Biblia Todo Logo
Bìoball air-loidhne

- Sanasan -




Mateus 6:14 - Tradução Bíblica Pacaas Novos

14 Je ca tomi' xuhu' ca' ac tococwa na. Mo ta mana' mana' om pin huhun oro wari' pain ca caracat nucucun ma', pain ca ara cup cucuhu' ma', xic am pin ac cain tara ca caracat nuhu' Cotere' co pe pawin cwain.

Faic an caibideil Dèan lethbhreac




Mateus 6:14
12 Iomraidhean Croise  

Param mi' tata pain ca awi wa oro wari' co xiram pa' nonon oro win ma' caca ma'. Wiricoco ara xi' nana co xiram pa' wawa ta.


Xic am pin rain ca caracat nuxut ca' quem. Win ne ca mana' mana' om pin urut cocon oro wari' pain ca caracat nucucun pain ca ara cup cacaparut ca'. Tomi' xo' urut cocon, om ca mana' mami' urut cocon.


Mo ta tomi' em' xujuhu' pain ca pan teretem wa ma', ac i ma' tara ca tomi' em' xim cuhu' pain ca pan teretem wa Iri' Jam quem. Ca tomi' em' tamana nuhu' ma', win hwe ma' ac cuhu' tara, tomi' em' ac i ma' ac cuhu' tara pain ca pan teretem wa quem.


Mo ta tomi' xun Cotere' Iri' Jam hwe, mo ta mana' hun wari' pain ca ara cup cuhu' ma'. Mana' mana' om pin jun pain. Ma' ta xic am pin cain ca caracat nuhu' Cotere' co pe pawin cwain.


Ta tomi' em' xujuhu' pain ca pan teretem wa me ta ac tococwa na. Om ac ne tara ca tomi' em' cuhu' pain ca pan teretem wa Iri' Jam quem. Ta tomi' mi' xujuhu' pain ca wap wa pain ca pan teretem wa me. Om ac ne tara ca tomi' mi' cuhu' pain ca wap wa pain ca pan teretem wa Iri' Jam quem. Mana' mana' om xujuhu' pain ca ara cup xujuhu' ma', xic am pin ac cain tara ca caracat nuhu' Iri' Jam ta.


Ca' je, xiram pa' xujuhu'. Quep xiho' xujuhu'. Mo ta ara cup xujuhu', ta mana' xujuhu' pain me. Mana' mana' om pin xujuhu' pain ca caracat nuhu' pain ca ara cup xujuhu' ma'. Win cuhu' Iri' Jam ma', pain ca ji'am pin cain ca caracat nuhu' con Cristo.


Ma' iri tara ca to' i'ina nuhu' cocon oro win ma' hwe ne, tomi' pan hot ac xujuhu' tara. Ji'am pin jein ca mana' nuhu' pain ca ara cup xujuhu' quem. Win ca Taramaxicon nexi' pain ca ji'am pin cain ca caracat nexi' ca', ac i ma' tara ca ji'am pin hwein ca mana' nuhu' pain ca ara cup xujuhu' ma' quem.


Oro wari' co om xiram pa' nonon oro win ma' caca ma', om ta xiram pa' pan tococwa pain ca tomi' xo' xun tococwa pain oro ca tomi' caca, je pain oro ca ara caca quem. Oro co xiram pa' nonon oro win ma' caca ma' iri nana ne, xiram pa' ac tococwa tara pain ca tomi' xo' xun tococwa ta.


Je i ca' ca to' querec pin' napari' ca jimama' ca' xucucun mana panxica Iri' Jam cocon mana panxica Caxicon Jam: Wari' co om ara xo' taxipa' ma', co noc non win howa ca ma' quem, om ca panxica Iri' Jam ca co ma'.


Lean sinn:

Sanasan


Sanasan