Mateus 5:41 - Tradução Bíblica Pacaas Novos

⁴¹ Mo ta tomi' merem quem wari' ma', mo ta an tiquin' rain caramaju ca' quem, xica' pe tara quilômetro pain ca an tiquin' main ta terem, mo ta tomi' ac i ma' quem. Om ta xica' pe ne quilômetro ca an tiquin' main. Ma' 2 tara quilômetro pain ca an tiquin' main con.

Mateus 5:41 Iomraidhean Croise

Mateus 27:32

Hwerehwet ca' iri nanain cidade ma' ne, win quima ac cocon na wari' ma'. Simão na wixicon. Wari' nein Cirene na Simão. Quep ac cocon na oro soldado, an tiquin' rain panaxicon Jeju cwa' nonon.

Mateus 5:40

Tomi' inem pain ca xina con juiz wari' ma' pum. Mo ta tomi' ca' con, ara cup napa' co ma' ta, pagar tarapa', mi' tarapa' con iri' curucun womicon ta tara pain ca xina con juiz pum. Je i ma' ira, ta mana' mon me ta, om ta mi' e' mon con iri' curucun womum ma'. Mi' ron con iri' curucun womum, mi' ron con to' om capin' nem ma' quem.

Mateus 5:42

Mo ta mi' ne quem, pain caramajum wari' ma', mi' ac mon pain tara. Mo ta wajim' quem, pain, mo ta mi' in hwet xim pain quem. Ta miri'om mon me, mi' ron pain.

Marcos 15:21

Xuruxut mama' iri nanain wana ne, win quima ac cocon na wari' ma'. Simão na wixicon. Wari' nein Cirene na Simão. Cote ca Alexandre con Rufo na Simão ma'. Maqui' nain xitot. Quep ac cocon na oro soldado, an tiquin' rain panaxicon Jeju cwa' nonon.

Lucas 23:26

An mao ac cocon na Jeju oro soldado ma'. Pain ca xuruxut xuruxut wet nucucun ma', quep ac cocon na wari' ma'. Simão na wixicon. Wari' nein Cirene na Simão. Maqui' nain xitot. Quep iri nonon ne, an pe ac cacain na panaxicon Jeju pain waracon. An tiquin' rain ta, ja' ja' ron Jeju cwa' nonon.

2 Coríntios 5:14

Ac ca cuc cuc caparut na Cristo cwa', pain ca pijim' xixi' na urut ca', xi querec pin' ara urut con pain ca om noc tamana capari' ta. Taxi' urut con pain ca mi' pin caho' capari'. Xica' pe xat paxi' na, ane mi' pin caho' mi' pin caho' xam' capari' ne. Je ca ac ca cono' cono' pi' pin iri' ne quem.