Mateus 5:3 - Tradução Bíblica Pacaas Novos

³ Param mi' tata pain ca awi wa oro wari' co ximin nana ma', xi wari' ne ara tococwa pain ca taramaxicon pe ho' xun tococwa ma'.

Mateus 5:3 Iomraidhean Croise

Mateus 11:25

Tomi' ac con na Iri' Jam Jeju: Tomi' querec te inem ta Te. Wum co Taramaxicon pe nain pawin je macan' ca'. Tomi' querec te inem pain ca tora' momon oro wari' co om xec xec nana cwa', co an xiho' nonon oro hwijima' pain ca om xec xec nucucun ca'. An hwet mi' momon pain oro ca joc xim ma cocon oro wari' co taxi' urut xi' ma nana ma'.

Mateus 11:6

Tomi' jun pain i ca' quem: Wari' co howa cara napa' ma', co om tara con ta'a napa' ma', wirico tara co param mi' ca pain ca awi wa Iri' Jam ta, ac i ma' na ca tomi' xo' tococwa ma'.

Mateus 13:16

Ane tomi' pan xuhu' pain i ca' ne ac caparut na. Param mi' nuhu' pain ca awi wa Iri' Jam ma', xi querec pin' ara mahu' ta. Taraju pa' mahu' quem.

Mateus 19:14

Tomi' in pin ac caparut na Jeju. Ta narain ho' hwehwem pain ca hwet cacapa' hwijima' cwa' me. Ta tomi' in pin hwehwem me ta. Oro wari' co an xiho' nanam pain ca om xec xec nequequem ma', pain ca howa cacapa' ma', wiricoco tatara co taramaxicon pe ho' ca Iri' Jam ta naparut.

Mateus 24:46

Mo ta in qui' ca taramaxicon nucun ma', mo ta querec pin' con pain ca querec wet xo' cocon oro win taramaja ca ma', tomi' querec te ac con tara, hohot tamana mapa' pain ca taramaja xo' mi' mapa' ca' ac con tara.

Mateus 25:34

Tomi' ac toton tara co to nanain iri' cwere ma', co xuruxut xo' nana ma'. Wahu' pain ca param mi' cuhu' pain ca awi wa Te ma', harahap je. To ho' cara xine, taramaxicon pe ho' ac xuhu' tara. Wara coromicat an pe xo' nain i ma' Te pahu' pain cara pane, pain ca xo' ma' ten qui' xine macan' pane.

Mateus 3:2

Ca' na ca pijim' nucun: Cwirin' je, xi om ne ca wixicam pin ta' ara ne xec nein ca taramaxicon pe ho' pin ton cocon oro wari' Iri' Jam ta na.

Mateus 8:11

Je ca tomi' xuhu' ca'. Mija tatara oro xucucun wari' co maqui' nanain oro xijein macan' pain pira. Cao' querec te wi xi', xao to ho' ac xucucun tara pain pana ca mam' cao' to wa pain pawin cain, pain ca taramaxicon pe ca Iri' Jam cwain, xao to ho' totoron hwanana nexi' Abraão con Isaque con Jacó.

Marcos 10:14

Querec iri nonon co taxipa' ca Jeju ne, pain ca tomi' in pin cacam ma', om ca hohot con. Mana' ac tococwa na. Ta narain ho' hwehwem pain ca hwet cacapa' hwijima' cwa' me ta. Ta tomi' in pin hwehwem me ta. Oro wari' co an xiho' nanam pain ca om xec xec nequequem ma', pain ca howa cacapa' ma', wiricoco tatara co taramaxicon pe ho' ca Iri' Jam ta.

Lucas 11:28

Om na, param mi' pan tata pain ca awi wa oro wari' co taraju nanain capijacon Iri' Jam ma', co tomi' ha' nonon ma' quem. Wiricoco co param mi' wawa pain ca awi wa ta ac tococwa na.

Lucas 18:14

Je ca tomi' xuhu' ca' ac tococwa na. In mama' iri nanain xiricocon ne, querec hohot pan inem ta non Iri' Jam co ma' co cut in taxipa' imposto ma'. Fariseu ma' iri na ne, om ca querec hohot pan inem ta con Iri' Jam. Je ca tomi' xuhu' ca': Wari' co xec xec ma', pain ca hwara' opa ina xi' ma ca ma', to' wixipa' ac tocwa tara. Wari' co om xec xec ma' iri na ne, pain ca om ca hwara' opa ta' ta pan xucun ma', to' hwara' opa pin ac tocwa tara quem na ca tomi' tococwa ma'.

