Mateus 6:2 - Tradução Bíblica Pacaas Novos

² Je ca tomi' xuhu' ca', tomi' inem pain ca xiram pa' ton mon wari' co om non carawa ma', pain ca mi' ton mon pain caramajum ma'. Ta mi' xec xec mon pain me. Ta an xiho' momon oro wari' co ac ca iri'o' xi' ca' tara me nana ma'. Mi' xec xec to ara xi' nanain oro xirim ca cut in to xucucun ma'. Mi' xec xec to nanain wana ca xuruxut in to caca oro wari' ma' quem. Ma' ta querec pin' cacapari' oro wari' ta nana. Ma' ta awi tamana nana xin ne cacapari' ta nana. Je ca tomi' xuhu' ca', tomi' iri'o' inuhu': Oro wari' co mi' xec xec ac i ma' nana ma', om ta cut pan cacain oro ca awi wa con Iri' Jam. Xi wara cut pin ara cacain ca tomi' querec te nucucun oro win ma' caca pain ca xec xec ximama' nucucun ta.

Mateus 6:2 Iomraidhean Croise

Mateus 15:7

Ac ca iri'o' xi' ca' tara me hwe ra! Iri'o' na ca tomi' nucun Isaías cara pane, pain ca tomi' hwet cain capijacon Iri' Jam cocon oro hwanana nuhu' pane ta ac tococwa na. Ca' na con pane:

Mateus 16:3

Xec iri na ne, pain iri' xo' xec ma', mo ta mixem ne nanawin ma', tomi' ac hwe na: Pan' ta' na xowi' pain xec ca' ac hwe na quem. Je ca tomi' xuhu' ca' ac tococwa na. Noro iri hwein nanawin ne, querec pin' ac hwein na ca awi ca xina je pain ca pan' ta' ne xowi' ma'. Je xi querec pin' hwein carawa ca ara ta' pan ca Iri' Jam pain macan' ca' quem?

Mateus 22:18

Ane querec pin' cocon Jeju ne, querec pin' nonon pain ca mixein nucucun. Ac ca iri'o' xi' ca' tara me hwe ra ac cocon na. Para tomi' querec ximama' mahu' ma'? Param mahu' pain ca tomi' pan tem wa ra tata.

Mateus 23:5

Xin to e' nana pain oro ca ara caca ma'. Win ne ca mam' xec xec cacain cote ne tapari carawa ca xirao' to cacain capijacon Iri' Jam ma', tucu ac cacain na pain jitaracocon pain taparacocon. Win ne ca oc xirac cocon cote ca tamacon womicocon ma' quem. Ma' ta querec pin' cacapari' oro wari' pain ca awi nexi' ca' nana pain oro ca ara nucucun pain ca howa xo' iri' xi' ma caca ma'.

Mateus 23:6

Param nanain ca xao to xo' wa cocon oro taramaxicon pain ca cao' querec te wi nucucun ma', param nanain ca xao to xo' wa cocon oro taramaxicon pain oro xirim ca cut in to xucucun ma' quem.

Mateus 24:51

Wap tamana ac tocwa tara, mao rain ca to pan caca oro wari' co ac ca iri'o' xi' ca' tara me nana ma' ac tocwa tara quem. Oro wari' co jain jain to nanain i cain, awaran tamana ac caca tara, cacacao' ac cacain tara xicocon pain ca jain jain tamana nucucun na ca tomi' caparut pane.

Mateus 5:18

Je ca tomi' xuhu' ca', tomi' iri'o' inuhu'. Oro ca xirao' pe ca Moisés pane, je oro ca xirao' to caca oro profeta pane, om ta pan' am camain' ne ta. Om ta pan' am camain' ne wijimain ca xirao' nucucun quem. Hwet hwet pi' pin tara. Pain ca ma' ma' wet ne nanawin pain macan' ca', om ta pan' am camain' ne wijimain ca xirao' to nein cocon. Hwet hwet pi' pin tara ta.

Mateus 6:16

Mo ta an to xin hwein ca cao' wa con Iri' Jam ma', pain ca momon tomi' e' xun hun ma', ta naro hwe me ta ac tococwa na. Ta an xiho' huhun oro wari' co ac ca iri'o' xi' ca' tara me nana pain ca an to pin cacain ca cao' wa con Iri' Jam. Naro ximama' nana. Ma' ta querec pin' cacapari' oro wari' pain ca an to urut pain ca cao' wa pain ca momon tomi' e' urut con Iri' Jam cwa' nana. Je ca tomi' xuhu' ca', tomi' iri'o' inuhu': Om ta cut pan cacain oro ca awi wa con Iri' Jam. Xi wara cut pin ara cacain ca tomi' querec te nucucun oro win ma' caca pain ca xec xec ximama' nucucun ta.

