Mateus 6:1 - Tradução Bíblica Pacaas Novos

¹ Ma' tara xumuhu' me. Ara iri jein ca awi wa pain ca ara xin hwein ca param nucun Iri' Jam ne, ta ara hwet to hwein cocon oro wari' me ta ac tococwa na. Ta querec ma' tatarapa' pain hwe me. Mo ta querec ma' tatarapa' pain hwe, om ta mi' cuhu' pain oro ca awi wa Cotere' co pe pawin cwain.

Mateus 6:1 Iomraidhean Croise

Mateus 16:27

Je ca tomi' xuhu' ca' ac caparut na. Ja' ja' xine. Ta jin' huhun oro wari' co quep em' xim nunuhu' pain ca ja' ja' mahu' me. Maqui' ta' ara xi' na xec nein ca in qui' ta' ne ca', wata' pain ca Iri' Wari' ta' ca', in qui' ac tain tara pawin. Maqui' wi ta' cocon oro jam co taramaja mi' nanapa'. Maqui' wi ta' pain ca hwara' opa nucun Te quem. Pagar ac toton tara oro wari', pagar toton pain oro ca ara caca pain ca e' e' wet nucucun. Win ne ca ara hwe pane toton, mi' mi' xam' ac toton pain tara. Wahu' quem, win ne ca ara hwe pain ca ja' ja' mahu' pane xuhu', pagar pagar xam' ac xuhu' tara quem.

Mateus 16:6

Ma' tara xumuhu' me ac caparut na Jeju. Ein jein ca to' memerem nein capam' nucucun oro fariseu cocon oro saduceu ta naparut.

Mateus 23:13

Tomi' ac tococwa na: Wa inuhu' me oro co ca' na taxipa' nanain ca xirao' nucun Moisés! Wa inuhu' quem oro fariseu! Ximin hwe ta. Ac ca iri'o' xi' ca' tara me hwe. Wap tamana turuhu' Iri' Jam ta. Xi to' i'ina ara huhun oro wari' pain ca ca' na pan teretem huhun pain capijacon ta. Ac ca narain ho' huhun na pain ca xin ne cocon Iri' Jam pain ca taramaxicon pe ho' xuhu' ta cocon ma'. Om pan na ca xin ne hun pain ca taramaxicon pe ho' xim cuhu' ma', narain ho' huhun pain ca xin ne cocon pain quem.

Mateus 23:5

Xin to e' nana pain oro ca ara caca ma'. Win ne ca mam' xec xec cacain cote ne tapari carawa ca xirao' to cacain capijacon Iri' Jam ma', tucu ac cacain na pain jitaracocon pain taparacocon. Win ne ca oc xirac cocon cote ca tamacon womicocon ma' quem. Ma' ta querec pin' cacapari' oro wari' pain ca awi nexi' ca' nana pain oro ca ara nucucun pain ca howa xo' iri' xi' ma caca ma'.

Mateus 25:40

Wata' pain ca Taramaxicon ta' ca', tomi' ac toton tara: Quep xiho' iri huhun oro wari' co howa nanapa' pane ne, co xere ta' pane, co om hwara' opa camain' nana pane, wata' pan ac ne na co quep xiho' hwe pane. Tomi' iri'o' inuhu' ta, ac i ma' tara ca tomi' toton ta.

Mateus 5:16

Je ca tomi' xuhu' ca'. Ac i ma' tara ca toha ne naran nuhu' ta. Toha mi' jujun oro wari'. Ma' ta querec pin' cacain ca ara hwe ma', pain ca ara hwein ca awi wa ma'. Ma' ta awi na xin Iri' Jam ta cocon Cotere' co pe pawin pahu'.

Mateus 5:46

Je ca tomi' xuhu' ca': Mo ta om noc e' huhun oro wari' co om noc nunuhu' ma'. Cain' cain' xuruhu' Iri' Jam pain i ma' quem? Mi' turuhu' pain oro ca awi wa pain ca om noc e' huhun co om noc nunuhu' ma' ra? Om na. Ac i ma' ara xi' nana oro caxicon wari' co an xiho' nonon co cut in taxipa' nanain oro imposto ca pagar je tococwa oro wari' ma'. Om ca noc cocon co om noc pan nonon.

Mateus 5:48

Je ca tomi' xuhu' ca': Iri' wari' je. Win ca Cotere' co pe pawin cwain ta.

Mateus 6:16

Mo ta an to xin hwein ca cao' wa con Iri' Jam ma', pain ca momon tomi' e' xun hun ma', ta naro hwe me ta ac tococwa na. Ta an xiho' huhun oro wari' co ac ca iri'o' xi' ca' tara me nana pain ca an to pin cacain ca cao' wa con Iri' Jam. Naro ximama' nana. Ma' ta querec pin' cacapari' oro wari' pain ca an to urut pain ca cao' wa pain ca momon tomi' e' urut con Iri' Jam cwa' nana. Je ca tomi' xuhu' ca', tomi' iri'o' inuhu': Om ta cut pan cacain oro ca awi wa con Iri' Jam. Xi wara cut pin ara cacain ca tomi' querec te nucucun oro win ma' caca pain ca xec xec ximama' nucucun ta.

Mateus 6:9

Tomi' xun iri jun ne, tomi' ca' jun: Coturut Iri' Jam co pe pawin. Param urut pum pain ca querec pin' querec pin' pi' pin quequem oro wari' pain ca awi tamana nem pain ca Iri' Jam nem.

