Mateus 5:15 - Tradução Bíblica Pacaas Novos

¹⁵ Noro jun wari' co tom nain naran ma' quem. Om ca tatep pa' ca pain too. Tom an hwet pe na pain maxinain. Toha mi' ac tococwa na oro wari' co to nanain xirim.

Mateus 5:15 Iomraidhean Croise

Marcos 4:21

Cain' cain' ca wari' co tom nain naran quem ac tococwa na. Tatep pa' na pain too ra? An corom pe na pain tequipain tapit ra? Om na! Tom an hwet pe na pain maxinain.

Lucas 11:33

Noro jun wari' co tom nain naran ma' ac tococwa na. Om ca joc xa cain, om ca narain ho' tococwa oro wari' pain ca querec cacain. Om ca tatep pa' ca pain tapaxi' quem, om na. Tom an hwet pe na pain maxinain, ma' ta toha mi' tococwa oro wari' co corom nanain xirim ta na.

Lucas 11:36

Je ca tomi' xim ca': Mo ta howa mapa' pain ca tomi' hwet xim pain capijacon Iri' Jam ca', mo ta om howa camain' main oro ca pijim' ximao wa ca an xiho' nain ca jitacat nein xim ma', ac ca pe main xec na, ac ca toha mi' quem na naran pain xumum ta na ca tomi' tococwa ma'.

Lucas 8:16

Noro jun wari' co tom nain naran ma' quem ac tococwa na. Om ca tatep pa' ca pain tapaxi'. Om ca an corom pe ca pain tequipain tapit quem, om na. Tom an hwet pe na pain maxinain, ma' ta toha mi' tococwa oro wari' co corom nanain xirim ta na.

Filipenses 2:15

Ma' ta querec pin' xihwe pain ca xumu xo' nuhu' ma', pain ca om hwet ne wuxuhu' pain ca caracat wa ma'. To ho' paxi' huhun oro caracat co pan teretem nana ma', co ara taxipa' nanain oro ca om awi wa ma'. Ane om hohot camain' ne pain ca ma' cuhu' oro ca to' em' nuhu' pain ca caracat wa pain ca mana panxica Iri' Jam hwe ne. Ac oro pijo' co toha to nain pawin je. Ac ca toha mi' huhun tara pain naran ma', to' querec pin' jujun pain ca xuruxut xo' wa ta.

Hebreus 9:2

An xat ac cacain na xirim ca in ac pe xun tocwa Iri' Jam ma', ma' 2 na manain pain tequipain. Maxinain Caramaxicon Iri' Jam nanain manain ca pe in qui' ma'. Je ca pe ne too ca mam' tom pe ne naran. Je ca pe ne pana pain oro capam' ca an toco' xo' mi' tocwa Iri' Jam ma' quem.

Apocalipse 2:5

Je ca tomi' xuhu' ca': Mam' pe wet jein ca tomi' querec te nuhu' pane, pain ca tomi' ha' xixim na mahu' pain ca xo' howa ten qui' mahu' pane. Cwirin' pin jein ca caracat nuhu', jain jain mami' xine pain ca tama' tomi' ha' xixim na mahu' ma', tomi' querec te ac i ma' mami' xine. Ac pain cara pane tara pain ca xo' howa qui' mahu' pane. Mo ta om cwirin' pin hwein ca caracat nuhu' ma', hwet ac xuhu' tara, an ca' ac xuhu' tara pain ca mam' tom pe ne naran nuhu' ma'. Pe pe om pin ac nein tara maxinain pahu'.