Mateus 5:7 - Tradução Bíblica Pacaas Novos

⁷ Param mi' tata pain ca awi wa oro wari' co xiram pa' nonon oro win ma' caca ma'. Wiricoco ara xi' nana co xiram pa' wawa ta.

Mateus 5:7 Iomraidhean Croise

Marcos 11:25

Mo ta tomi' xun Cotere' Iri' Jam hwe, mo ta mana' hun wari' pain ca ara cup cuhu' ma'. Mana' mana' om pin jun pain. Ma' ta xic am pin cain ca caracat nuhu' Cotere' co pe pawin cwain.

Lucas 6:35

Je ca tomi' xuhu' ca': Ta noc huhun co noc nunuhu' ma' me. Xiram pa' jujun. Mo ta wajim' cucuhu' pain oro carawa ma', mi' ac huhun pain tara. Ta main mi' in hwet tatarapa' pain hwe me. Main mi' ac cuhu' tara pain oro ca awi tamana Iri' Jam. Querec pin' ac cucuhu' tara oro wari' pain ca an xiho' huhun Iri' Jam co Iri' Taramaxicon pan. Xi xiram pa' ara cocon oro caxicon wari' Iri' Jam ta. Oro wari' co om tomi' querec te taxi' nana pain ca cut caca carawa ca awi, je i ma' ira, xiram pa' pan nonon Iri' Jam ta. Oro wari' co pan teretem nana ma', je i ma' ira, xiram pa' pan ac cocon na quem.

Romanos 11:30

Wahu' pain ca om judeu hwe ma' quem, om ca tomi' ha' hun Iri' Jam pain cara pane, ari hun pane. Ane xiram pa' pin cuhu' pain xocori ca' ne, xi om ne ca ari pan ara caca oro win judeu ta' cwa'.

1 Coríntios 7:25

Pain ca xirao' mi' mahu' pane, tomi' querec mahu' cocon oro wari' co om cut querec nana narima' ma', cacam oromon xojam' co om cut querec nana tarama' ma' quem. Tomi' xo' ho' xim inuhu' pain quem. Tomi' hwet pan xuhu' pain ca coromicat ne ca' pahu', xi wara tomi' xo' capa' pain Taramaxicon nexi' ta. Taraju wet xine, xi om ne ca xiram pa' ara capa' pain ca mi' capa' pain ca tomi' xo' wa ta.

2 Coríntios 4:1

Wirico Iri' Jam co xiram pa' naparut pain ca mi' caparut pain ca taramaja mi' urut con ca'. Je ca om naro urut ca'.

Efésios 4:32

Ca' je, xiram pa' xujuhu'. Quep xiho' xujuhu'. Mo ta ara cup xujuhu', ta mana' xujuhu' pain me. Mana' mana' om pin xujuhu' pain ca caracat nuhu' pain ca ara cup xujuhu' ma'. Win cuhu' Iri' Jam ma', pain ca ji'am pin cain ca caracat nuhu' con Cristo.

Colossenses 3:12

Tora' nuhu' Iri' Jam, iri' wari' ne nuhu'. Om ca noc camain' cuhu'. Je ca hohot ne pain ca xiram pa' tamana xujuhu' ma'. An hwet mi' xujuhu' pain ca awi wa. Ta xec xec hwe me ta. Tomi' wixite xujuhu'. Tomi' pan hot xujuhu' quem.

1 Timóteo 1:13

Tomi' xirac paxi' inon pain cara pane. Ja' tiquin' inonon oro wari' co howa nonon pane. Quep em' tamana inonon pane quem, ac i ma' paxi' ina pain cara pane. Ane xiram pa' capa' Cristo Jeju ne. Om paxi' napa' xumu pane. Hohot tara ma' inain ca quep em' toton pane. Xi howa ton Jeju pain ca Panxica Iri' Jam ca pane ta.

1 Timóteo 1:16

Caracat ac i ma' paxi' ina pane. Ane xiram pa' pan capa' Cristo Jeju ne. Ma' ta querec pin' cacapa' oro wari' pain ca an hwet mi' toton pain ca tomi' pan hot tamana ne ca', je pain ca winim' toton pain ca howa cacapa' ta nonon. Tomi' pan hot tamana ara xi' napa' pain ca winim' capa' pain ca howa ton pane quem. Tomi' ca' nonon oro wari' co howa xun nonon pa'ao': Win ton Paulo pane nonon. Caracat tiquin' ca' paxi' nuhu' pane, ane tomi' pan hot tamana ton pain ca winim' ton pain ca howa xim capa' pane nonon.

Hebreus 4:16

Je ta wixicam xun Iri' Jam co xiram pa' taxipa' ma', co quep xiho' taxipa' ma' quem. Om ta jin' xun, ac ca wixicam xun tara pain iri' ca xao pe pe ca pain pawin cain. Ma' ta xiram pa' capari', ma' ta quep xiho' capari' quem. Ximin iri xi' ne, pain ca ma' capari' oro ca to' i'ina napari' ma', xiram pa' hap ac capari' tara, quep xiho' hap ac capari' tara quem.

Hebreus 6:10

Om ca pan tem camain' ca Iri' Jam, ara xo' taxipa' na. Om ta ji'am pin cuhu' pain ca taramaja tamana nuhu' ma', om ta ji'am pin cuhu' pain ca an hwet hwein ca tomi' querec te nuhu' pain ca om noc hun ma' quem, xi quep xiho' ara huhun oro win howa hwe ta, quep xiho' quep xiho' wet huhun pain xocori ca' quem.

Tiago 2:13

Oro wari' co om xiram pa' nonon oro win ma' caca ma', om ta xiram pa' pan tococwa pain ca tomi' xo' xun tococwa pain oro ca tomi' caca, je pain oro ca ara caca quem. Oro co xiram pa' nonon oro win ma' caca ma' iri nana ne, xiram pa' ac tococwa tara pain ca tomi' xo' xun tococwa ta.

Tiago 3:17

Ane jimao ne ca coromicat xo' wa ca maqui' nain pawin ne. Mo ta coromicat xo' iri', to ni ca' ac xin na ca caracat wa pain ca win xumu cain' xun Iri' Jam. Ca' ac iri' na quem: Quep xiho' ururun oro win ma' nexi' pain ca mana' caracan xucucun ma'. Tomi' querec te caracan xijexi'. Tomi' wixite xijexi' pain ca win xumu xin ca param pan nucucun oro win ma' nexi'. Xiram pa' tamana xijexi' pain ca ara mi' xijexi' pain oro ca awi wa. Om ca tomi' querec te paxica' xijexi', om ca tomi' capijacocon e' xijexi', tomi' iri'o' xijexi'.

1Pedro 2:10

Om paxi' na ca wari' ne cuhu' Iri' Jam pain cara pane, ane wari' ne pin cuhu' pain xocori ca' ne. Om paxi' na ca xiram pa' cuhu' pane, ane xiram pa' pin cuhu' pain xocori ca' ne.