Mateus 6:3

Wum pain ca xiram pa' mon wari' co om non carawa ma' iri na ne, pain ca mi' ton mon pain caramajum ma', mi' hohomu ac mon pain tara. Xica' to je pain ca mi' xujuhu' pain.

Mateus 6:5

Tomi' xun iri jun Iri' Jam ne, ta an xiho' huhun oro wari' co ac ca iri'o' xi' ca' tara me nana ma', co tomi' xec xec nonon Iri' Jam pain ca tomi' xun cocon ma'. Tomi' xun iri nonon ne, coromicat ximama' ac xucucun na: Tomi' pe iri ton Iri' Jam pain oro xirim ca cut in to xijexi' ne, querec pin' ac cacapa' tara oro win ma' ne pain ca tomi' ton ta. Ac i ma' tatarapa' pain ca tomi' pe ton Iri' Jam pain ximijain wana ma' quem. Querec pin' tatarapa' pain ca tomi' ton ta, ac i ma' na ca coromicat ximama' nucucun pain ca an hwet pe pan xucucun pain ca tomi' cocon Iri' Jam. Je ca tomi' xuhu' ca', tomi' iri'o' inuhu': Om ta cut pan cacain carawa ca awi con Iri' Jam. Xi wara cut pin ara cacain ca tomi' querec te nucucun oro win ma' caca pain ca xec xec ximama' nucucun ta.

Mateus 7:5

Ac ca iri'o' ta' ca' tara me ma ra? Hot pin cain' rain cote ne pana ca pe nain tucum ma'. Querec toha ac ma tara, ha' pin ac quem tara pain ca hot pin main wijimain tohoromi pana ca pe nain tocon win ma' ma ma'. Ac i ma' na ca tomi' tococwa ma'.

Marcos 12:39

Param nanain ca xao to xo' wa cocon oro taramaxicon pain oro xirim ca cut in to xucucun ma', param nanain ca xao to xo' wa cocon oro taramaxicon pain ca cao' querec te wi nucucun quem.

Marcos 7:6

Ac ca iri'o' xi' ca' tara me hwe ra ac tococwa na. Iri'o' na ca xirao' nucun Isaías cara pane, pain ca tomi' hwet cain capijacon Iri' Jam cocon oro hwanana nuhu' pane ta ac tococwa na. Ca' na ca xirao' pe ca pane: Tomi' ca' na Iri' Jam: Tomi' ha' urut pum ta paxi' nanapa' oro wari' cwa'. Ane tomi' capijacocon e' caca ne. Om ca tomi' querec te iri'o' cacapa'. Ac ca to pira ca' cacapa' na pain ximicocon ta.

Lucas 11:41

Je ca tomi' xuhu' ca': Param ximama' maho' jein oro caramaxicocon oro win ma' nuhu' ma', pan teretem maho' je quem. Xiram pa' pan jujun co ximin nana ma', xiram pa' jujun pain iri' xumuhu' ta. Querec hohot ac cuhu' tara Iri' Jam. Ac ca hohoc xo' xujuhu' tara con ta na ca tomi' con ma'.

Lucas 11:43

Wa inuhu' me oro fariseu ac tococwa na. Ximin hwe ta. Wap tamana turuhu' Iri' Jam. Xi param ara hwein ca xao to xo' wa cocon oro taramaxicon pain oro xirim ca cut in to xujuhu' ma'. Tomi' querec te xo' tatarapari' ta huhun oro wari' co xao to to nanain ximijain cidade quem.

Lucas 12:33

Je ca tomi' xuhu' ca': Vender jein caramajuhu' ma'. Cut iri jein dinheiro nein ne, mi' mi' ac huhun pain tara oro wari' co om nonon carawa. Ma' ac cuhu' tara oro carawa ca om pi' ra ha' ma'. Ac ca cut in xo' tamana hwein tara carawa pain pawin cain. To wet cara ac ne tara quem. Om ara xi' nain i cain wari' co cut noc xa tain nain oro caramajixi', om nain i cain oro caxicon tohoro' co cao' nain quem.

Lucas 12:56

Wa inuhu' pain ca ac ca iri'o' xi' ca' tara me hwe ma'! Noro iri hwein nanawin pain macan' ca' ne, querec pin' ac hwein na ca pan' ta' ne xowi' je pain ca xain tamana ta' ca xina ma' quem. Je xi querec pin' hwein carawa ca ara ta' pan ca Iri' Jam pain oro xec nexi' ca' quem?

Lucas 13:15

Tomi' ac ca na Taramaxicon nexi': Wa inuhu' pain ca ac ca iri'o' xi' ca' tara me hwe ma'! Win hwe pain ca wara pao' to hwein boi nuhu' je burro nuhu' pain ca cao' to ne ma'. Toc tara com iri hwein pain sábado ne, om ca tacom' horohot hwein ra? Om ca o hwerehwet hwein, om ca o mi' hwein pain com ra? Ac i ma' ac i ma' xam' hwe ta.

