Mateus 5:42 - Tradução Bíblica Pacaas Novos

⁴² Mo ta mi' ne quem, pain caramajum wari' ma', mi' ac mon pain tara. Mo ta wajim' quem, pain, mo ta mi' in hwet xim pain quem. Ta miri'om mon me, mi' ron pain.

Mateus 5:42 Iomraidhean Croise

Mateus 5:41

Mo ta tomi' merem quem wari' ma', mo ta an tiquin' rain caramaju ca' quem, xica' pe tara quilômetro pain ca an tiquin' main ta terem, mo ta tomi' ac i ma' quem. Om ta xica' pe ne quilômetro ca an tiquin' main. Ma' 2 tara quilômetro pain ca an tiquin' main con.

Lucas 11:41

Je ca tomi' xuhu' ca': Param ximama' maho' jein oro caramaxicocon oro win ma' nuhu' ma', pan teretem maho' je quem. Xiram pa' pan jujun co ximin nana ma', xiram pa' jujun pain iri' xumuhu' ta. Querec hohot ac cuhu' tara Iri' Jam. Ac ca hohoc xo' xujuhu' tara con ta na ca tomi' con ma'.

Romanos 12:20

Je ca tomi' xuhu' ca': Ta win caca ne huhun me ta. Ara jein ca xirao' pe xine capijacon Iri' Jam. Ca' je: Mo ta ma' ca wari' co noc nuhu' ma'. Mo ta pe' ca, mo ta cao' ta' ca quem, mi' jun pain carawa ca cao' wa. Mo ta toc ta' ca, mi' jun pain ca toc wa quem. Mo ta ac i ma' hun, wixipa' ac cuhu' tara. Ac i ma' na ca xirao' pe xine pain capijacon Iri' Jam.

Hebreus 13:16

Ta miri'om xujuhu' me. Ara mi' iri xujuhu' pain ca awi wa ma' ne, pain ca quep xiho' caracan xujuhu' ma', ac ca ara mi' hun na pain ca awi wa Iri' Jam ma'. Hohot napa' pain ca ara ac i ma' hwe ta nuhu' quem.

Hebreus 6:10

Om ca pan tem camain' ca Iri' Jam, ara xo' taxipa' na. Om ta ji'am pin cuhu' pain ca taramaja tamana nuhu' ma', om ta ji'am pin cuhu' pain ca an hwet hwein ca tomi' querec te nuhu' pain ca om noc hun ma' quem, xi quep xiho' ara huhun oro win howa hwe ta, quep xiho' quep xiho' wet huhun pain xocori ca' quem.

Tiago 1:27

Wari' co hohot ton non Cotere' Iri' Jam ma' iri na ne, pain ca xut xo' iri'o' ca pain ca win xumu xo' con ma', ara ac i ca' na: Querec wet nonon oro hwijima' co cono' ca' nanam mana cote cacama cacam waram jicacam ma', querec wet nanam oro narima' co cono' ca' nanam waram taxicacam ma', querec wet nanam pain oro ca to' i'ina nanam quem. Ara xite xucun, om ca to' em' camain' xucun pain ca an xiho' cocon oro caracat co om howa nonon Iri' Jam quem.