Mateus 6:21 - Tradução Bíblica Pacaas Novos

²¹ Jain jain e' iri irin oro caramajixi' ca cut in xo' iri' pain macan' ca' ne, pain ca ara e' xin ca param nexi' ca', je i ma' tara ca win xumu iri'. Ane om ac i ma' ne pain oro caramajixi' ca cut in xo' iri' pain pawin cain ne. Jain jain e' iri irin ne, je i ma' tara ca win xumu mao iri' quem, je cwerein ta.

Mateus 6:21 Iomraidhean Croise

Mateus 12:34

Je ca tomi' xuhu' ta oro caxicon em'. Ma' tara ca awi ac ne ca tomi' nuhu' pain ca om awi pan nuhu' ra? Carawa ca coromicat taxipa' hwe pain iri' xumuhu' ma', je ca tomi' hwet hwe pain capijahu' ma' quem.

Mateus 6:22

Ac naran nein cwerexi' na tocoxi' quem ac tococwa na. Ac ca toha capari' na pain cwerexi', ac ca tom xuruxut iri' na pain ca toha capari' tocoxi'. Je ca tomi' xuhu' ca', tomi' inem pain ca toha xo' ne tucum ma'. Mo ta toha xo' quem tucum ma', toha toha pi' pin ac nein tara cwerem.

Lucas 12:34

Jain jain e' iri irin oro caramajixi' ca cut in xo' iri' pain macan' ca' ne, pain ca ara e' xin ca param nexi' ca', je i ma' tara ca win xumu iri'. Ane om ac i ma' ne pain oro caramajixi' ca cut in xo' iri' pain pawin cain ne. Jain jain e' iri irin ne, je i ma' tara ca win xumu mao iri' quem, je cwerein ta na ca tomi' tococwa ma'.

Atos 8:21

Om ca na camain' ne pain ca taramaja wi maparut ta, xi taramaja wi roron ta quem Iri' Jam parut ta. Querec pin' nem pain ca om xumu xo' ma ma'.

2 Coríntios 4:18

Je ca tomi' xuhu' ca'. Om ca win xumu urut pain oro ca querec urut ca'. Win xumu e' urut pain oro ca om querec urut. Xi pi' pin hap ne oro ca querec urut ta. Oro ca om querec urut ca' iri na ne, to wet cara na ta.

Filemom 1:19

Wata' pain ca Paulo ta' ca', xirao' pe xo' pan inain ca tomi' ne ca': Dever iri nem pain carawa Onésimo ma' ne, pagar pan ac xim pain tara con. Ac i ma' tara ca xiram pa' ton. Xiram pa' ne con quem. Win ne ca xiram pa' xim pain ca pijim' hwet xim con Jeju pane. Je ca ma' pin quem ca om pi' ra ha' ne ca e' wa ma' quem.

Filemom 1:3

Param inon Cotere' Iri' Jam con Taramaxicon nexi' Jeju Cristo pain ca quep xiho' cucuhu' pain ca mi' cucuhu' pain ca param nucucun. Param inonon pain ca mi' cucuhu' pain ca om toron ne xumuhu' quem.

Hebreus 3:12

Ma' tara xumuhu' me xere. Ma' ta om ma' camain' ca win ma' nuhu' co pan tem ximicon ta. Ma' ta om ma' camain' ca win ma' nuhu' co om howa xo' ra na ma', co an pe pin ton non Iri' Jam co e' cara cwa'.