Lucas 20:46

Ma' tara xumuhu' me, ta an xiho' huhun oro co ca' na taxipa' nanain ca xirao' nucun Moisés ma'. In ac tatarapari' oro wari' ta nana. Je ca to taxipa' cocon wom co awi tamana, mam' xuruxut in mam' xuruxut in nonon quem. Tomi' querec te xo' tatarapari' oro wari' co xao to to nanain ximijain cidade ta nana. Param nanain ca xao to xo' wa cocon oro taramaxicon pain oro xirim ca cut in to xucucun ma', param nanain ca xao to xo' wa cocon oro taramaxicon pain ca cao' querec te wi nucucun quem.

Lucas 6:24

Wahu' pain ca caramaju hwe pain xocori ca' iri na ne, main maqui' tara xec nein ca ximin tamana xi' hwe. Xi wara ma' ara cuhu' carawa ca ja' tomi' querec te nuhu' pain xocori ca' quem.

Lucas 6:42

Hot pin tain wijimain tohoromi pana ca pe nain tucum ma' xa' mon win ma' ma ra? Je i ma' ne ma ra? Cain' cain' xima quem? Ma' na ca tomi' ac i ma' ac ma ra? Xi ha' quem pain ca querec pin' main cote ne pana ca pe nain tucum ta. Ac ca iri'o' ta' ca' tara me ma ra? Hot pin cain' rain cote ne pana ca pe nain tucum ma'. Querec toha pin ac ma tara, ha' pin ac quem tara pain ca hot pin main wijimain tohoromi pana ca pe nain tocon win ma' ma ma' na ca tomi' tococwa ma'.

João 13:29

Ma' nana oro win ma' nuxut co coromicat ca' nana: Om na, mo cut rain carawa nein ca tomi' querec te nexi' ta non. Tara, am mi' roron pain carawa co om nonon carawa con, je tara con, ac i ma' na ca coromicat nucucun. Xi wirico ara ca Judas co querec wet nain dinheiro nuxut ca mi' urut cocon oro wari' co xiram pa' urut ta.

João 5:41

Om ca ma' xirapa' na ton wari' co wa wa napa' quem ac tococwa na.

João 5:44

Cain' cain' xihwe quem? Ma' na ca howa ac hwe ra? Xi param e' ara huhun oro wari' pain ca in ac cucuhu' ma'. Je xi in ac tarapari' ta hun Iri' Jam co xica' xat cwa' quem?

João 7:18

Wari' co pijim' e' nain ca coromicat pan nucun ma', param e' tata oro win ma' ca pain ca in ac pan cocon ma'. Wata' iri na ne, param inonon oro win ma' ne pain ca in ac pan cocon Iri' Jam co pijim' ra napa'. Iri'o' na oro ca tomi' ne quem. Om ca mixein camain' ta'.

Atos 10:2

Om paxi' na ca judeu ca Cornélio ma', ane xut xo' ca con Iri' Jam ne. Wirico, oro ca nari nucun cocon oro wari' co to ho' nonon pain xiricon ma' quem, xuruxut xo' nana pain ca win xumu taxipa' cacain ca param nucun Iri' Jam. Tomi' ha' nonon quem. Cornélio ma', xiram pa' tamana nonon oro wari' co om nonon carawa ma'. Tomi' taxipa' non Iri' Jam quem.

Atos 10:31

Tomi' ac capa' na: Taraju nem Iri' Jam pain ca tomi' mon ta Cornélio. Mam' pe wet nem pain ca xiram pa' momon oro wari' co om nonon carawa quem.

Atos 10:4

Jin' tamana ac ca na Cornélio. Noro tamana non. Ma' carawa quem taramaxicon ac con na. Om na, taraju nem Iri' Jam pain ca tomi' mon ma'. Hohot mon pain ca xiram pa' momon oro wari' co om nonon carawa quem.

Atos 11:29

Tomi' xo' ac xucucun na co howa nonon Jeju ma': Cut mi' xuxun pain dinheiro oro xerexi' co to nanain Judeia ta ac xucucun na. Co ma' tamana nonon dinheiro ma', cut hwara' ac caca tara. Co om hwara' nonon ma' iri tatara ne, cut pije' ac caca tara quem. Ac i ma' na ca tomi' xo' tomi' xo' xam' xucucun ma'.

Atos 24:17

Je ca tomi' xim ca' ac con na taramaxicon Paulo. Mija na cawaxi' pain ca om in mao tain Jerusalém pane. Je win in mao ta' pain xocori ca'. Cut mi' toton pain dinheiro oro win judeu ta' co om nonon carawa ta ina ira. Mi' querec te ton pain carawa Iri' Jam quem ina ira. Je ca mao tain Jerusalém pane.