Lucas 22:29

Je ca mi' xim xuhu' pain ca taramaxicon wa. Win ne ca mi' capa' pain ca taramaxicon wa Te quem.

Lucas 22:30

Cao' querec te to ho' ac xijexi' tara pain ca taramaxicon pe ta' ta' cain. Xao to ac hwein tara ca mam' xao pe nucun taramaxicon, tomi' querec tomi' querec ac huhun tara pain oro ca ara nucucun waram winacocon mana panxica Israel cara pane, co ma' 12 nana cara pane na ca tomi' tococwa ma'.

Lucas 4:18

Pe ho' napa' Tamataracon Iri' Jam. Xi tora' ara capa' ta. Pijim' hwet roron pain capija oro wari' co ximin nana ta napa', pijim' hwet roron pain capija ca tomi' hwet nonon pain ca to' witan ton toton ca' napa'. Oro wari' co om tococon ma', pijim' hwet roron pain napa'. To' querec pin mami' xuhu' ta nuhu' ta napa'. To' witan roron co quep em' wawa ta napa'.

João 20:29

Cain' cain' xima quem Tomé ac con na Jeju. Howa e' mapa' pain ca querec mapa' pain ca e' mami' ne ra? Oro wari' co howa nanapa' pain ca om querec cacapa' ma', om paxi' na ca querec cacapa' pain ca e' mami' ne ca'. Je i ma' ira nana, howa urut pum pain ca e' mami' nem ta nanapa'. Wiricoco nana co param mi' wawa pain ca awi wa ta na ca tomi' con ma'.

Tiago 1:10

Wari' co howa ma', co caramaju ma' iri na ne, tomi' querec te e' tara pain ca ximin pin ca pain ca om pin ne caramaxicon quem. Xi om ne ca to' querec pin' ara tocwa pain ca om quep xiho' con caramaxicon. Main pan' am ta' ara xi' na, win ne hwijein tononoin ma'.

Tiago 1:12

Param mi' ta pain ca awi wa wari' co hwara' opa cara pain ca quereme cain oro ca to' i'ina non ma'. Querec pin' pan iri toron Iri' Jam ne, pain ca hohot mapa' ta con ma', mi' ac con pain tara carawa ca wara tomi' pe con ma', pain ca e' pe ho' cara ne ta con ma'. Wari' pain ca om noc xun ca', wara tomi' pe napari' pain i ma' ta.

Tiago 2:5

Je ca tomi' xuhu' pain ca tomi' querec te xuhu' ca' xere. Taraju wet je e'. Oro wari' co ximin nana pain macan' ca', wiricoco co tora' pan ca Iri' Jam ma', pain ca howa xine cocon ma'. Tomi' ca' tata: Howa iri mahu' ne, ac ca caramaju tamana hwe na. Main mi' xuhu' pain ca to ho' mahu' pain ca aram aram taramaxicon pe ho' xuhu' ta' ta. Wara tomi' pe ara xi' inuhu' pain, xi om noc ara mahu' ta pan tata.

Apocalipse 19:9

Xirao' ca' ra ta ac capa' na jam co taramaja mi' non Iri' Jam: Param mi' tata pain ca awi wa oro wari' co tomi' wawa pain ca harahap je, cao' querec te wi xijexi' con co ma' co ac Wijimain Taramaji Ovelha ma', co an pin tam nam narima' ta na. Tomi' tomi' tiquin' ac capa' na: Je ca tomi' ca Iri' Jam cwa'. Iri'o' na ca tomi' nucun ta na.

Apocalipse 22:14

Param mi' tata pain ca awi wa oro wari' co hohoc nonon womicocon ma'. Om ta narain ho' tococwa pain ca xac wa winain panaji memem ca mi' nain ca e' cara wa. Ha' nonon pain ca corom mama' cacain cidade pain oro manain ca mam' corom ac xine quem.

Apocalipse 3:17

Tomi' ac i ca' hwe: Caramaju urut, mija naparut oro carawa. Om na carawa ca om naparut, ma' ma' pi' pin naparut oro carawa ca param urut, ac i ma' paxi' na ca tomi' hwe ma'. Ane om querec pin' hwein ca ximin nuhu' ne. Xiram pa' inuhu' ta. Xi querec pin' xujuhu' pain ca om cuhu' iri' carawa ta. Om na tucuhu', om na womuhu' quem.