Mateus 5:34 - Tradução Bíblica Pacaas Novos

³⁴ Ane tomi' pan xuhu' pain i ca' ne: Ta tomi' waraju camain' hwein oro wixinain carawa pain oro ca ara xi' hwe me ta. Ta tomi' waraju hwein wixinain pawin me ta, xi xao pe ara cain pawin Iri' Jam pain ca taramaxicon pe ho' capari' ta.

Mateus 5:34 Iomraidhean Croise

Atos 7:49

Tomi' ca' na Iri' Jam: Ac pana ca mam' xao pe xao pe ca taramaxicon napa' pawin ca xao pe pe ta' ca'. Ac pana mam' ton pe ton pe tain caxima napa' macan' ca' quem. Ma' tara ca quep mi' ac mahu' pain xirim ra? Cain' xi cwere ne xirim ca quep mi' xim mahu' ma' quem? Main xi xao pe wa pe capa' xumu pahu' quem?

Tiago 5:12

Tomi' xim inuhu' pain i ca' quem xere, tomi' mip xim inuhu': Mo ta wara tomi' pe xujuhu' pain ca ara xi' hwe ma', ta an hwet ximama' hwein wixinain pawin pain ca tomi' nuhu' me. Ta an hwet ximama' hwein wixinain macan' je oro carawa nein quem me. Ta an hwet ximama' camain' hwein wixinain oro carawa pain ca ma' ta howa cacapa' oro win ma' ne pain ca ara tain ta' ca' hwe me. Mo ta wara tomi' pe xujuhu' pain ca ara xi' hwe ma', ara xin ta e' je. Mo ta om ara xin hwein, om ta ara xin ta e' je. Ma' ta om wap cuhu' Iri' Jam ta inuhu'.