i ca' quem ac tococwa na. Ta toron ne xumuhu' pain ca aram aram o mi' xim cucuhu' pain oro xirim ca cut in to xucucun me, je pain ca o mi' xim cucuhu' cocon oro taramaxicon ma' quem. Ta cain' cain' xuxun ne hwe me. Ta cain' xi tomi' narain ho' ac xijexi' ne hwe quem me.

Lucas 8:14

Carawa ca ara nain tocwi trigo ca camara' to nain pi ma', tomi' joc mam' mi' nain carawa ca ara nonon oro wari' co taraju paxi' nanain capijacon Iri' Jam. Pain pin iri na ne, ma' ac ne na oro ca to' i'ina nonon. Win ne tocwi trigo pain ca mo' nein pi ma', ac i ma' na ca to' i'ina tococwa ma'. Toron toron na ximicocon, coromicat ni ca' ac cacain na capijacon Iri' Jam, win xumu win xumu ac cacain na oro caramaji macan' je oro ca param ximama' nucucun ca mam' tomi' querec te caca ma' quem. Om ca horon tiquin' caca pain ca howa nucucun.

Romanos 8:32

Win ne ca om narain ho' capari' con Panxica pane, pain ca mi' pin caho' pin roron ta con pari' pane. Mi' napari' con, mi' mi' xam' napari' pain oro carawa con quem. Je ca tomi' xuhu' ca': Om ta mi' e' capari' pain oro carawa quem ra? Mi' e' tarapari' pain, xi wara mi' ara capari' con Panxica ta.

1 Coríntios 7:32

Noc inuhu' pain ca toron ximama' ne xumuhu' ma'. Je ca tomi' xuhu' ca'. Wari' co om non narima' ma', coromicat nain caramaxicon Taramaxicon nexi' pain ca taramaja mi' con ma'. Ma' ta tomi' querec te capa' ta non.

Filipenses 4:6

Ta toron camain' ne xumuhu' pain oro carawa me. Tomi' hwet e' jun pain Iri' Jam ta. Tomi' xun iri hun ne, tomi' hwet tomi' hwet pi' pin ac hun tara pain. Xiram pa' xut pain jun. Tomi' querec te jun pain ca xiram pa' xut pain hun quem.

2 Timóteo 2:4

Noro ron soldado pain ca taramaja nucun ma'. Miri'om nain oro ca ara pan nucucun co om soldado nana ma'. Ma' ta om to' i'ina capa' pain ca taramaja ne pain ca soldado ta' ca' na. Je ca win xumu e' cain ca taramaja nucun. Ma' ta tomi' querec te capa' taramaxicon ne ta na.

1Pedro 5:7

Tomi' hwet tomi' hwet pi' pin jun pain Iri' Jam oro ca to' toron nain xumuhu' ma'. Howa jun pain ca quep xiho' xim cuhu' pain, xi om ne ca wirico ara ca co querec wet xo' nuhu' ta.