Mateus 5:47 - Tradução Bíblica Pacaas Novos

⁴⁷ Mo ta tomi' querec te e' huhun oro wari' co tomi' querec te nunuhu' ma' quem, hohot tara pain i ma' pahu' ra? Awi tiquin' ca' huhun oro wari' pain ca ara ac i ma' hwe ra? Om na quem. Ac i ma' ara xi' nana oro wari' co om howa nonon Iri' Jam ma', tomi' querec te e' nonon co tomi' querec te pan nonon ma'.

Mateus 5:47 Iomraidhean Croise

Mateus 10:12

Corom iri jein xiricon ne, tomi' ac huhun tara oro co to nanain ma'. Param urut con Iri' Jam pain ca mi' cuhu' pain ca om toron ne xumuhu', je pain ca mi' cuhu' pain oro ca awi wa ca' jujun.

Mateus 5:20

Je ca tomi' xuhu' ca': Tomi' ha' jein oro ca tomi' nucun Iri' Jam. Coromicat ac i ca' paxi' hwe pain xocori ca': Tomi' ha' nana oro fariseu ma', tomi' ha' nana oro co ca' na taxipa' nanain ca xirao' nucun Moisés ma' quem, ac i ma' paxi' na ca coromicat nuhu' pain xocori ca'. Ane tomi' pan xuhu' pain i ca' ne: Mo ta om tomi' ha' tiquin' ca' huhun pain oro ca tomi' nucun Iri' Jam ma', om ta to ho' camain' huhun oro wari' co taramaxicon pe ho' ca Iri' Jam ta. Tomi' iri'o' inuhu' ta.

Mateus 5:46

Je ca tomi' xuhu' ca': Mo ta om noc e' huhun oro wari' co om noc nunuhu' ma'. Cain' cain' xuruhu' Iri' Jam pain i ma' quem? Mi' turuhu' pain oro ca awi wa pain ca om noc e' huhun co om noc nunuhu' ma' ra? Om na. Ac i ma' ara xi' nana oro caxicon wari' co an xiho' nonon co cut in taxipa' nanain oro imposto ca pagar je tococwa oro wari' ma'. Om ca noc cocon co om noc pan nonon.

Mateus 5:48

Je ca tomi' xuhu' ca': Iri' wari' je. Win ca Cotere' co pe pawin cwain ta.

Lucas 6:32

Je ca tomi' xuhu' ca': Mo ta om noc e' huhun oro wari' co om noc nunuhu' ma'. Cain' cain' xuruhu' Iri' Jam pain i ma' quem? Mi' turuhu' pain oro ca awi wa pain ca om noc e' huhun co om noc nunuhu' ma' ra? Om na. Ac i ma' ara xi' nana oro caracat ma'. Om ca noc cocon co om noc pan nonon.

Colossenses 4:14

Mam' pe wet inonon ta nuhu' doutor Lucas co tomi' querec te iri' cwa'. Wirico Demas cwa', mam' pe wet inonon ta nuhu' quem.

Colossenses 4:15

Mam' pe wet urut cocon oro xerexi' co to nanain Laodiceia cwain. Wiricam Ninfa cocon oro xerexi' co cut in to nanain xiricam ma', mam' pe wet urut cacam quem.

1Pedro 2:20

Ane tomi' xuhu' pain i ca' ne: Mo ta pan teretem hwe, mo ta quep em' xihwe pain ca pan teretem pan nuhu' ma', tomi' querec te nuhu' Iri' Jam pain ca quereme hwein ra? Quep xiho' xuruhu' pain ra? Om na ta! Tomi' querec te e' nuhu' pain ca quereme hwein ca jain jain wa pain ca wap ximama' cucuhu' pain ca ara hwein ca awi wa ta.