Mateus 5:25 - Tradução Bíblica Pacaas Novos

²⁵ Tomi' inem pain ca dever mon pain dinheiro wari' ma' quem. Mo ta dever mon pain, am tomi' ca' quem: Dever mapa' pain dinheiro ta, mo hwet xun juiz ma', tomi' hwet ton pum ac quem tara. Om na, tomi' xo' hap xijexi' ta ac mon tara pain ca xuruxut xuruxut wet hwein wana ma', pain ca om hwet querec hun juiz pain xiricon ma'. Mo ta om tomi' xo' hap xujuhu', am tomi' hwet con juiz pum. Am quep quem, am an mao ron co cwa' ta con co tao' pe ma' pum, am tao' pe quem quem.

Mateus 5:25 Iomraidhean Croise

Mateus 26:58

Ja' tequi' pira ca' non Jeju Pedro ma' quem. Xut ac ca na, wara ca' na ca tao' caho' nein xiricon sacerdote co iri' taramaxicon ma', corom mao ac ca na, xao pe ho' ac cocon na oro guarda ma' quem. Querec ta' carawa ca ara ton non Jeju ta xucun.

Lucas 18:3

Ma' na narima' co pe nain cidade nucucun ma'. Wara mi' pin ca' nam taxicam. Tama' hwet ho' hwet ho' non juiz ma'. Jain jain na pain ca tomi' con. Quep xiho' ne con wari' co mixein napa' ma' me. Tomi' xo' ron, nain ho' ne con me na ca tomi' con ma'.

2 Coríntios 6:2

Xi ma' ara ne ca xirao' pe xine ca tomi' nucun Iri' Jam ta. Ca' na con: Maqui' iri napa' xec nein ca xiram pa' xim xim ne, ha' ac xim na pain ca tomi' mapa' ma'. Maqui' iri napa' xec nein ca to' witan xim xim ne, quep xiho' ac xim na quem, ac i ma' na ca xirao' pe xine ca tomi' nucun Iri' Jam pane. Je ca tomi' xuhu' ca'. Taraju wet je e'. Maqui' pin na xec nein ca xiram pa' pin xim capari' Iri' Jam ca'. Maqui' pin na xec nein ca to' witan pin xim capari' quem.

Hebreus 12:17

Taxi' hun Esaú pain ca aram aram in pin ne ximicon quem. Tomi' xo' pan xirapa' te ta, tomi' mi' pan xirapa' con Iri' Jam ma', pain oro ca tomi' pe mi' capa' ta, ac i ma' na ca coromicat nucun. Tomi' mip paxi' non, aca xoc paxi' na quem. Ane noc pin tocwa ne, xi ha' con pain ca an in cain ca ara ca pane, pain ca param ni ca' cain ca tomi' pe mi' qui' con cote ca pane ta.

Hebreus 3:13

Ta ac i ma' camain' hwe me ta. Hu caracan pan xujuhu' pain oro xijein xec ca', pain ca ha' ha' wet cuhu' pain ca taraju xin hwein capijacon Iri' Jam ma', pain ca tomi' ha' xun hwe ma' quem. Ma' ta om opain pin ne xumuhu' pain ca mixein cuhu' Caxicon Jam ma', pain ca caracat je cuhu' ma'.

Hebreus 3:7

Je ca tomi' xuhu' ca'. Ac i ca' na ca xirao' an pe xine ca tomi' nein Tamataracon Iri' Jam pain capijacon: Mo ta taraju hun Iri' Jam pain ca tomi' cuhu' pain xec ca',