Mateus 5:13 - Tradução Bíblica Pacaas Novos

¹³ Wahu' pain ca howa mahu' ma', ac sal hwe cocon oro wari' pain macan' ca' ac tococwa na. Noro jein sal ma'. Mo ta wita wita om ne sal ma', mo ta camain' pin ne. Cain' xi wita mami' ne quem? Wita mami' tara ra? Om na, om ca wita mami' ne. Wixicao' pin e' ta, xom pin ac cacain na oro wari' co xuruxut in nana ma'.

Mateus 5:13 Iomraidhean Croise

Colossenses 4:6

Tama' tomi' toto jujun, taraju hohot totoron ca tomi' nuhu'. Ma' ta ha' cuhu' pain ca tomi' xo' huhun pain ca tomi' querec cucuhu' pain ca om taraju pa' nucucun.

Hebreus 10:29

Wap ac i ma' ta wari' co om tomi' ha' ra na nain ca xirao' nucun Moisés pane. Je ca tomi' xuhu' ca'. Cain' ca coromicat mi' hun wari' co tomi' xirac non Panxica Iri' Jam quem? Cain' ca coromicat mi' hun wari' co tomi' ximao nain quicon Jeju ca mam' tomi' an pe xo' cain xocori ca tomi' xo' nucun Iri' Jam ma', ca mam' to' hohot ton paxi' non ma' quem? Cain' ca coromicat mi' hun wari' co tomi' xirac nain Tamataracon Iri' Jam ca xiram pa' pan non quem? Om ca hohot ne pain ca wap mip tocwa ra? Hohot ne ca' ira!