Mateus 5:1 - Tradução Bíblica Pacaas Novos

¹ Mija nana wari' co ja' ja' nonon Jeju ma'. Querec iri tata ne, piri' mao ac cain na pacun, xao pe ac cain na tamain. Hwet iri nonon co taxipa' ca ne,

Mateus 5:1 Iomraidhean Croise

Mateus 13:2

Mija nana wari' co coco' coco' mam' nonon ma'. Om ca paric camain' caca. Je ca piton pe tain mam' horoho wa ta ca ma'. Xao pe ac ca na, coco' to ac cacain na namaji pain cacarain com oro wari' ma' quem.

Mateus 15:29

Maji ta ac caparut na Jeju, xuruxut mama' ac urut na pain cacarain cote ne com pain Galileia ma'. Piri' mao tain pacun ca' e' ac ca na, piri' piri' xao pe ac ca na quem.

Mateus 4:25

Mija nana wari' co ja' ja' nonon quem. Maqui' nanain oro xijein cidade pain Galileia, maqui' nanain oro xijein cidade pain Decápolis quem. Maqui' nanain Jerusalém, maqui' nanain oro xijein cidade pain Judeia, je pain oro xijein cidade pain xijein cacarain Jordão ma' quem.

Mateus 5:2

pijim' ac tococwa na. Ca' na ca tomi' cocon ma':

Marcos 3:13

Jeju ma', piri' mao ac cain na ca tamaja pan ne macan'. Harahap je ac tococwa na co param pan ca ma'. Hwet ac cocon na.

Marcos 3:20

Corom mao ac cain na xirim Jeju. Maqui' mami' ac caca na oro wari' quem. Mija nana ta! To' i'ina nonon Jeju cocon co taxipa' ca ma'. To' i'ina nonon pain oro carawa ca ara xi' caca, om ca ha' cocon pain ca cao' wa quem.

Marcos 4:1

Ca' na toton pain capijacon Iri' Jam ta ac ca na Jeju ma', ca' na pe ac cain na cacarain cote ne com. Mija nana wari' co coco' coco' mam' nonon ma'. Om ca paric camain' caca. Je ca piton pe tain cain mam' horoho wa ca ho pe cacarain com ma'. Xao pe ac ca na. Coco' to pan ac cacain na namaji pain cacarain com oro wari' ma' quem.

Lucas 6:12

Om ca pain homa ne, mo tomi' ton Te ta ac ca na Jeju, mao ac cain na pacun. Tomi' ac con na, tomi' tomi' xec pa' ac con na quem.

Lucas 6:17

Quiji' wi ac cocon na pain pacun ma', wirico Jeju, wiricoco co taxipa' ca ma' quem. Coco' to ac cacain na ca om tamaja nein ma' quem. Mija nana wari' co to nanain i ma'. Mija nana co wara taxipa' nonon, mija nana wari' co maqui' nanain oro xijein cidade pain Judeia, maqui' nanain Jerusalém, maqui' nanain cacarain iri' cote ne com pain Tiro je Sidom ma' quem. Om ca paric camain' caca.

Lucas 6:20

Noro ac tococwa na co taxipa' ca ma'. Tomi' ac tococwa na: Wahu' pain ca ximin hwe ma', param mi' nuhu' pain ca awi wa Iri' Jam. Xi wari' ne ara cuhu' pain ca taramaxicon pe ho' xim cuhu' ta.

Lucas 9:28

Om ca pain homa ne, ac ca ma' 8 pin ne na xec pain ca wara tomi' xo' tococwa co taxipa' ca pain ca mi' pin ta' nucun ma', tomi' ton Iri' Jam ta ac ca na. Maji ta ac con na Pedro con João con Tiago ma', piri' mama' ac cacain na pacun.

João 6:15

Jeju ma', taxi' nonon oro wari' pain ca quep xat xun cocon pain ca taramaxicon pe ho' xut ta cocon ma' quem. Je ca paca' mami' cocon ma'. Piri' mao xica' pe ac cain na pacun.