Atos 9:36

Pe nain xijein cidade narima' co howa non Jeju quem. Tabita na wixicam pain capijacocon oro judeu. Pain capijacocon oro grego ma' iri na ne, Dorcas na wixicam. Jope na wixinain cidade ca pe cama ma'. Tama' ara nain ca awi wa Dorcas ma', xiram pa' nonon oro wari' co om nonon carawa quem. Mi' taxipa' nonon pain oro carawa ca wajim' caca ma', je cwerequem pane.

Romanos 12:8

Mo ta mi' capari' pain ca hu taxi' xuxun oro win ma' nexi' pain ca hwara' opa je xuxun ca', na e' na pain ca hu xo' xuxun. Mo ta mi' capari' pain ca cut mi' taxi' xuxun pain caramajixi' oro win ma' nexi' cwa', na e' na pain ca mi' querec te xuxun pain. Mo ta mi' capari' pain ca taramaxicon taxi' wa, na e' na pain ca taramaxicon xo' xi'. Mo ta mi' capari' pain ca xiram pa' taxi' xuxun oro win ma' nexi' cwa', na e' na pain ca xiram pa' xuxun pain ca tomi' querec te nexi' quem.

1 Coríntios 13:3

Cut mi' cut mi' pi' pin paxi' toton pain caramaju oro wari' co om nonon carawa ma'. Om paxi' tara ca nain ho' tain cwere ca', tom pin ma' tatarapa' ne paxi' toton oro wari' co noc mi' nanapa' pain ca howa ton Iri' Jam cwa' quem. Mo ta om an xiho' ton Iri' Jam pain ca om noc capari' ca', je pain ca om noc cocon oro wari' ma' quem, om ta quep xiho' capa' ca cut mi' tain caramaju, om ta quep xiho' capa' ca om nain ho' xije quem. Om ca hohot ma ta ac capa' tara Iri' Jam.

Gálatas 2:10

Xica' pe na i ca', pain ca hu cacaparut: Ta ji'am pin huhun co om nonon carawa me ta nanaparut. Wara coromicat ac i ma' ina quem, wara quep xiho' tamana inonon co om nonon carawa.

Efésios 4:28

Wari' co wara an noc xa pane, om ta an noc xa mami' ca quem. Taramaja xo' tara. Ma' ta cut ca dinheiro pain ca taramaja nucun. Ma' ta ma' con carawa ca mam' quep xiho' cocon co ximin nana pain ca om cocon carawa ta.

1 Tessalonicenses 2:6

Om ca in ac xut pain ca pijim' nuxut urut pahu', om ca in ac xut pain ca pijim' nuxut urut cocon oro xucucun wari' ma' quem.

1 Timóteo 6:18

Hu mip ca' roron quem: Tama' ara jein oro ca awi wa. Ta xiram pa' hwein caramajuhu' quem me. Wara awori to je pain ca mi' mi' tiquin' hwein pain ca quep xiho' huhun oro wari' co om nonon carawa ta roron. Oro carawa ca awi ca ara caca ma', je i ma' iri' caramaxicocon pain ca caramaju caca ma'.

Filemom 1:7

Ja' tomi' querec te tamana mapa' xa'. To' hwara' opa mapa' quem. Xi om ne ca tomi' querec te ara momon oro wari' nucun Iri' Jam ma', pain ca to' hwara' opa pin momon pain ximicocon ma'.

Hebreus 13:16

Ta miri'om xujuhu' me. Ara mi' iri xujuhu' pain ca awi wa ma' ne, pain ca quep xiho' caracan xujuhu' ma', ac ca ara mi' hun na pain ca awi wa Iri' Jam ma'. Hohot napa' pain ca ara ac i ma' hwe ta nuhu' quem.

1Pedro 4:11

Mo ta mi' cuhu' pain ca pijim' wa ma', pijim' xo' ac hwe tara. Xi capijacon Iri' Jam pan ara ne ca pijim' hwe ta. Mo ta mi' cuhu' pain ca quep xiho' hun win ma' nuhu' ma', mam' quep xiho' ac hun tara pain ca hwara' opa nucun Iri' Jam ca mi' taxipa' ca ma'. Ma' ta awi na Iri' Jam ta caca oro wari'. Wirico Jeju Cristo tara co mi' nonon pain ca tomi' ac i ma' caca ma'. Hohot na pain ca tomi' querec te xun pain ca awi tamana cara nucun. Na e' na pain ca tomi' querec te xun pain ca hwara' opa tamana cara nucun ma' quem. Amém, iri'o' na ca tomi' ne ta.