Mateus 5:9 - Tradução Bíblica Pacaas Novos

⁹ Param mi' tata pain ca awi wa oro wari' co quep xiho' nonon co mana' caracan xucucun ma'. Wiricoco ara xi' nana co mana panxica Iri' Jam xun tococwa ta.

Mateus 5:9 Iomraidhean Croise

Mateus 5:45

Ma' ta querec pin' xihwe pain ca an xiho' hun Cotere' co pe pawin ma', pain ca om noc taxipa' cocon oro wari' co noc pan nonon ma'. Win ne ca ja' toha con xina ma'. Toha toha mi' xam' tata oro wari', toha mi' tata co pan teretem nana ma', toha mi' tata co awi nana ma' quem. Ac i ma' na pain ca tomi' pan' cain xowi' quem. Pan' pa' pan' pa' xam' tata oro wari', pan' pa' tata co xuruxut xo' nana ma', pan' pa' tata co om xuruxut xo' nana ma' quem.

Mateus 5:48

Je ca tomi' xuhu' ca': Iri' wari' je. Win ca Cotere' co pe pawin cwain ta.

Lucas 20:36

Om ta cono' mami' ac cacama quem, xi an xiho' ara cocon oro jam co taramaja mi' nonon Iri' Jam ta. Mana panxica Iri' Jam nana, xi om ne ca to' e' mami' ara tococwa ta.

Lucas 6:35

Je ca tomi' xuhu' ca': Ta noc huhun co noc nunuhu' ma' me. Xiram pa' jujun. Mo ta wajim' cucuhu' pain oro carawa ma', mi' ac huhun pain tara. Ta main mi' in hwet tatarapa' pain hwe me. Main mi' ac cuhu' tara pain oro ca awi tamana Iri' Jam. Querec pin' ac cucuhu' tara oro wari' pain ca an xiho' huhun Iri' Jam co Iri' Taramaxicon pan. Xi xiram pa' ara cocon oro caxicon wari' Iri' Jam ta. Oro wari' co om tomi' querec te taxi' nana pain ca cut caca carawa ca awi, je i ma' ira, xiram pa' pan nonon Iri' Jam ta. Oro wari' co pan teretem nana ma', je i ma' ira, xiram pa' pan ac cocon na quem.

Atos 7:26

Xec pin iri na ne, in hwet ac tococwa na. Wara to' caracan xucucun oro win ma' ca ma'. Ma' 2 nana co to' caracan xucucun. Querec iri tata ne, mo hwet ac tococwa na. Cain' cain' xihwe quem ac tococwa na. Win ma' ne xujuhu' ma' ira. Para to' xujuhu' ma' quem ac tococwa na. Tomi' xo' toton paxi' pan nonon Moisés.

Romanos 12:18

Tomi' querec te jujun oro wari'. Mo ta mana' in pin cucuhu', je i ma' ira, tomi' querec te pan jujun. Tomi' querec te tomi' querec te xam' jujun.

Romanos 8:14

Wari' pain ca o mama' capari' Tamataracon Iri' Jam ca', mana panxica Iri' Jam mana panxica Iri' Jam pi' pin iri' quem.

Romanos 8:16

Pain ca Te pin xun Iri' Jam cwa', je Tamataracon ca tomi' xo' nain ximixi'. To' taxi' napari' pain ca mana panxica Iri' Jam pin iri' ca'.

Romanos 8:19

Winim' non Iri' Jam oro carawa ca tomi' ma' pin ca ca'. Winim' non pain ca aram aram cut hwerehwet to xim capari' pain ca aram aram momon cwa' mana panxita' cwa' xim capari' ca'. Mija na ca winim' con, winim' cara non, jain jain na, param tamana non pain ca cut hwerehwet to xim capari' ca'.

1 Coríntios 6:6

Ma' cuhu' ma' ira! Ane om ha' hwe ne. Ara cup pin iri xujuhu' pain ca xere xujuhu' ma' ne, pain ca howa hun Jeju ma', tomi' hwet ac huhun pain na oro juiz co om howa nana ma'.

2 Coríntios 13:11

Je i ca' ca xirao' ne ca' xere. Tomi' querec te je me. Win xumu jein ca xuruxut xo' hwe. Tomi' ha' xine pain ca hu xuhu' ca'. Ac je ac je ari tara ca coromicat nuhu'. Tomi' querec te xujuhu' pain ca to ho' xujuhu' ma' quem. Pe ho' ac cuhu' tara Iri' Jam. Wirico co mi' napari' pain ca om noc xijexi' ca', wirico co mi' napari' pain ca om toron ne ximixi' ca' quem.

2 Coríntios 5:20

Je ca tomi' hwet jujun pain capija oro wari' ta caparut Cristo cwa'. Ac ca mam' tomi' caparut na Iri' Jam cwa', pain ca tomi' mip urut pahu' ca'. Ac ca tomi' mip pan cuhu' na Cristo pain ca tomi' urut pahu' ca'. Ha' jun Iri' Jam pain ca taxipa' xijexi' ta cuhu' ta.

Gálatas 5:22

Ane to' jimama' capari' Tamataracon Iri' Jam ne. Mo na oro ca ara mi' capari': Mi' napari' pain ca om noc xijexi'. Ja' tomi' querec te napari'. Mi' napari' pain ca om toron ne ximixi'. Mi' napari' pain ca tomi' pan hot xijexi', je pain ca xiram pa' xijexi' quem. Mi' napari' pain ca awi wa pain ca xuruxut xo' wa. Mi' napari' pain ca om tomi' capijacocon e' iri' pain ca ara taxipa' xin oro ca tomi' pe iri' quem.

Efésios 4:1

Je ca tomi' xuhu' ca'. Wata' pain ca tao' pe pin cacapa' pain ca taramaja mi' ton Taramaxicon nexi' ca', hu ca' inuhu': Xuruxut xo' je ta inuhu'. Win ne ca xuruxut xo' je cuhu' Iri' Jam pain ca xo' howa xine qui' cuhu' pane.

Filipenses 4:2

Hu xim inem Evódia. Wum quem Síntique, hu xim inem quem. Tomi' querec te xujuhu' me. Ac ca xica' pe ne tara ca coromicat nuhu' pain ca win cwere hun Taramaxicon nexi' ta.

Colossenses 3:13

Ma' iri tara ca to' i'ina nuhu' cocon oro win ma' hwe ne, tomi' pan hot ac xujuhu' tara. Ji'am pin jein ca mana' nuhu' pain ca ara cup xujuhu' quem. Win ca Taramaxicon nexi' pain ca ji'am pin cain ca caracat nexi' ca', ac i ma' tara ca ji'am pin hwein ca mana' nuhu' pain ca ara cup xujuhu' ma' quem.

Hebreus 12:14

Win xumu jein i ca' quem, pain ca tomi' querec te xujuhu' pain ca jao jao ma' xujuhu' ma', je pain ca to ni ca' hwein ca caracat wa ma' quem. Wari' co om pe ni ca' nain ca caracat wa ma', om ta querec con Iri' Jam ta.