Marcos 8:15

Tomi' mip ac tococwa na: Ma' tara xumuhu' me. Ein jein ca to' memerem nein capam' nucucun oro fariseu cocon oro wari' nucun Herodes ta tata.

Lucas 11:35

Je ca tomi' xim ca': Ma' tara xumum me. Howa xo' iri main capijacon Iri' Jam ne, ac ca toha mi' quem na naran pain xumum. Mo ta howa xo' inain xi' ma paxi' ma pain ca om howa xo' main ma' quem, ac ca pe main xim na, ac ca om toha mi' quem na naran pain xumum.

Lucas 12:1

Ac i ma' ac i ma' nana, ma' mija ac caca na oro wari' co cut in nana ma'. Mija nana, om ca paric camain' caca. Pain ca wixicam xun Jeju ta caca ma', xao xao ac xucucun na, xom mapi' xucucun pain caximacocon quem. Tomi' ta' e' ac ca na Jeju, tomi' cain' tata co taxipa' ca ma': Ma' tara xumuhu' me ac tococwa na. Ta an xiho' huhun oro fariseu pain ca ac ca iri'o' xi' ca' tara me caca ma'. An xiho' ara xi' nanain ca to' memerem nein capam' ma', pain ca to' ara cocon oro wari' pain ca mixein nucucun.

Lucas 12:15

Tomi' ac tococwa na oro wari': Ma' tara xumuhu' me. Ta param ximama' hwein oro caramaxicocon oro win ma' nuhu' me ta. Ta caramaju xixi' na urut me camain' hwe me ta. Xi to' e' taxi' capari' ca ma' mija capari' oro carawa ta na ca tomi' tococwa ma'.

Lucas 16:15

Tomi' ac tococwa na: Ac ca iri'o' xi' ca' tara me paxi' hwe cocon oro wari' ta, ane querec pin' pan cuhu' Iri' Jam ne. Querec pin' nuhu' pain iri' xumuhu' ma'. Carawa ca in ac caca oro wari' ma', om ca hohot camain' con Iri' Jam. Noc pan nain ta na ca tomi' tococwa ma'.

João 12:43

Coromicat ac i ma' nana. Om ca param homa cacain ca tomi' querec te nucun Iri' Jam. Param tamana pan nanain ca tomi' querec te nucucun oro wari' ta.

João 5:44

Cain' cain' xihwe quem? Ma' na ca howa ac hwe ra? Xi param e' ara huhun oro wari' pain ca in ac cucuhu' ma'. Je xi in ac tarapari' ta hun Iri' Jam co xica' xat cwa' quem?

Atos 3:12

Querec iri nonon oro wari' Pedro ma' ne, pain ca jein hwet cocon ma', tomi' ac cocon na: Para joc herehe ne tucuhu' pain ca querec hun co cwa', pain ca xut pin ca ca' oro win ma' ne pain ca wari' nein Israel iri' ca'? Para noro tamana maparut quem? To' xut totoron pain ca hwara' opa pan nucucun ma' maparut ra? To' xut totoron pain ca xuruxut xo' pan nucucun pain ca win xumu e' cacain ca param nucun Iri' Jam ma' maparut ra?

Gálatas 6:12

Oro wari' co wac xirac jein taparinain ca xirac nuhu' ta nunuhu' ma', xec xec e' nana. Querec pin' tataraparut oro win judeu urut pain ca tomi' ha' taxipa' urut pain oro ca xirao' nucun Moisés ta nana. Jin' nonon oro win ma' caca. Tomi' ca' nana: Mo ta pijim' e' xut pain ca mi' pin nucun Cristo ma', pain ca to' witan e' napari' ca mi' pin nucun ta urut ca', mo ta pijim' ac i ma' urut, quep em' ac cacaparut tara ta na ca coromicat pan teretem nucucun. Je ca wac xirac jein ta cucuhu'.

Hebreus 11:26

Mo ta tomi' xirac cacapa' oro wari' ma', je i ma' ira, tomi' xirac ma' tatarapa' ne! Hohot pan napa' ca jain jain wa pain ca howa ton Cristo ma', co wara tora' ca Iri' Jam pain ca wirico tara co Iri' Taramaxicon ta ca ma', hohot tiquin' ca' nain ca cut wa oro carawa ca awi pain Egito ta, ac i ma' na ca coromicat nucun pane. Xi win xumu pan ara cain oro ca awi wa ca aram aram mi' xim pain con Iri' Jam ta.

Hebreus 2:1

Hwara' opa tamana pan na Taramaxicon nexi' Jeju Cristo. Je ca na e' ne pain ca taraju wet xin ca tomi' nucun ca taraju iri' ca'. Ma' ta om aram aram an pe pin xin quem.

Hebreus 6:10

Om ca pan tem camain' ca Iri' Jam, ara xo' taxipa' na. Om ta ji'am pin cuhu' pain ca taramaja tamana nuhu' ma', om ta ji'am pin cuhu' pain ca an hwet hwein ca tomi' querec te nuhu' pain ca om noc hun ma' quem, xi quep xiho' ara huhun oro win howa hwe ta, quep xiho' quep xiho' wet huhun pain xocori ca' quem.

2João 1:8

Ma' tara xumuhu' me. Mo ta ha' huhun co pijim' mixein ac i ma' nana ma', waraju ac hwein tara oro ca taramaja nexi' pain ca taramaja mi' xun Iri' Jam. Howa cara iri jein oro ca pijim' mi' xihwe pain capijacon Iri' Jam ne, cut mi' cut mi' pi' pin ac cuhu' tara pain oro ca an to xo' mi' cuhu' Iri' Jam pain pawin cain.